Published : 05 Oct 2020 02:49 PM
Last Updated : 05 Oct 2020 02:49 PM

மூலம், பூராடம், உத்திராடம்; வார நட்சத்திர பலன்கள்; அக்டோபர் 5 முதல் 11ம் தேதி வரை

‘சொல்வாக்கு ஜோதிடர்’ ஜெயம் சரவணன்

மூலம் -

எடுத்துக்கொண்ட முயற்சிகளில் வெற்றி பெறும் வாரம்.

தேவைகள் பூர்த்தியாகும். குடும்பப் பிரச்சினைகள் முடிவுக்கு வரும். மருத்துவச் செலவுகள் அறவே இல்லாமல் போகும். மனதில் இதுவரை இருந்து வந்த சஞ்சலங்கள் அகன்று மன தைரியம் பிறக்கும்.

இதுவரை பலவித ஏமாற்றங்களைச் சந்தித்து வந்த நீங்கள் இனி, எந்த ஏமாற்றங்களையும் சந்திக்க மாட்டீர்கள். இனி வெற்றிகளை மட்டுமே காணப் போகிறீர்கள். அதிர்ஷ்ட தேவதை உங்கள் வீட்டுக்கு வந்து விட்டதாக நினைத்துக் கொள்ளுங்கள்.

இதுவரை நல்ல வேலை இல்லாமல் இருந்தவர்களுக்கு இப்போது நல்ல வேலை கிடைக்கும். அலுவலகத்தில் உங்கள் மீது அதிகப்படியான பணிச்சுமையை சுமத்தி இருப்பார்கள். இனி அந்த நிலை இருக்காது. அலுவலகத்தில் கூடுதல் பொறுப்புகள் கிடைக்கும். வேறு நிறுவனங்களுக்கு மாறும் முயற்சியிலும் வெற்றி கிடைக்கும்.

தொழிலில் இதுவரை இருந்த பிரச்சினைகள் முடிவுக்கு வரும். ஆட்கள் பற்றாக்குறைப் பிரச்சினை, சம்பளப் பிரச்சினை போன்ற பிரச்சினைகளில் கடும் மன உளைச்சலுக்கு ஆளாகி இருப்பீர்கள். கடன் நெருக்கடி தந்திருக்கும். இனி இந்தப் பிரச்சினைகள் எதுவும் இல்லாமல் தொழிலை நிம்மதியாக தொடர்வீர்கள்.

தேவையான ஒப்பந்தங்களும், பொருளாதார உதவிகளும் கிடைக்கும். வியாபாரிகள் தங்கள் வியாபாரத்தில் வளர்ச்சியும், லாபமும் கிடைக்கப்பெறுவார்கள்.

பெண்கள் தங்களின் ஆரோக்கியத்தில் முன்னேற்றம் காண்பார்கள். பூர்வீகச் சொத்து சம்பந்தமான விஷயங்கள் சாதகமாக இருக்கும். மாணவர்கள் கல்வியில் நல்ல முன்னேற்றம் காண்பார்கள். விரும்பிய கல்வி கிடைக்கும்.

கலைஞர்களுக்கு நல்ல ஒப்பந்தங்கள் கிடைக்கும்.

இந்த வாரம் -

திங்கள் -
நினைத்த காரியத்தை நினைத்தபடியே செய்து முடிக்கக் கூடிய நாள். ஆதாயம் அதிகமாக இருக்கும். எதிர்பாராத வருமானங்கள் ஒரு சிலருக்கு கிடைக்கும். பணப்புழக்கம் சரளமாக இருக்கக்கூடிய நாள்.

செவ்வாய் -
வியாபாரத்தில் ஏற்பட்ட பிரச்சினைகள் அனைத்தும் இன்று முடிவுக்கு வரும். அலுவலகத்தில் சக ஊழியர்களுடன் ஏற்பட்ட மன வருத்தங்கள் அகன்று மீண்டும் நட்பு ஏற்படும். கமிஷன் தொழிலில் லாபம் இருமடங்காக இருக்கும். எதிர்பார்த்த உதவிகள் அனைத்தும் கிடைக்கும்.


