Published : 07 Apr 2016 02:26 PM
Last Updated : 07 Apr 2016 02:26 PM

யூடியூப் பகிர்வு: ட்ரம்ஸ் மைக்கேலின் தெறியிசை எங்கிருந்து வருகிறது?

கோவில் மணி அடிக்கும் ஒலி, ட்ரெயின் ஒலிச் சத்தம், மத்தளத்தின் ஓசை, பள்ளியில் அடிக்கும் பெல், பறை அடிக்கும் சப்தம் ஆகிய அனைத்தும் தொடர்ந்து ஒலிக்கின்றன. எங்கேயிருந்து இந்த சத்தங்கள் வருகின்றன? யாராவது பதிவு செய்யப்பட்ட ஒலி நாடாவை ஒலிபரப்புகிறார்களா?

இல்லை, மைக்கேல் என்பவரின் உபகரணங்களில் இருந்துதான் எல்லா ஒலிகளும் மேலெழும்புகின்றன. பரவாயில்லையே எல்லா மாதிரியான ஒலிக்கருவிகளையும் இறக்குமதி செய்து வைத்திருக்கிறாரே என்கிறீர்களா? அதுதான் இல்லை, எதை வைத்து இவற்றை செய்கிறார் என்பதைத் தெரிந்துகொள்ள ஆசையா? கொஞ்சம் இந்தக் காணொலியைப் பாருங்களேன்.