அஸ்வினி, பரணி, கார்த்திகை ; வார நட்சத்திர பலன்கள் - (நவம்பர் 2 முதல் - 8ம் தேதி வரை) 

- ’சொல்வாக்கு ஜோதிடர்’ ஜெயம் சரவணன்

அஸ்வினி -

எதிர்பார்த்த உதவிகள் அனைத்தும் கிடைக்கும் வாரம்.

எதிர்பாராத செலவுகளும் ஏற்படும். அதற்கேற்ற வருமானமும் இருக்கும். திடீர் செலவுகள், எதிர்பாராத செலவுகள், சிறிய அளவிலான மருத்துவச் செலவுகள் போன்றவை இருக்கும். வீட்டு உபயோகப் பொருட்கள் பழுது ஏற்படும். மாற்ற வேண்டிய சூழ்நிலைகள் வரலாம்.

வீட்டு பராமரிப்புச் செலவுகள், வாகனப் பழுதுச் செலவுகள் போன்றவை ஏற்படும் சூழல் உள்ளது. ஆனாலும் இந்த செலவுகளுக்கு தகுந்தபடியாக வருமானமும் இருக்கும் என்பதால் கவலை வேண்டாம். குடும்பத்திலும், பணிபுரியும் இடத்திலும் தேவையற்ற வாக்குவாதங்களைத் தவிர்க்க வேண்டும்.

அலுவலகத்தில் கூடுதல் பொறுப்புகள் கிடைக்கும். அலுவலகப் பணி காரணமாக அலைச்சல் அதிகரிக்கும். தொழிலில் நல்ல வளர்ச்சி முன்னேற்றம் ஏற்படும். புதிய தொழில் வாய்ப்புகள் கிடைக்கும்.

வியாபாரிகள் தங்கள் வியாபாரத்தில் வளர்ச்சியும், லாபமும் கிடைக்கப்பெறுவார்கள்.

பெண்கள் தங்களின் ஆரோக்கியத்தில் கவனமாக இருக்கவேண்டும். சகோதரர்களிடம் மனவருத்தம் ஏற்படும்படியாக செயல்பட வேண்டாம். பூர்வீகச் சொத்து சம்பந்தமான விஷயங்கள் சற்று இழுபறியாக இருக்கும்.

மாணவர்கள் கல்வியில் நல்ல முன்னேற்றம் காண்பார்கள். கலைஞர்களுக்கு நல்ல ஒப்பந்தங்கள் கிடைக்கும்.

இந்த வாரம் -

திங்கள்-
செலவுகள் அதிகமாக இருக்கும். வீண் அலைச்சல்கள் ஏற்படும்.தேவை இல்லாமல் மற்றவர் மீது கோபத்தைக் காட்ட வேண்டாம். குடும்ப உறுப்பினர்களிடம் எரிச்சல் கோபத்தை வெளிப்படுத்தாமல் இருப்பது நல்லது. வியாபாரத்தில் எதிர்பார்த்த உதவிகள் தாமதமாகும்.

செவ்வாய்-
எதிர்பார்த்த உதவிகள் கிடைக்கும். மருத்துவச் செலவுகள் குறையும். ஆரோக்கியத்தில் இருந்த அச்சுறுத்தல் விலகும். மன நிம்மதியும் மனநிறைவும் ஏற்படும். வியாபாரத்தில் எதிர்பார்த்த லாபம் இருக்கும்.

புதன் -
கடுமையாக உழைக்க வேண்டியிருக்கும். அலைச்சல் அதிகரிக்கும். ஆதாயங்கள் குறைவாகவே கிடைக்கும். ஆலய வழிபாடு செய்ய ஆர்வம் ஏற்படும். முக்கியமான நபர்களை சந்திப்பது ஆதாயம் தரக்கூடியதாக இருக்கும்.

வியாழன் -
எடுத்துக்கொண்ட முயற்சிகள் அனைத்தும் வெற்றியாகும். பணத்தேவைகள் பூர்த்தியாகும். வியாபார விஷயங்கள் சாதகமாக இருக்கும். பெண்களுக்கு ஆரோக்கிய அச்சுறுத்தல்களும் ஆரோக்கியத்தில் முன்னேற்றமும் ஏற்படும். சொத்து தொடர்பான விஷயங்களில் நல்ல முடிவு கிடைக்கும்.