புதன் -
தேவையற்ற விவாதம் செய்யாதீர்கள். அலுவலகத்தில் உங்கள் பணியை மட்டும் செய்யுங்கள். அடுத்தவர்கள் விஷயத்தில் தலையிட வேண்டாம். குடும்பத்தினரிடம் இணக்கமாக இருங்கள். பயணங்கள் ஏதும் செய்ய வேண்டாம்.

வியாழன் -
எடுத்துக்கொண்ட முயற்சிகள் அனைத்தும் வெற்றியாகும். பணத்தேவைகள் பூர்த்தியாகும். வியாபார விஷயங்கள் சாதகமாக இருக்கும். பெண்களுக்கு ஆடை ஆபரணச் சேர்க்கை ஏற்படும். சொத்து தொடர்பான விஷயங்கள் நல்ல முடிவு கிடைக்கும்.

வெள்ளி -
திருமணம் தொடர்பான விஷயங்களில் முன்னேற்றம் ஏற்படும். திருமணத் தேதி முடிவாகும் வாய்ப்பு உள்ளது. தொழில் தொடர்பான உதவிகள் கிடைக்கும். வியாபாரத்தில் எதிர்பாராத லாபம் கிடைக்கும்.

சனி-
குடும்ப நலன் சார்ந்த சில முக்கிய முடிவுகள் எடுப்பீர்கள். குழந்தைகளின் எதிர்காலத்திற்காக சேமிக்கத் தொடங்குவீர்கள். அலுவலகத்தில் கூடுதல் பொறுப்புகள் கிடைக்கும். வியாபார விஷயங்கள் சாதகமாக இருக்கும்.

ஞாயிறு -
பெரும் நன்மைகள் ஏற்படும் நாள். பணவரவுகள் தாராளமாக இருக்கும். எடுத்துக்கொண்ட வேலைகள் அனைத்தும் வெற்றிகரமாக முடியும். வியாபார பேச்சுவார்த்தைகள் சாதகமாக இருக்கும். வரவேண்டிய பாக்கிகள் வசூலாகும். தொழில் தொடர்பாக முக்கிய நபர்களின் சந்திப்பு நம்பிக்கை தருவதாக இருக்கும்.

வணங்க வேண்டிய தெய்வம்-
அரச மர விநாயகரை வழிபடுங்கள். நன்மைகள் பெருகும்.
******************

பூராடம் -

எடுத்துக்கொண்ட முயற்சிகள் அனைத்தும் வெற்றியாகும் வாரம்.

தேவைகள் பூர்த்தியாகும். குடும்பத்தில் மகிழ்ச்சி நிலவும். சொந்த வீடு வாங்கும் கனவு இப்போது நனவாகும். அதற்குத் தேவையான வங்கிக் கடன் உதவி கிடைக்கும். புதிய வியாபார முயற்சிகளில் ஈடுபட ஆர்வம் காட்டுவீர்கள்.

அதேபோல புதிய தொழில் தொடங்கும் வாய்ப்புகளும் அதிகம். அதற்கு தேவையான உதவிகளும் கிடைக்கும். அலுவலகத்தில் இயல்பான நிலை இருக்கும். உங்களுடைய பணிகளில் ஏற்பட்ட தொய்வு நிலை மாறி சுறுசுறுப்பாகப் பணியாற்றுவீர்கள். தேங்கி நின்ற வேலைகள் அனைத்தையும் செய்து முடிப்பீர்கள்.

வியாபார வளர்ச்சி சீராக இருக்கும். எதிர்பார்த்த லாபம் எதிர்பார்த்தபடி கிடைக்கும். புதிய வியாபார வாய்ப்புகள் அல்லது வியாபார நிறுவனத்தை விரிவுபடுத்துவதற்கு தேவையான உதவிகள் கிடைக்கும்.

