நெட்டிசன் நோட்ஸ்: சென்னைவாசிகளே ஃபேஸ்புக்லயே ஓட்டுப் போடுங்க!

தமிழக சட்டப்பேரவை பொதுத்தேர்தல் அரவக்குறிச்சி, தஞ்சாவூர் தொகுதிகள் தவிர 232 தொகுதிகளிலும் நேற்று (திங்கள் கிழமை) தேர்தல் நடைற்றது. தமிழகத்தில் மொத்தம் 73.76% வாக்குகள் பதிவாகின.

ஒட்டுமொத்தமாக தமிழகம் முழுவதும் ஊரகப் பகுதிகளில் அதிக வாக்குப்பதிவும், நகர்ப்புறங்களில் குறைந்த அளவும் வாக்குப்பதிவும் பதிவாகியுள்ளது. குறிப்பாக சென்னையில் 60.47 சதவீத வாக்குகளே பதிவாகியுள்ளன. இதைத் தொடர்ந்து நெட்டிசன்கள் பகிர்ந்த கருத்துகள் இன்றைய நெட்டிசன் நோட்ஸில்...

>Kirubakaran Srinivas:

#படிப்பறிவு vs #பகுத்தறிவு

#சென்னை vs #தருமபுரி

>Kalyanaraman:

படிப்பு, நாகரீகம்னு எல்லாத்துலயும் முதலாவது. என்ன பிரயோசனம்?

ஓட்டுப்பதிவு 57% தான். #சென்னைவாசிகள்

*

பக்கத்து வீட்டில் என்ன நடக்கிறது என்றே தெரிந்து கொள்ள மாட்டர்கள் சென்னை வாசிகள் என்று நண்பர்கள் சொல்லி கேட்டிருக்கிறோம். ஆனால் தமிழகத்தில் என்ன நடக்கிறது என்றே தெரியாமல் நமக்கென்ன என ஓய்வு எடுத்து இருக்கிறார்கள். அவர்களை என்னவென்று திட்டுவது?

>மறுக்காலத்து கள்ளன்:

ஜனநாயக கடமைய நிறைவேற்றாத சென்னை வாசிகளே.. தமிழ்நாட்டுல என்ன வேலை...? பக்கத்து ஸ்டேட் ஆந்திராவில போயி இருக்கலாமே !!!

>Joe Selva:

சென்னை மக்கள் : எனக்கு தேர்தல் அன்னைக்கு நேர்ல போய் ஓட்டு போட மட்டும்தான் பயம். மத்தபடி எனக்கு சமுதாய அக்கறை அதிகம்.

*

ஓட்டு போடவே வரமாட்டோம். ஆனால் சமூக அக்கறை அதிகமாக இருக்குன்னு டிவீட் போடுவோம். #சென்னை மக்கள்.

>காட்டுப்பயல்:

மளிகையையே ஆன்லைனில் வாங்கும் சென்னை மக்களுக்கு, ஓட்டையும் ஆன்லைனில் போடச் சொன்னா வாக்கு சதவீதம் கூடலாம்.

>Selvam:

தர்மபுரி மாவட்டம் ஃபர்ஸ்ட், சென்னை லாஸ்ட். 'மாற்றம்' எங்க இருந்து 'யாருகிட்ட' இருந்து தொடங்கியிருக்குனு புரிஞ்சிருக்கும். முழு அறுவடை 2021 :)

>Balasundar:

சென்னை வெள்ளத்துல யாரும் வந்து பாக்கலனு சொன்ன சென்னை மக்கள்தான் மழைல போய் ஓட்டு போடல. #தவறுகள் நம்மிடம் இருந்துதான் ஆரம்பிக்கின்றன.'

>e s vijayaraghavan:

நல்ல வேளை கொஞ்சம் படிக்காதவங்களும், ஏழை ஜனங்களும் இருந்ததால் தப்பித்தது சென்னை. இல்லைனா இன்னும் நிலைமை மோசமாகியிருக்கும்.

>புகழ்:

இதுவரை வாக்குச்சாவடிக்கு வராதவர்களின் வாக்கை நம்பித்தான் மநகூ களமிறங்குகிறது என்று பேசியவர்களைப் பார்த்துச் சிரிப்பாய்ச் சிரித்தது... சென்னை.

>Alien ஏலியன்:

சென்னை வாசிகள் வாய்ச்சொல் வீரர்கள். ஓட்டு போட வராத போது தெரிந்தது #TN100Percent

>அருண்:

திறப்பு விழாவுக்கு வர்ற நடிகைகளை வேடிக்கை பார்க்க, புது பட கட்-அவுட்டுக்கு பால் ஊத்ததான் சென்னை மக்கள். நீங்க ஃபேஸ்புக், ட்விட்டர்லயே ஓட்டு போடுங்க.

>mohamed fayaz:

ஏன்யா சென்னைவாசிகளா சன்மியூசிக்கு ஃபோன் பண்ணி பாட்டு கேக்க டைம் இருக்கு. ஓட்டு போட ரெண்டு நிமிஷம் இல்லயா.

>babunaraen:

ஓட்டு போடலைன்னாலும் சென்னை மக்களுக்கு எல்லாமே கிடைக்கும்...

இதனாலேயே அலட்சியம் அதிகம்.

>ஆல்தோட்டபூபதி:

சென்னைல ஓட்டு இருந்தும் ஓட்டு போடாதவங்கள, ஐபிஎல் முடிஞ்சவுடனே ஆன்ட்ரே ரஸ்ஸல் கையால ரெண்டு அப்பு விட சொல்லனும் ;-)

>Joe Selva:

சென்னை மக்கள்: வாத்தியாரே நம்ம தேர்தல்ல ஓட்டு போடலாமா?

வேணாம் திமிங்கலம், நம்ம சமூக வலைதளங்களில் கருத்து சொல்லலாம்..

>உங்களிள் ஒருவன் ‏@sabarivignesh2

பூத்தில் செல்ஃபி தடை செய்ய பட்டதால் வாக்கு செலுத்தவில்லை என்று கூறினார் அந்த சென்னை போராளி

>ரோசாபூ தையல்காரன்:

இனி வாக்களிப்பவருக்கு வருமான வரிச்சலுகை கொடுக்க வேண்டும். அப்பொழுதுதான் சென்னை மக்கள் 100% வாக்களிப்பர்.

>Prasath Singh Dhoni:

அந்த 57 சதவீதமும் நடிகர் நடிகைகள பாக்க வந்தவங்களாதான் இருக்கும். #சென்னை

>Manikandan:

கிராமத்தில் இருக்கும் மணப்பெண் மற்றும் 105 வயது பாட்டிக்கு தெரிந்த கடமை, நன்கு படித்த சென்னை மக்களுக்கு தெரியவில்லை.

>Prasanna:

நியாயமான காரணம் இன்றி, தெரிந்தே ஓட்டுப் போடுவதைத் தவிர்த்திருந்தால், தயவு செய்து அந்த சென்னை மகான்களுக்கு, அடுத்த ஐந்து வருடங்களுக்கு எந்த அரசியல் கட்சியையும் கேள்வி கேட்கும் தகுதி இல்லை என்பதை யாராவது உரக்கச் சொல்லுங்கள்.