ரமண வழிபாடு: ட்விட்டரில் கொட்டும் மழைப் பதிவுகள்

சென்னை உள்ளிட்ட தமிழகத்தின் பல பகுதிகளிலும் கடந்த சில நாட்களாக கனமழை பெய்து வருகிறது. நாட்டில் நடக்கும் அனைத்து நிகழ்வுகளுக்கும் கருத்துச் சொல்லும் இணையவாசிகள், கொட்டித் தீர்க்கும் மழை குறித்தும் சமூக ஊடகங்களில் பகிர்ந்து வருகின்றனர்.

இதைத் தொடர்ந்து ட்விட்டர் தளத்தில், #மழையும்_நானும் மற்றும் #chennairains ஆகிய இரண்டு ஹேஷ்டேகுகளும் இந்திய அளவில் ட்ரெண்டாகின. அவற்றின் தேர்ந்தெடுக்கப்பட்ட ட்வீட்களின் தொகுப்பு:

>#மழையும்_நானும்>#chennairains ஹேஷ்டேக் ட்வீட்கள்:

ஷா: அவன் ஓடி ஒளியுற ஆள் இல்லை, தேடி வந்து அடிக்கிற ஆளு

#மழை!!

ராஜலிங்கம்: குடை தெறிக்கும் வெள்ளம், மடை திறக்கும் தெப்பம்!

கோகிலா: அம்மா ஆட்சியில், மீனவர்கள் யாரும் மீன்பிடிக்க கடலுக்குள் செல்லவேண்டாம்..

மீனே, மீனவர்களைத் தேடி ஊருக்குள் வரும்!

ராஜ ராஜன்: சென்னை வெள்ளம் ரொம்ப மோசமா இருக்கு.., நீரோட்டம் அதிகமா இருக்கு.., நம்ம கவனமா செயல்படனும்!- பியர்கிரில்ஸ்

கோவை காதர்: பூமி குளிர வானம் அழுதது!

சப்பாணி: மழைக்காக காத்திருந்தோம் நானும், ஜெர்க்கினும்

ஆராதனா: நீ... நான்... மழை... பயணம்!

ஜமிலா: சிலரை ரசிக்க வைத்த மழை, பல விவசாயிகளின் கண்ணீரை, மழைத்துளி போல மண்ணில் விழ வைத்துவிட்டது!

பூங்குன்றன்: இங்க ஸ்டேட்டஸ் போடற முக்காவாசி பயலுக, மழை வந்தா எப்படா போகும்னு நினைக்குறவங்க, இங்க வந்து இளையராஜா, ஜன்னல் ஓரம்னு அடிச்சி விடறாங்க.

பட்டிக்காட்டான்: மழை எப்போ நிக்கும் ?

ஏன் மாப்ள வயல்ல இறங்கி வேலை பார்க்க போறியா?

இல்ல மாமு, மழை நின்னுடுச்சுன்னு ஸ்டேட்டஸ் போட போறேன்!

இனியவன்: ஆஹா இந்நேரம் சில பேரு போட்டோ எடுக்குறேனு கெளம்பி இருப்பாங்களே..

வள்ளி ம(கன்)ணிகண்டன்: விடுமுறை நாட்களில் என்னை வீட்டுச்சிறை வைத்த பக்கி நீ..! #மழை

புருஷோத்தமன்: ராமனை வழிபட்டு வந்த எங்களை ரமணனையும் வழிபட வைத்தாய்!

பாரதி: நீ இல்லாம என்னால வாழவே முடியாதுன்ற டயலாக்,

உனக்கு மட்டும்தான் பொருந்தும்!

ஓரம்போ: கிணத்த காணோம்ங்கற மாதிரி தமிழ்நாட்டின் தலைநகரத்த காணோம்!- 'மழைக்குள் சென்னை'

ராணா: பெட்ரோல் விலை உயர்வுக்கு கண்டனம் - ஜெயலலிதா

இனி பெட்ரோல் விலை கூடுனா என்ன, கொறஞ்சா என்ன, நாங்க நீச்சல் அடிச்சுதானே போகப்போறோம்?

வைகை: விருந்தும், மழையும் மூணு நாளைக்குத்தான் இருக்கணும்..

இதனிடையே >>#thrains என்ற ஹேஷ்டேக் மூலம் மழை பாதிப்பு பகுதிகளை இணையவாசிகள் படம் பிடித்து ட்விட்டரில் பதிவேற்றி வருகின்றனர்.