பாலியல் அத்துமீறல் வீடியோக்களை தடுக்க வாட்ஸ்அப் ஒத்துழைப்பு

பாலியல் அத்துமீறல் தொடர்பான வீடியோக்கள் வாட்ஸ்அப் மூலம் பரவுவதைத் தடுக்க ஒத்துழைப்பு அளிப்போம் என உச்ச நீதிமன்றத்துக்கு வாட்ஸ்அப் தெரிவித்துள்ளது.

பாலியல் தொடர்பான வீடியோக்கள் பரவுவதைத் தடுப்பதற்காக, நீதிமன்றம் அமைக்கும் குழுவில் தொழில்நுட்ப தீர்வுகளை வாட்ஸ்அப் அளிக்க வேண்டும் என நீதிமன்றம் கேட்டுக் கொண்டுள்ளது. வாட்ஸ்அப் சார்பாக நீதிமன்றத்தில் மூத்த வழக்கறிஞர் கபில் சிபல் ஆஜரானார்.

கமிட்டியின் முன்பு அமர்ந்து எல்லாவற்றையும் விளக்குவதற்காக வாட்ஸ்அப் ஆட்களை அனுப்பும் என்று சிபல் கூறினார். மேலும் வாட்ஸ்அப் பொறியாளர்களும் நிபுணர்களும் கமிட்டிக்கு தொழில்நுட்பங்கள் குறித்து செயல்முறை விளக்கம் அளிப்பார்கள். குறிப்பாக குறியீடுகள் தொடர்பாக தொழில்நுட்பங்களை விளக்குவார்கள் என்று கூறினார். நிறுவனத்தின் பொறியாளர்கள் இரண்டு வாரங்களுக்குள் கமிட்டியைச் சந்திப்பார்கள் என்றும் கூறினார்.