வெள்ளி -
உங்களுக்கு சம்பந்தமில்லாத பிரச்சினைகளில் தலையிட வேண்டாம் அலுவலகத்தில் பணிபுரியும் இடத்தில் உங்கள் வேலையில் மட்டும் கவனம் செலுத்துங்கள். வியாபார விஷயங்களில் கூடுதல் கவனம் தேவை. மனதில் தேவையற்ற எண்ணங்கள் தோன்றும். அந்த எண்ணங்கள் தோன்றாமல் பார்த்துக் கொள்ளுங்கள்.

சனி-
குடும்ப நலன் சார்ந்த சில முக்கிய முடிவுகள் எடுப்பீர்கள். சோம்பல் அதிகரிக்கும். தேவையற்ற விஷயங்களில் மனதைச் செலுத்தி குழப்பிக் கொள்வீர்கள். பொறுமையும் நிதானமும் மிக மிக அவசியம். பயணங்களைத் தவிர்க்க வேண்டும்.

ஞாயிறு -
மிகப்பெரிய அளவிலான நன்மைகள் ஏற்படும் நாள். பணவரவு தாராளமாக இருக்கும். எடுத்துக்கொண்ட வேலைகள் அனைத்தும் வெற்றிகரமாக முடியும். வியாபாரப் பேச்சுவார்த்தைகள் சாதகமாக இருக்கும். வரவேண்டிய பாக்கிகள் வசூலாகும். தொழில் தொடர்பாக முக்கிய தகவல் கிடைக்கும். அது மனநிறைவைத் தருவதாக இருக்கும்.

வணங்க வேண்டிய தெய்வம் -
ஸ்ரீ அனுமன் வழிபாடு செய்யுங்கள். அனுமன் சாலீசா பாராயணம் செய்யுங்கள். நன்மைகள் அதிகரிக்கும். தேவைகள் உடனுக்குடன் பூர்த்தியாகும்.
*******************************

பரணி -

எடுத்துக்கொண்ட முயற்சிகள் அனைத்தும் வெற்றியாகும் வாரம்.

தேவைகள் பூர்த்தியாகும். குடும்பத்தில் மகிழ்ச்சி நிலவும். அசையும் அல்லது அசையா சொத்துக்கள் வாங்கும் யோகம் உண்டு.

வாழ்க்கைத் துணையின் உடல் நலத்தில் சற்று கவனமாக இருக்க வேண்டும். அலுவலகத்தில் எதிர்பார்த்த சலுகைகள் கிடைக்கும். தொழிலில் புதிய ஒப்பந்தங்கள், புதிய தொழில் வாய்ப்புகள் கிடைக்கும்.

பங்கு வர்த்தகத் துறையில் இருப்பவர்களுக்கு சீரான வளர்ச்சி முன்னேற்றம் ஏற்படும். வியாபார வளர்ச்சி சிறப்பாக இருக்கும். புதிய வியாபார வாய்ப்புகள் கிடைக்கும். வியாபார நிமித்தமாக பயணங்கள் ஏற்படும். ஆதாயமும் உண்டாகும்.

பெண்களுக்கு தந்தைவழி உறவுகளால் ஆதாயம் ஏற்படும். திருமணம் உறுதி செய்யப்படும். மாணவர்களுக்கு கல்வியில் நல்ல முன்னேற்றம் ஏற்படும். கலைஞர்களுக்கு எதிர்பாராத ஒப்பந்தங்களும், மிகப்பெரிய அளவிலான பணவரவும் கிடைக்கும்.

இந்த வாரம் -

திங்கள் -
நீண்ட நாளாக எதிர்பார்த்த நல்ல தகவல் கிடைக்கும். சொத்து சம்பந்தமான பிரச்சினைகளில் முன்னேற்றம் ஏற்படும். வியாபாரத்தில் புதிய வாய்ப்புகள் கிடைக்கும். எதிர்பாராத பண வரவும் இருக்கும். மனம் மகிழும் சம்பவங்கள் நடக்கும்.

