ஜூன் 6, 2023 | தங்கம் விலை சவரனுக்கு ரூ.240 உயர்வு

சென்னை: சென்னையில் ஆபரணத் தங்கத்தின் விலை இன்று (ஜூன் 6) சவரனுக்கு ரூ.240 உயர்ந்து ரூ.44,800-க்கு விற்பனையாகிறது.

சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. தொடர்ந்து ஏற்ற இறக்கம் கண்டு வரும் தங்கம் கடந்த மாதம் 4-ம் தேதி ரூ.46,000 என்ற புதிய உச்சத்தை எட்டியது. இந்தநிலையில் சென்னையில் ஆபரணத் தங்கத்தின் விலை இன்று (செவ்வாய்க்கிழமை) கிராமுக்கு ரூ.30 உயர்ந்து ரூ.5,600-க்கு விற்பனையாகிறது. சவரனுக்கு ரூ.240 உயர்ந்து ரூ.44,800-க்கு விற்பனையாகிறது. 24 காரட் சுத்த தங்கத்தின் விலை 8 கிராம் ரூ.48,456-க்கு விற்பனையாகிறது.

இதேபோல், வெள்ளி விலை கிராமுக்கு 0.30 காசுகள் உயர்ந்து ஒரு கிராம் வெள்ளி ரூ.78.00-க்கு விற்பனையாகிறது. ஒரு கிலோ பார் வெள்ளியின் விலை இன்று ரூ.78,000 ஆக இருக்கிறது.