Published : 24 Apr 2016 10:34 AM
Last Updated : 24 Apr 2016 10:34 AM
சிரிப்பு சேனல் பாக்குறவன்
செய்தி சேனல் பாக்குறான்..
தலைவருங்க காமெடிய
தாறுமாறா ரசிக்கிறான்!
விவசாயி நெலத்தை எல்லாம்
கவர்மென்டே வாங்குமாம்..
அரசாங்க ஊழியரா
அவுங்களையும் மாத்துமாம்!
மேம்பாலங்கள் அத்தனையும்
புல்டோசர் உடைக்குமாம்...
ஒட்டுமொத்த சென்னையையும்
சுரங்கப்பாதை இணைக்குமாம்!
விலைவாசி அத்தனையும்
ரிவர்ஸ் கியரில் இறங்குமாம்...
மக்கள்கிட்ட பணப்புழக்கம்
மடிநெறைய இருக்குமாம்!
செல்போனு இலவசமா
எல்லோருக்கும் கிடைக்குமாம்..
பல்லு போன எல்லாருக்கும்
மாசத் தொகை உறுதியாம்!
கவுண்டமணிய வடிவேலுவ
எலெக் ஷன் வரை மறக்கலாம்...
தலைவருங்க பேச்சக் கேட்டு
சந்தோஷமா சிரிக்கலாம்!
Sign up to receive our newsletter in your inbox every day!
WRITE A COMMENT