செவ்வாய்-
எதிர்பார்த்த தேவைகள் அனைத்தும் பூர்த்தியாகும். பணவரவு தாராளமாக இருக்கும். உதவிகள் அதிகம் கிடைக்கப்பெறுவீர்கள். மருத்துவச் செலவுகள் கணிசமாகக் குறையும். வாழ்க்கைத் துணையின் ஆரோக்கியத்தில் முன்னேற்றம் ஏற்படும்.

வியாழன் -
எதிர்பார்த்த வங்கிக் கடன் கிடைக்கும். அலுவலக வேலைகளில் கூடுதல் சுமை இருந்தாலும் எளிதாகச் செய்து முடிப்பீர்கள். தொழில் தொடர்பாக மேற்கொள்ளும் பயணங்கள், சந்திப்புகள் இவற்றால் லாபம் உண்டாகும். பெண்களுக்குத் திருமணம் சம்பந்தப்பட்ட முயற்சிகள் சாதகமாக இருக்கும்.

வெள்ளி -
பொறுமை, நிதானம் மிக அவசியம். உணர்ச்சிவசப்பட்டு எந்தச் செயலையும் செய்ய வேண்டாம். அவசர முடிவுகளை எடுக்காதீர்கள். பேசும்போது வார்த்தைகளில் கவனம் தேவை.

சனி-
நீண்ட நாளாக எதிர்பார்த்துக் கொண்டிருந்த நல்ல தகவல் இன்று கிடைக்கும். வியாபாரம் தொடர்பாக எதிர்பார்த்த உதவிகள் கிடைக்கும். அதன் மூலம் ஆதாயம் கிடைக்கும். தொழிலுக்குத் தேவையான உதவிகள் கிடைக்கும்.

ஞாயிறு -
தாமதமாகிக் கொண்டிருந்த வேலைகள் அனைத்தும் செய்து முடிப்பீர்கள். வியாபார ஒப்பந்தங்கள் நிறைவேறும். எதிர்பார்த்த பணவரவு கிடைக்கும். வீடு விற்பது வாங்குவது போன்ற விஷயங்கள் சாதகமாக இருக்கும்.

வணங்க வேண்டிய தெய்வம்-
ஸ்ரீ விஷ்ணு துர்கையை வழிபாடு செய்யுங்கள். ஸ்ரீதுர்கை அஷ்டோத்திரம் பாராயணம் செய்யுங்கள். நன்மைகள் கூடுதலாகும். முயற்சிகளில் வெற்றி கிடைக்கும்.
**********************

கார்த்திகை -

திட்டமிட்ட காரியங்களை திட்டமிட்டபடியே செய்து முடிக்கும் வாரம்.

பணவரவு சரளமாக இருக்கும். ஒரு சில விஷயங்களில் தாமதமானாலும் முடிவுகள் சாதகமாக இருக்கும். ஒரு சிலருக்கு வெளியூர் பயணம் மேற்கொள்ள வேண்டியது வரும்.

உறவினர்கள் வருகை உண்டாகும். கவலை தந்து கொண்டிருந்த கடன் பிரச்சினை முடிவுக்கு வருவதற்கான வாய்ப்புகள் கிடைக்கும். அலுவலகப் பணியில் சகஜ நிலைநீடிக்கும்.

தொழிலில் புதிய வாய்ப்புகள் கிடைக்கப் பெறுவீர்கள். வியாபாரிகளுக்கு வியாபாரத்தை விரிவு படுத்துவதற்கான உதவிகள் கிடைக்கும். பெண்கள் தாங்கள் எடுத்துக்கொண்ட முயற்சிகள் அனைத்திலும் வெற்றி காண்பார்கள்.

திருமண முயற்சிகள் கைகூடும். தந்தை வழி சொத்துகள் கிடைக்கும் வாய்ப்பு உண்டு. கலைஞர்களுக்கு நல்ல வாய்ப்புகள் கிடைக்கும். நண்பர்களின் உதவியால் ஒப்பந்தங்களும் கிடைக்கப் பெறுவீர்கள். மாணவர்கள் கல்வியில் அபரிமிதமான முன்னேற்றம் காண்பார்கள்.

