நெட்டிசன் நோட்ஸ்: ஓபிஎஸ்... பாட்ஷாவாக மாறிய மாணிக்கம்!

சசிகலா குடும்பத்தினர் மீது சரமாரி குற்றச்சாட்டுகளை முன்வைத்த தமிழக பொறுப்பு முதல்வர் ஓபிஎஸ், தன்னை கட்டாயப்படுத்தி ராஜினாமா செய்ய வைத்தார்கள் என்று அதிரடி பேட்டியளித்தார் . மக்கள் விரும்பினால் ராஜினாமாவைத் திரும்ப பெறுவதாகவும் அவர் கூறியிருந்தார்.

இதைத்தொடர்ந்து நெட்டிசன்கள் #ஓபிஎஸ், #OPannerselvam #Panneer #IsupportOPS #Sasikala #ADMK #OPSvsSasikala முதலான ஹேஷ்டேகுகளில் தங்களின் கருத்துகளைப் பதிவு செய்து வருகின்றனர். #OPannerselvam என்ற ஹேஷ்டேக் நேற்று இரவில் இருந்து தொடர்ந்து இந்திய அளவில் ட்விட்டர் ட்ரெண்டிங்கில் முன்னிலை வகித்து வருகிறது.

இணையவாசிகளின் தேர்ந்தெடுக்கப்பட்ட கருத்துகளின் தொகுப்பு இன்றைய நெட்டிசன் நோட்ஸில்...

Siva Prakash

சொகுசு கார்கள் நிரம்பி வழிகிறது போயஸ் கார்டனில்.. சோத்துக்கே திண்டாடும் தொண்டர்களால் நிரம்பி வழிகிறது ஓ.பி.எஸ் வீடு. மக்கள் யார் பக்கம் என்பதற்கு இதைவிடச் சிறந்த உதாரணம் தேவையா என்ன?

Karthikeyan Kpk ‏@KpkKarthikeyan

#OPannerselvam பொதுச்செயலாளராக தேர்தல் ஆணையம் அங்கீகரிக்காததால், அதிமுக பொருளாளர் நீக்கம் கூட சட்டப்படி தவறுதான்.

vijaykumar ‏@vijay_vijillu

#OPannerselvam பதவி ஆசையில தற்போதைய முதல்வர மிரட்டுன இவங்க, ஏன் அதே ஆசைல முன்னாள் முதல்வர எதாவது பண்ணிருக்கக்கூடாது?!

Murugan Manthiram

நமக்காக இல்லவே இல்ல. அவங்க சுயநலத்திற்காகவே அடிச்சுக்கிறாங்க.

Manimaran Thendral ‏@ilayathendral

தமிழகத்தில் ஆளுங்கட்சியும் எதிர்க்கட்சியும் சேர்ந்து மக்களுக்காக பணியாற்றினால் அதை சதிவேலை என்று கூறுகிறது அதிமுக தலைமை. #OPannerselvam

danyg ‏@danysang

சேவல் சின்னம் தூசி தட்டப்படுமா...?

அப்பறம் இலை கைப்பற்றப்படுமா..!! #OPannerselvam

காளையன் ‏@murattukkaalai

கலகம் செய்பவர்கள் என எதிர்பார்க்கப்பட்டவர்கள் அமைதியாகிவிட, எவ்வளவு அடிச்சாலும் தாங்குவார் என நினைத்தவர் திமிறிக்கொண்டு நிற்கிறார்.

Krishna Kumar ‏@KKadyar

இருளை நீக்கிய OPSன் அந்த மெரீனா பேச்சு..

அம்மாவின் ஆன்மா.. மக்களின் முதல்வர்

விவிகா சுரேஷ் ‏@vivika_suresh

பன்னீர், ஸ்டாலின பார்த்து சிரித்தது ஒரு குத்தமாம். #இந்தம்மா கட்சி நடத்தறாங்களா இல்ல 'சிரிச்சா போச்சு' ரவுண்டு நடத்தறாங்களா..

Stephen ‏@SteveNews1

மிருகத்திற்கும் மனிதனுக்குமான வித்தியாசத்தை எளிய மொழியில் தெளிவுபடுத்திய தோழர் ஓபிஎஸ், சிரிப்பு சிற்பி.

