Published : 22 Feb 2021 19:41 pm

Updated : 22 Feb 2021 19:41 pm

 

Published : 22 Feb 2021 07:41 PM
Last Updated : 22 Feb 2021 07:41 PM

காரைக்குடியில் திடீரெனச் சரிந்த சின்ன வெங்காயம் விலை: என்ன காரணம்?

onion-prices-in-karaikudi-what-is-the-reason
காரைக்குடி சந்தைப்பேட்டை வாரச்சந்தைக்கு விற்பனைக்கு வந்த சின்ன வெங்காயம். 

காரைக்குடி

சிவகங்கை மாவட்டம் காரைக்குடியில் சின்னவெங்காயம் விலை இன்று திடீரென கிலோ ரூ.140-ல் இருந்து ரூ.80-ஆகச் சரிந்தது.

திண்டுக்கல், திருப்பூர், நாமக்கல், தேனி, பெரம்பலூர், மதுரை, திருச்சி உள்ளிட்ட மாவட்டங்களில் அதிகளவு சின்ன வெங்காயம் சாகுபடி செய்யப்படுகிறது. தவிர கர்நாடகா, ஆந்திரா, மகாராஷ்டிரா உள்ளிட்ட மாநிலங்களில் இருந்தும் தமிழகத்திற்கு வெங்காயம் வருகிறது.


இந்நிலையில் தமிழகத்தில் அறுவடை சமயத்தில் பெய்த தொடர் மழையால் வெங்காயங்கள் அழுகின. இதனால் வரத்து குறைந்து சின்ன வெங்காயத்தின் விலை உயர்ந்தது. இதையடுத்து காரைக்குடி தினசரி சந்தையில் கிலோ ரூ.140 வரை விற்பனையானது. இந்நிலையில் இன்று காரைக்குடி சந்தைபேட்டை வாரச்சந்தையில் திடீரென சின்ன வெங்காயம் கிலோ ரூ.80 ஆகச் சரிந்தது.

அதேபோல் ரூ.60-க்கு விற்ற பெரிய வெங்காயம் ரூ.40-க்கும், ரூ.60-க்கு விற்ற கத்தரிக்காய் ரூ.20-க்கும், ரூ.60-க்கு விற்ற உருளை ரூ.30-க்கும், ரூ.30-க்கு விற்ற தக்காளி ரூ.20-க்கும், ரூ.80-க்கு விற்ற வெண்டை ரூ.40-க்கும் விற்பனையாது. இதனால் பொதுமக்கள் மகிழ்ச்சி அடைந்தனர்.

இதுகுறித்து வியாபாரிகள் கூறுகையில், ‘‘வெளி மாநிலங்களில் இருந்து வெங்காயம் வரத்து அதிகரித்ததால் விலை குறைந்து வருகிறது’’ என்று கூறினர்.

தவறவிடாதீர்!


காரைக்குடிவெங்காயம் விலைவெங்காயம்என்ன காரணம்தொடர் மழைசின்ன வெங்காயம்

Sign up to receive our newsletter in your inbox every day!

You May Like

More From This Category

More From this Author

x