பெண்களுக்கு தந்தைவழி உறவுகளால் ஆதாயம் ஏற்படும். திருமணம் உறுதியாகும். மாணவர்களுக்கு கல்வியில் நல்ல முன்னேற்றம் ஏற்படும். கலைஞர்களுக்கு மகிழ்ச்சி தரக்கூடிய ஒப்பந்தம் ஒன்று கிடைக்கும்.

இந்த வாரம் -

திங்கள் -
தொலைபேசி வழித் தகவல் உற்சாகத்தைத் தரும். கடன் பிரச்சினைகள் முடிவுக்கு வருவதற்கான வாய்ப்புகள் உள்ளது. வங்கியில் தொழில் தொடர்பாக கடன் கிடைக்கும். வியாபார பேச்சு வார்த்தைகள் திருப்திகரமாக இருக்கும். அலுவலகப் பணிகளில் அழுத்தங்கள் குறையும்.

செவ்வாய்-
பொறுமையோடு நிதானத்தையும் கடைபிடிக்கவேண்டும். அவசர முடிவுகள் எடுக்க வேண்டாம். தொழில் தொடர்பாக பேச்சுவார்த்தைகளில் ஈடுபடவேண்டாம். பயணங்களைத் தவிர்ப்பது நல்லது. வியாபாரத்தில் அதிக கவனம் செலுத்த வேண்டிய நாள்.

புதன் -
இன்று எடுத்துக் கொண்ட அனைத்து முயற்சிகளிலும் வெற்றி காண்பீர்கள். பணவரவு தாராளமாக இருக்கும். தொழில் மற்றும் வியாபாரத்தில் சீரான நிலை தொடரும். குடும்பத்தினர் தேவைகளை பூர்த்தி செய்து தருவீர்கள். எதிர்பாராத அதிர்ஷ்ட வாய்ப்பாக லாபகரமான வியாபாரம் ஒன்று முடிவாகும்.

வியாழன் -
அதிக அளவு நன்மைகள் ஏற்படும். பணவரவு எதிர்பார்த்தபடியே இருக்கும். தொழில் தொடர்பான சந்திப்புகள் ஒப்பந்தங்களாக மாறும். ஒரு சிலருக்கு புதிய தொழில் வாய்ப்புகள் கிடைக்கும். பெண்களுக்குத் திருமணம் சம்பந்தப்பட்ட முயற்சிகள் சாதகமாக இருக்கும்.

வெள்ளி -
வெளிநாட்டிலிருந்து நல்ல தகவல்கள் கிடைக்கும். நண்பர்கள் தேடி வந்து உதவி செய்வார்கள். இல்லத்தில் சுபகாரிய பேச்சுவார்த்தைகள் முடிவாகும். வியாபார விஷயங்கள் சாதகமாக இருக்கும். சிறு தூரப் பயணங்களால் மிகப் பெரிய ஆதாயம் உண்டாகும்.


சனி-
நீண்ட நாளாக எதிர்பார்த்துக் கொண்டிருந்த நல்ல தகவல் இன்று கிடைக்கும். வியாபாரம் தொடர்பாக சந்திப்புகள் ஏற்படும். அதன் மூலம் ஆதாயம் கிடைக்கும். தொழிலுக்குத் தேவையான உதவிகள் கிடைக்கும்.

ஞாயிறு -
தாமதமாகிக் கொண்டிருந்த வேலைகள் அனைத்தும் செய்து முடிப்பீர்கள். வியாபார ஒப்பந்தங்கள் நிறைவேறும். எதிர்பார்த்த பணவரவு கிடைக்கும். பயணங்களால் ஆதாயம் உண்டாகும். கமிஷன் தொழில் செய்து கொண்டிருப்பவர்களுக்கு வருமானம் எதிர்பார்த்தபடி கிடைக்கும்.

