Published : 17 Sep 2016 11:57 am

Updated : 14 Jun 2017 19:26 pm

 

Published : 17 Sep 2016 11:57 AM
Last Updated : 14 Jun 2017 07:26 PM

நெட்டிசன் நோட்ஸ்: பெரியார்- நெட்டில்லா காலத்துப் போராளி!

செப். 17 - இன்று தந்தை பெரியார் பிறந்த நாள். பெரியாருக்கு வாழ்த்துச் சொல்லி நெட்டிசன்கள் ட்விட்டரில் >#HBDPeriyar என்ற ஹேஷ்டேகை இந்திய அளவில் ட்ரெண்டாக்கினர். அவற்றின் தொகுப்பு இன்றைய நெட்டிசன் நோட்ஸில்...

>கில்லர்


தமிழ் இனத்திற்கு சுயமரியாதை கற்றுத்தந்த கலகக்காரன்! என் இனத்தின் நந்தாவிளக்கு, தலைவர்களுக்கெல்லாம் தலைவன் தந்தை பெரியார்! #HBDperiyar

>Doha

”உன் மதம் சாதி பார்க்கும் மதம், உன் சாமி சாதி பார்க்கும் சாமி … சக மனிதனையே மனிதனாக மதிக்காத இரண்டையுமே ஒழி ! ” - பெரியார்.

>பித்தன்

எண்ணிய எண்ணியாங்கு பேசியவன், என்றும் பேசப்படுபவன் ! #HBDPeriyar

>Sahoo :p ‏@sahoodmail

நாடு போற்றும் சிறந்த தலைவர்களுள் ஒருவர் தந்தை பெரியார், பகுத்தறிவுவாதி.. வாழ்த்துக்கள் #HBDPeriyar

>மது ‏

புரட்டாசியும் இன்றுதான் பிறக்கிறது. புரட்டு ஆசிகளை நம்பாதே என்பவரும் பிறந்த தினம் இன்று. #HBDPeriyar

>Cine Tent ‏

மதங்களை கடந்த மாமனிதர் அய்யா பெரியாரின் பிறந்த நாள் இன்று...

>Siva

"யார் சொல்லியிருந்தாலும், எங்கு படித்திருந்தாலும், நானே சொன்னாலும் உனது புத்திக்கும் பொது அறிவுக்கும் பொருந்தாத எதையும் நம்பாதே!" - பெரியார்

>SumiSumathi

ரெண்டாயிரம் வருஷ மனு ஆட்சியை / கடவுள் நம்பிக்கைய 90 வருஷம் மட்டுமே வாழ்ந்த ஒரு கிழவனால் ஆட்டிப்படைக்க முடிந்ததே, இதுவே பெரியாரின் வெற்றி...

>Jokin Jeyapaul

பெரியார் எனும் பெயரை உச்சரித்தால் இன்னும் சிறியவர்களுக்கு எரிச்சல் வருகிறது. அது தான்உங்கள் வாழ்நாள் சாதனை. #HBDPeriyar

>ஓலைக்கணக்கன்

என்ன வேணா செஞ்சிருக்கட்டும், உன் அறிவுக்கு ஒத்துக்க முடியலேன்னா கேள்வி கேளுன்னு சொன்னார் பாருங்க. அது ஒண்ணு போதும். #hbdperiyar

>புகழ்

பக்தி வந்தால் புத்தி போகும்.. புத்தி வந்தால் பக்தி போகும்..- தந்தை பெரியார்.

>ராவணன் ‏

பக்தி என்பது தனிசொத்து. ஒழுக்கம் என்பது பொது சொத்து. #HBDperiyar

>ஆ இளங்குமரன்

என்றும் தேவைப்படும் ஈரோட்டு ஏந்தல்... தந்தை பெரியார் #HBDPeriyar

>navaneetha

மானமும் அறிவும் மனிதர்க்கு அழகு.

>ஆ இளங்குமரன் ‏

அன்று இடுப்பில் கட்டிய துண்டு, இப்போது நம் தோளில் இருக்க காரணமே பெரியார் தான்

>ரா.கிருஷ்ணமூர்த்தி

ராகுல் சர்மா, கிஷோர் ரெட்டி, அங்கித் கவுடாக்களுக்கு மத்தியில் நான் சுப்ரமணியனாக மட்டுமே.. நன்றி #HBDPeriyar

>Arun Nedunchezhiyan

எனக்குச் சிலை வைத்தார்கள் என்றால், இந்தச் சிலை எனக்கு மணியடிக்கிற சிலை இல்லை; பூசை செய்கிற சிலை இல்லை. கடவுள் இல்லை..