இந்த வாரம் -

திங்கள் -
அலைச்சல் அதிகரிக்கும். மனதில் தேவையற்ற குழப்பம் வந்து போகும். எடுத்துக்கொண்ட வேலைகளில் இயல்பான நிலை இருக்கும். தொழில் மற்றும் வியாபார வளர்ச்சி சீராக இருக்கும். எதிர்பார்த்த வருமானம் தாமதமானாலும் சரியான நேரத்திற்கு வருமானம் கிடைக்கும்.

செவ்வாய்-
பணவரவு தாராளமாக இருக்கும். எடுத்துக்கொண்ட முயற்சிகள் அனைத்தும் வெற்றி ஆகும். சொத்துகள் தொடர்பான விஷயங்களில் முன்னேற்றம் ஏற்படும். சகோதரர்களால் ஆதாயம் உண்டாகும். தொழில் தொடர்பான வாய்ப்புகள் கிடைக்கும். தொழில் தொடர்பாக தேவையான உதவிகளும் கிடைக்கும். வியாபாரத்தில் நல்ல வளர்ச்சி உண்டாகும். திருமண முயற்சிகளில் முன்னேற்றம் ஏற்படும்.

புதன்-
எந்த விஷயத்திலும் நிதானத்தைக் கடைப்பிடிக்க வேண்டும். அவசர முடிவுகள் எடுக்க வேண்டாம். குடும்பத்தினருடன் ஒத்துழைத்துச் செல்லுங்கள். எவரிடமும் கோபத்தைக் காட்டாதீர்கள். உறவினர்களிடமும் நண்பர்களிடமும் தேவையற்ற வாக்குவாதங்களைச் செய்ய வேண்டாம். பயணங்களைத் தவிர்க்க வேண்டும்.

வியாழன் -
எதிர்பார்த்த உதவிகள் அனைத்தும் கிடைக்கும். அலுவலகத்தில் உங்களுக்கான மதிப்பு மரியாதை உயரும். வியாபார வளர்ச்சி சீராக இருக்கும். தொழில் தொடர்பான ஒப்பந்தங்கள் ஏற்படும் வாய்ப்பு உள்ளது. குடும்பத்தின் தேவைகள் பூர்த்தியாகும்.

வெள்ளி-
அத்தியாவசியப் பயணங்கள் தவிர மற்ற பயணங்களைத் தவிர்த்து விடுங்கள். கோபத்தைக் குறைத்துக் கொள்ள வேண்டும். உணர்ச்சிவசப்பட்டு எந்த முடிவுகளையும் எடுக்கக் கூடாது.வீண் செலவுகள், விரயங்கள் ஏற்படும்.

சனி -
உத்தியோகத்தில் எதிர்பார்த்த சலுகைகள் கிடைக்கும். கடன் தொடர்பான பிரச்சினைகள் பேசித் தீர்க்கப்படும். நெருங்கிய உறவினர்களிடம் ஒரு சில உதவிகளை நீங்கள் எதிர்பார்க்கலாம். நண்பர்களால் ஆதாயம் ஏற்படும். தாமதப்பட்டுக் கொண்டிருந்த பணவரவு இன்று வருவதற்கான வாய்ப்பு உள்ளது.

ஞாயிறு-
நீண்ட நாளாக எதிர்பார்த்துக் கொண்டிருந்த உதவிகள் கிடைக்கும். தாய்வழி உறவினர்களால் நன்மைகள் ஏற்படும். திருமணம் தொடர்பான முயற்சிகள் இன்று சுமுகமான முடிவுக்கு வரும். வியாபாரத்தில் லாபம் பெருகும்.

வணங்க வேண்டிய தெய்வம் -
ஸ்ரீ மகா விஷ்ணுவை வணங்குங்கள். நன்மைகள் அதிகமாகும். முயற்சிகளில் வெற்றி கிடைக்கும்.
*********************