வணங்க வேண்டிய தெய்வம் -
ஸ்ரீ ஆஞ்சநேய பெருமானுக்கு வெற்றிலை மாலை சாற்றி வழிபடுங்கள். நன்மைகள் அதிகமாகும். முயற்சிகளில் வெற்றி கிடைக்கும்.
*********************

உத்திராடம் -

சிறப்பான பலன்கள் நடைபெறும் வாரம். குடும்பத்தில் அமைதி நிலவும்.

குடும்பத்தினர் ஒத்துழைப்பு கிடைக்கும். சொத்துப் பிரச்சினைகள் சுமுகமாகும். பாகப்பிரிவினைகள் ஒழுங்காகும். தகுதிக்குத் தகுந்த வேலை இல்லாமல் தவித்தவர்களுக்கு இந்த வாரம் நல்ல வேலை கிடைக்கும் வாய்ப்பு உள்ளது. மிகப் பெரிய நிறுவனத்திலிருந்து அழைப்பு கிடைக்கப் பெறுவீர்கள்.

தந்தைவழி உறவினர்களால் ஒரு சில உதவிகள் கிடைக்கப் பெறுவீர்கள். அலுவலகத்தில் சக ஊழியர்களின் ஒத்துழைப்பு கிடைக்கும். அலுவலகப் பணிகளில் திருப்தியான சூழ்நிலை உருவாகும்.

உயரதிகாரிகளின் பாராட்டுதல்கள் கிடைக்கும் குழுவுக்குத் தலைமை தாங்கும் வாய்ப்புகளும் உண்டு. தொழிலில் புதிய ஒப்பந்தங்கள் கிடைக்கப் பெறுவீர்கள். ஊழியர்களின் ஒத்துழைப்பு சிறப்பாக இருக்கும்.

உற்பத்தியான பொருட்கள் விறுவிறுப்பாக விற்பனையாகும். வியாபாரிகளுக்கு எதிர்பார்த்த லாபம் கிடைக்கும். புதிய வியாபார கிளைகள் ஆரம்பிப்பார்கள். வியாபாரத்தை விரிவு படுத்துவதற்கான உதவிகள் கிடைக்கும்.

பெண்கள் தாங்கள் எடுத்துக்கொண்ட முயற்சிகள் அனைத்திலும் வெற்றி காண்பார்கள். திருமண முயற்சிகள் கைகூடும். தந்தை வழி சொத்துகள் கிடைக்கும் வாய்ப்பு உண்டு. கலைஞர்களுக்கு நல்ல வாய்ப்புகள் கிடைக்கும். மாணவர்கள் கல்வியில் நல்ல முன்னேற்றம் காண்பார்கள்.

இந்த வாரம் -

திங்கள் -
அதிகப்படியான நன்மைகள் நடக்கக் கூடிய நாள். பயணங்களால் ஆதாயம் உண்டாகும். தொழில் தொடர்பான சந்திப்புகள் மனநிறைவைத் தரும். வியாபாரத்தில் லாபம் இருமடங்காக இருக்கும். தேவையான உதவிகள் சரியான சமயத்தில் கிடைக்கும்.

செவ்வாய்-
முயற்சிகளில் முன்னேற்றம் ஏற்படும் நாள். வீட்டுக் கடன் தொடர்பான தகவல் வங்கியிலிருந்து கிடைக்கும். தொழில் ஒப்பந்தங்கள் ஏற்படும். வியாபாரத்தில் நல்ல வளர்ச்சி உண்டாகும். திருமண முயற்சிகளில் முன்னேற்றம் ஏற்படும்.

புதன் -
அலுவலகத்தில் பணிச்சுமை கூடும். சக ஊழியர்களின் அலட்சியத்தால் உங்களுக்கு பணிச்சுமை கூடும். வியாபாரம் தொடர்பான விