இன்று அன்று | 1902 டிசம்பர் 23: உழவர்களின் பிரதமர்

ஏழை விவசாயக் குடும்பத்தில் பிறந்து, இந்தியாவின் பிரதமராக உயர்ந்தவர் சவுத்ரி சரண்சிங். இளமைக் காலங்களில் சுதந்திரப் போராட்டத்தில் காந்திய வழியில் ஈடுபட்டார்.

1952-ல் உத்தரப் பிரதேசத்தின் வருவாய்த் துறை அமைச்சராகப் பொறுப்பேற்றார். ஜமீன்தார் முறைக்கு முழுக்குப்போட்டார். நிலச் சீர்திருத்தச் சட்டத்தை அமல்படுத்தினார். விவசாயிகளின் பிரச்சினைகளை உலகின் கவனத்துக்குத் தன் எழுத்துகள் மூலமாகவும் கொண்டுவந்தார். அரசியல் சித்தாந்தத்தில் நேருவுடன் ஏற்பட்ட முரண்பாட்டினால் 1967-ல் காங்கிரஸை விட்டு விலகி, பாரதிய லோக் தள் கட்சியை நிறுவினார். இரு முறை உத்தரப் பிரதேச முதலமைச்சராகப் பதவிவகித்தார்.

1977-ல் பிரதமர் பதவியிலிருந்து மொரார்ஜி தேசாய் விலக இந்தியாவின் ஐந்தாவது பிரதமரானார். சவுத்ரி சரண் சிங்கின் பிறந்த தினமான டிசம்பர் 23 தேசிய உழவர் தினமாக ஆண்டுதோறும் கொண்டாடப்படுகிறது.