காப்பிராயன் கவிதை - ஜோரு ஜோரு!

எலெக்‌ஷன் வந்தா கோடம்பாக்கம்
கலெக்‌ஷன் பண்ணுது
எந்தக் கட்சியில் சேரலாம்னு
செலெக்‌ஷன் பண்ணுது!

மச்சான் வா ஓட்டுப் போடன்னு
நமீதா வேற அழைக்கிறார்
அம்மாவோட கட்சியில
ஓடியாடி உழைக்கிறார்!

பவர் ஸ்டாரு பி.ஜே.பி-யில்
ஃபிரண்ட்ஷிப்பு ஆயிட்டார்
மேடையில சீனு போட்டு
டயலாக்கு பேசுவார்!

அண்ணாச்சி இமான் இப்ப
அறிவாலயம் தோஸ்த்துடா
பிரசாரம் ஷூட்டிங்குன்னு
லைஃபு ஆச்சு ஃபாஸ்ட்டுடா!

பாலிட்டிக்ஸு மூஞ்ச மட்டும்
பாத்து நமக்கு போருங்க
நடிகருங்க கலக்கும்போது
அரசியலு ஜோருங்க!