நெட்டிசன் நோட்ஸ்: தமிழக சட்டம் - ஒழுங்கு... சிறப்பா, சிரிப்பா?

தமிழகத்தில் அதிகரித்திருக்கும் கொலை, கொள்ளைச் சம்பவங்கள் ஒருபுறம் அச்சுறுத்தலையும் மறுபுறம் பெரும் கவலையையும் தோற்றுவிக்கின்றன. சென்னையில் கடந்த 20 நாட்களுக்குள் மட்டும் நான்கு வழக்கறிஞர்கள் கொடூரமான முறையில் கொல்லப்பட்டிருக்கிறார்கள். இதேபோல தமிழகத்தின் ஏனைய பகுதிகளிலும் கடந்த இரண்டு மாதங்களில் 20-க்கும் அதிகமானோர் கொல்லப்பட்டிருக்கிறார்கள்.

ஓசூரில் தலைமைக் காவலர் ஒருவரே, கொள்ளையர்களால் கொல்லப்பட்டிருக்கிறார். இத்தகைய சம்பவங்களால் நெட்டிசன்கள் தமிழகத்தின் சட்டம் - ஒழுங்கு சீர்குலைந்திருப்பதாக கருதுகிறார்களா?

>Balamurugan ‏

சென்னை நுங்கம்பாக்கம் ரயில் நிலையத்தில் பட்டப்பகலில் இளம் பெண் கொலை.

#அமைதிப்பூங்காவுக்கு அர்த்தம் கேட்டது யாருப்பா?

>எனக்குள் ஒருவன்.! ‏

தொடர் கொலைகள், சந்தி சிரிக்கும் தலைநகர சட்டம் ஒழுங்கு பிரச்சனைகளை திசை திருப்ப சில என்கவுண்ட்டர்கள் நடக்கலாம்.

>சி.பி.செந்தில்குமார் ‏

கொலைகள் நடக்கும் போது சட்டம் ஒழுங்கு சீராக உள்ளது என்று ஜெ கூறுவது சரியா?- வைகோ #சட்டம் ஒழுங்கு சீர் கெட்டுவிட்டதுன்னு எந்த மாநில முதல்வர்தான் சொல்வார்?

>Deepak Vasudevan

பொது இடங்களில் பட்டப்பகலில் அரங்கேறும் கொலைகள். சென்னை தலைநகரம்- கொலைநகரம்?

>2.0 ‏

ரயில் நிலையம் எல்லாம் மத்திய அரசு கண்ட்ரோல்தான? நுங்கம்பாக்கம் கொலை மாநில அரசை எப்படி பாதிக்கும். #doubt

>priya ‏

மக்கள் கூடியுள்ள பொது இடத்துல நடந்த கொலை! இதல்லாம் சட்டம், ஒழுங்கு கீழ தானப்பா வருது?

>RIP SWATHI ‏

நாட்பட்ட சோதனைகளுக்கு மத்தியில் இந்த பெண் கொலை மிகவும் வருத்தப்பட வைக்கிறது #நுங்கம்பாக்கம் கொலை

>Dr S RAMADOSS ‏

சென்னையில் 3 வாரத்தில் 3 வழக்கறிஞர்கள் கொலை: வாராவாரம் வழக்கறிஞர் படுகொலை... சட்டம்- ஒழுங்கு குறட்டை விட்டு உறங்குது!

>SKP Karuna ‏@skpkaruna

அவங்கவங்க சொந்தப் பிரச்சனைக்காக கூலிப்படை வச்சு கொலை செய்வதற்கெல்லாம் அரசு பொறுப்பேற்க முடியாது என சபையில் தெளிவா முதல்வர் சொல்லிட்டாங்க.

>BJP Tamilnadu

தமிழகத்தில் சட்டம் ஒழுங்கு சீர்கெட்டுவிட்டது. வலிமையான கூட்டணி அமைத்து உள்ளாட்சி தேர்தலை சந்திப்போம்.

>சி.பி.செந்தில்குமார் ‏

சட்டம் - ஒழுங்கு பற்றி கருணாநிதியின் குற்றச்சாட்டு நியாயமற்றது - சரத்குமார்.

#நாட்டாமை நீங்க சமக தலைவரா? இல்ல அதிமுக தொண்டரா?

>Prabhu ‏

1000 ரூபாய் வாங்கி ஓட்ட போட்டுட்டு சட்டம் சரியில்லயாம் ஒழுங்கு சரியில்லையாம்.

>பரம்பொருள் ‏

கொலை, கொள்ளைலாம் சட்டம் ஒழுங்குல வராதாம்.. எல்லாரும் போய் புள்ளகுட்டிய படிக்க வைங்க போங்க...

>Dr S RAMADOSS ‏

சென்னை அடுக்குமாடி குடியிருப்பில் வழக்கறிஞர் வெட்டிக் கொலை: சட்டம் - ஒழுங்கு சந்தி சிரித்த நிலை மாறி இப்போது அபார்ட்மென்ட் சிரிக்கிறது!

>புகழ் ‏

சட்டம் ஒழுங்கு சரியாக இருக்கும் நாட்டில் கடவுளின் தேவை குறைவாகவே இருக்கு..

>அட்டகத்தி:-[ ‏

ஒரு கொலை நடந்திருந்தால் வீடியோ வந்திருச்சா என்று கேட்க்கும் மனநிலையில்தானே மக்கள் உள்ளனர்.

>2.0 ‏

தனிமனித விரோதங்களால் நடக்கும் கொலைகளும் சட்ட ஒழுங்கு பிரச்சனையிலா வருகிறது? #டவுட்

>சேலம் சுரேந்திரன் ‏

சட்ட, ஒழுங்கு சீர்குலைந்து வருவதை காவல்துறை வேடிக்கை பார்க்காமல் போர்க்கால நடவடிக்கை எடுக்க வேண்டும் என்று சமூக ஆர்வலர்கள் தெரிவிக்கின்றனர்.

>Arisi Sri Ram

தமிழகத்தில் சட்டம் ஒழுங்கு சிறப்பாக உள்ளது - அரசு. நல்லா சொல்லுங்க! சிறப்பா உள்ளதா? சிரிப்பா உள்ளதா?

>śámúŕai ‏

பெண்களுக்கு பாதுகாப்பு இல்லாத நாடு பட்டியலில் 3வது இடத்தில் இந்தியா.

>Sa.Na. Kannan

விமான நிலையங்களுக்கு உச்சகட்ட பாதுகாப்பு தருபவர்கள், அதிக கொலை, கொள்ளை சம்பவங்கள் நடைபெறுகிற, எளியவர்கள் வந்து செல்கிற பேருந்து, ரயில் நிலையங்களுக்கும் உரிய பாதுகாப்பு அளிப்பது குறித்தும் யோசிக்கலாம்.