ஜேம்ஸ் ஹோகன் - இவரைத் தெரியுமா?

$ அபுதாபியைத் தலைமையகமாகக் கொண்டு செயல்படும் எதியாட் விமான நிறுவனத்தின் தலைவர் மற்றும் தலைமைச் செயல் அதிகாரி. 2006 செப்டம்பர் முதல் இந்த பொறுப்பில் இருக்கிறார். ஆஸ்திரேலியாவின் மெல்போர்னைச் சேர்ந்தவர் இவர்.

$ 1975ம் ஆண்டு Ansett Airlines நிறுவனத்தில் தன்னுடைய கார்ப்பரேட் வாழ்க்கையை ஆரம்பித்தார். அதன் பிறகு பிஎம்ஐ, ஹெர்ட்ஸ், கல்ப் ஏர், போர்டி ஹோட்டல்ஸ் ஆகிய நிறுவனங்களில் முக்கிய பொறுப்புகளை வகித்திருக்கிறார்.

$ உலக சுற்றுலா மற்றும் பயண சங்கத்தின் துணைத்தலைவராக இருக்கிறார். மேலும், சர்வதேச விமான போக்குவரத்து சங்கத்தின் இயக்குநர் குழுவிலும் இருக்கிறார்.

$ 2008ம் ஆண்டு விமான போக்குவரத்துத் துறையின் சிறந்த சி.இ.ஓ.வாக சி.இ.ஓ பத்திரிகை இவரை தேர்ந்தெடுத்தது. மேலும் 2010-ம் ஆண்டின் சிறந்த தொலைநோக்கு பார்வை கொண்டவர் என்ற விருதும் இவருக்கு வழங்கப்பட்டது.

$ பல நாடுகளின் விமான நிறுவனங்களில் (ஏர் பெர்லின், விர்ஜின் ஆஸ்திரேலியா உள்ளிட்ட சில) கணிசமான பங்கினை எதியாட் வாங்கியது இவர் பொறுப்பில் இருக்கும் போதுதான். சமீபத்தில் கூட இந்தியாவின் ஜெட் ஏர்வேஸ் நிறுவனத்தின் 24 சதவீத பங்குகளை எதியாட் வாங்கியது.