>Sudhakar Ganesan ‏

தமிழ் நாட்டில் எல்லா தரப்பு மக்களும் கோவிலுக்குள் சென்று கும்பிட காரணமானவர் கடவுள் மறுப்பாளர் பெரியார்.

>அறந்தை மணி

எவரொருவர் பெயரைக் கேட்டால், சாதி, மதம், இனம் கடந்து ஒரு இனம்புரியாத உணர்வுடன் மனிதம் தழைக்க நினைக்கிறதோ அங்கு வாழ்கிறார் பெரியார்.

>arulselvam ‏

மண்டைச்சுரப்பை உலகு தொழும், தூய தாடி மார்பில் விழும், அவர்தாம் பெரியார்.

>Doha Talkies ‏

“பெரியார் மட்டும் இல்லாவிட்டால் நீங்களும் நானும் அருவாள், கம்பைத் தூக்கிக் கொண்டுதான் திரிந்திருப்போம்” - மூப்பனார்.

>Thadagam Mugund

பெரியாரும் - ஒரு பெரியவாள் தானே;

ஆம்; அவர் நம் -

பேதமைகளை அரிந்தெடுத்த

பெரிய வாள்தானே !- வாலி

>வரிப்புலி

தாழ்த்தப்பட்டோர்க்கு "ஐயா, சாமி, துரை" என்று பெயரிட்டு எல்லோரையும் அழைக்க வைத்தவரின் பிறந்தநாள். #HBDperiyar

>Manikandan ‏

தேர்தலில் தேர்வு செய்யப்பட்டவன் அயோக்கியன் எனில், தேர்ந்தெடுத்தவன் முட்டாள் என்று அர்த்தம் - பெரியார்.

>kiramaththan

எல்லோர்க்கும் பதில் மட்டுமே சொல்லிக் கொண்டிருந்த காலத்தில் கேள்விகள் கேட்டவன் நீ! #HBDPeriyar

>Satheesh Kumar ‏

30+ மாநிலங்கள். தமிழகம் பலவற்றில் முன்னணி. மிகப்பெரும்பான்மையான பட்டதாரிகள். வேற்றுமையற்ற சகோதரத்துவம். நீர் அதன் முதல் புள்ளி. #HBDPeriyar

>karthik tpr ‏

தன் மக்களின் சூத்திர பட்டம் நீங்க, 95 வயதிலும் மூத்திர சட்டியை கையில் ஏந்தி இன உணர்வூட்டிய கொள்கைக்குன்று, தந்தை பெரியார்.

>Doha Talkies

“பெரியாரின் முரட்டுத்தனமான அணுகுமுறை; அதெல்லாம் சரிப்பட்டு வராதுங்க!” இது முடிவெட்டும் தோழரின் மகனான எலக்ட்ரிக்கல் என்ஜினியர் சொன்னது.

>வெள்ளந்தி

திராவிடர்கள் வணங்க வேண்டிய உண்மையான கடவுள். #HBDperiyar

>ரெவுனி

பெரியார், ஒருதடவ அந்த பேரை மனசுக்குள்ள சொல்லிப்பாரேன், உன்னையே நீ புதிதாய் உணர்வாய்!

>govikannan

தமிழ்நாட்டின் பெருமைக்கு தாடி வைத்த இந்த இருவரே போதுமானது, வள்ளுவர் மற்றும் பெரியார். #hbdperiyar

>Lakschumi

ஏதோ பெண் சுதந்திரமென பிதற்றுகிறோம் இன்னும் ஒரு நூறாண்டு இருந்திருக்கலாம்; அந்த வெண்தாடிக் கிழவன். #HBDPeriyar

>ச ப் பா ணி ‏

இணையம் இல்லாத காலத்துலேயே போராடியவர். #HBDPeriyar

>roshanriswan

மானம் கெடுப்பாரை, அறிவைத் தடுப்பாரை, மண்ணோடு பெயர்த்தெடுத்த கடப்பாரை!

வானம் உள்ளவரை, வையம் உள்ளவரை யார்தான் மறப்பார் நம் பெரியாரை?


நெட்டிசன் நோட்ஸ்பெரியார்பெரியவாள்பிறந்தநாள்

Sign up to receive our newsletter in your inbox every day!

More From This Category

More From this Author

x