உங்கள் நேரம் யாருக்கானது?- இது ஆண்களுக்கான குறும்படம்

தாய்க்கு, மனைவிக்கு, மகளுக்கு, சகோதரிக்கு, ஒரு பெண்ணுக்கு இதுவரை நாம் எதைத் தந்திருக்கிறோம்?

எதிர்பார்த்துக் காத்திருப்பவளோடு நேரம் செலவிடுகிறோமா? அடுப்புச் சூட்டில் வெந்து, அவள் நமக்காகத் தயாரிக்கும் உணவை மனதாரப் பாராட்டி இருக்கிறோமா, திறமைகளை வெளிப்படுத்தும்போது உற்சாகப்படுத்தியிருக்கிறோமா? நாள் முழுதும் நமக்காய் வீட்டில் உழைப்பவளின் வேலையில் பங்கெடுத்திருக்கிறோமா? அவளின் சின்னச்சின்ன ஆசைகளை உதாசீனப்படுத்தாமல் நிறைவேற்றி இருக்கிறோமா?

கொஞ்சம் யோசியுங்கள். நினைவில் இல்லையென்றாலும் இந்தக்குறும்படம் அதை நியாபகப்படுத்திவிடும்.

கால்கள் தேயத்தேய, வலிமை குன்ற வாழ்க்கை முழுவதும் உழைத்துக் கொண்டே இருக்கும் இறைவிகளுக்கு இந்தப் படம் சமர்ப்பணமாகட்டும். இதன் மூலம் ஒரு ஆணாவது தனது செயல்களை உணர்ந்தால் அதுவே இப்படத்தின் வெற்றி.