Arun Karthik ‏@arunkarthik2

அம்மாவோட ஆன்மா சொல்ல சொன்னதுன்னாரு பாரு, அந்த நொடியே அமாவாசை செத்து நாகராஜசோழன் பொறந்துட்டாரு!!

indhu ‏@indhunachad

சந்தனப்பொட்டும், குங்குமப்பொட்டும் வச்சுகிட்டு, குனிஞ்சு கும்பிட்டு, சின்னம்மா வாழ்கனு சொம்பு தூக்குற அடிமைனு நெனச்சியாடா #OPS டா.

Arunkumar ‏@ArunkumarTNR

தைப் பூசத்தில் முதல்வர் பதவி ஏற்கத் தயாராக இருந்த சசிகலாவிற்கு மை பூசினார் #ஓபிஎஸ்.

Manoj Krishnan ‏@Manokriz

ஒரு நாயகன், உதயமாகிறான்

ஊரார்களின் இதயமாகிறான்....

Raja King ‏@theKingu93

தமிழகத்திற்கான எல்லா மாற்றங்களும் மெரினாவிலேயே விதைக்கப்படுகிறது #MarinaSpeech

Ramesh SP ‏@amtherockfan

CMஆ இருக்கும் போது இத சொன்னாக்கூட பதவிய தக்க வச்சிக்க இப்படி சொல்றாருன்னு சொல்லலாம். ஆனா ரிசைன் பண்ணிட்டு உண்மைய உடைச்சாரே அவர்தான் மனுஷன்.

iniyavan

சினிமாவில் டபுள் ஆக்ட், ட்ரிபிள் ஆக்ட்டை பார்த்திருக்கிறேன். முதன் முறையாக ஒரு ஆன்மாவின் ட்ரிபிள் ஆக்டை இப்போதுதான் பார்க்க முடிகிறது. மாண்புமிகு அம்மாவின் ஆன்மா. அது சசியிடம் ஒன்று சொல்கிறது. ஓபிஎஸ்ஸிடம் ஒன்று சொல்கிறது. தீபாவிடம் ஒன்று சொல்கிறது. அய்யோ! எது ஒரிஜினல் அம்மாவின் ஆன்மா எனத் தெரியாமல் குழம்புகிறானே தமிழன்!

மகிஷா ‏@Magecabletv

செய்தித் தொலைக்காட்சிகள் அரசியல்வாதிகளின் கருத்தை கேட்பதை விட்டுவிட்டு மக்களின் கருத்தைக் கேட்கவேண்டிய நேரம் இது.. #OPannerselvam

பெ. கருணாகரன்

நெருக்கடி மன அழுத்தத்துக்கிடையிலும் ஓபி எஸ்ஸின் புன்னகை வழியும் முகம் அவரது உணர்ச்சி மேலாண்மையைக் காட்டுகிறது. போயஸ் கார்டன் தான் பதட்டத்தில் அதிர்கிறது. உணர்ச்சி மேலாண்மை உள்ள ஒருவர் முதல்வராய் நீடிப்பதே தற்போது நாட்டுக்குத் தேவை.

Prakash Ramasamy

அவுட் ஆக்கினதுக்கு அப்புறமும் சிக்ஸர் அடிச்ச ஓபிஎஸ் தான்.. '.மேன் ஆப் த மாட்ச்'

Shahjahan R

இப்போ பன்னீர் மனச்சாட்சிப்படி பேசிட்டார், வீரமா எதிர்த்து நிற்கிறார்னு சந்தோஷப்படறீங்க. எரியற கொள்ளியில எந்தக் கொள்ளி நல்ல கொள்ளின்னு பாக்கறீங்கன்னு புரியுது. தாராளமா செய்ங்க. வேண்டாம்னு சொல்லலே. ஆனா, இதே பன்னீர்தான் சசிகலாவை அதிமுக பொதுச் செயலராக்க முன்மொழிந்தார் இல்லையா? அதிமுக கூட்டத்துக்கே வராத சசிகலாவை வீட்டுக்குப் போய்ச் சந்திச்சு, பொதுச் செயலராக்கற தீர்மானத்தைக் கொடுத்தார், சசிகலா முதல்வர் ஆவதற்காக ராஜினாமா கடிதமும் கொடுத்தார் இல்லையா?

