தமிழக தேர்தல் தேதி அறிவிப்பு எதிரொலி: திமுக பொதுக்குழு கூட்டம் ஒத்திவைப்பு

தமிழக சட்டப்பேரவைத் தேர்தல் தேதி அறிவிக்கப்பட்டதன் எதிரொலியாக திமுக பொதுக்குழு கூட்டம் ஒத்திவைக்கப்பட்டுள்ளது.

முன்னதாக, தமிழகத்தில் சட்டப்பேரவைத் தேர்தல் ஒரே கட்டமாக ஏப்ரல் 6-ம் தேதி அன்று நடக்க உள்ளதாக தலைமைத் தேர்தல் ஆணையர் சுனில் அரோரா அறிவித்தார். மே 2-ம் தேதி அன்று வாக்கு எண்ணிக்கை நடைபெறும் எனவும் அவர் அறிவித்தார்.

இதன் எதிரொலியாக, திமுக பொதுக்குழு கூட்டம் ஒத்திவைக்கப்பட்டுள்ளது.

இது தொடர்பாக திமுக பொதுச்செயலாளர் துரைமுருகன் வெளியிட்டுள்ள அறிக்கையில், "தலைமை தேர்தல் ஆணையத்தால், தமிழ்நாடு - புதுச்சேரி சட்டப்பேரவைத் தேர்தலுக்கான தேதி அறிவிக்கப்பட்டதால், 7.3.2021 ஞாயிற்றுக் கிழமை அன்று நடைபெறவிருந்த திமுக பொதுக்குழுக் கூட்டமும், 14.3.2021 அன்று திருச்சியில் நடைபெறுவதாக இருந்த ‘தி.மு.க.மாநில மாநாடும்’ ஒத்தி வைக்கப்படுகிறது" எனத் தெரிவித்துள்ளார்.