மனசாட்சி, வீரம்கிறதெல்லாம் ஏதோ அப்பப்போ செலக்டிவா தலைகாட்டிட்டுப் போற விஷயம் இல்லை. அது எப்பவும் கூடவே இருக்க வேண்டிய விஷயம். மெரினா பீச்சில் பன்னீரின் சோக முக நாடகத்தைப் பாராட்டி மகிழ்வதற்கு முன்னால் இந்த விஷயத்தையும் ஞாபகம் வச்சுக்குங்க. மத்தபடி ஒரு விஷயத்துல சந்தோஷம். இப்படியே அவரை இன்னும் உசுப்பி விட்டா, அந்த 75 நாள் மர்மங்களும், இன்னபிற சதிகளும் வெளியே தெரிஞ்சா நல்லது.

aravindsaga ‏@aravindsaga15

துரோகிகளின் பின்னால் போகாதீர்கள் - சசிகலா.

அப்புறம் ஏன் இன்னும் நின்னுட்டு இருக்கீங்க, வாங்க போலாம்.

இடி ‏@ideemutti

தனி ஒருவன் நினைத்து விட்டால்... தமிழகமே பின்னால் நிற்கும். #OPSvsSasikala

ரஞ்சித் ‏@gudduranjith

#OPSvsSasikala ஓபிஎஸ் பின்னாடி யாருமே இல்லை -நவநீதகிருஷ்ணன். அங்க காஷ்மீரே கலவர பூமியா இருந்தப்போ பியூட்டிபுல் காஷ்மீர்னு பாடுனது நீங்கதானே?

அம்மு ‏@itsNayagi

கங்கா சந்திரமுகியா மாறும்போது, மாணிக்கம் பாட்ஷாவா மாற மாட்டாரா? #ops #OPSvsSasikala

Vigneswari Suresh

ஜெ'வ பிடிக்காதவங்க மனசுல கூட பன்னீர் இடம் பிடிச்சுட்டார். ஜெ'வ பிடிக்கும்ன்றவங்க மனச கூட சசியால வெல்ல முடியல.

ThaaruMaaru Arul ‏@arulgud

ஜெயலலிதாவின் ஆத்மா இன்னிக்கு தான் சாந்தி அடையும். #பன்னீர் கெத்த காமிச்சிட்டாரு.

சிவபாலன் ‏@sivabalan1934

செல்வத்துள் செல்வம் செவிச் செல்வம் எங்கயோ போய்ட்டிங்க பன்னீர் செல்வம்.

Hari ‏@HariHariramana

ஒரு தவறு செய்தால் அதை தெரிந்து செய்தால் அவன் தேவன் என்றாலும் விட மாட்டேன்....

இதை பன்னீர் ஐயா வாய்ஸ்ல கேட்கணும் போல இருக்கே..!

Mirnalini ‏@Mirnalini_Miru

முதல்வர் ஆனதுக்கு அப்புறமா ப்ரஸ்மீட் வச்சுக்கலாம்னு இருந்தாங்க. ஆனா ஓவர் நைட்ல தெருவுக்கு கொண்டு வந்துட்டார் நம்ம பன்னீர்.

RaRa ‏@Rara0001

#ஜெயலலிதா மரணத்திற்கு நீதிவிசாரணை -பன்னீர். இத அவங்க செத்த மறுநாள் சொல்லியிருந்தா நான் நம்பியிருப்பேன்.

ஜெ.ஜெயபிரகாஷ் ‏@JprakashJp3

சசிகலா என்று சொன்னால் உதடுகள் ஒட்டாது. பன்னீர் என்று சொன்னால்தான் உதடுகள் கூட ஒட்டும்.

இடி ‏@ideemutti

ஆனாலும் இத்தனை குழப்பங்கள் அதிமுகவில் இருந்தும் எந்தவொரு குறுக்குசாலும் ஓட்டாமலிருப்பதற்கு திமுகவிற்கு மிகப்பெரிய பாராட்டுகள். #OPSvsSasikala

Raja hussain ‏@rajahussain83

தாமரையோடு தண்ணீர்தான் ஒட்டாது, பன்னீர் ஒட்டுமாமே!

எமகாதகன் ‏@Aathithamilan

48 மணி நேரத்தில் ஒ.பன்னீர் செல்வத்திற்கு நடந்தது என்ன -சசிகலா.

#75 நாட்கள் ஜெவிற்கு நடந்தது என்ன, ஒரு வார்த்தையாவது அதைப்பற்றி கூறியதுண்டா?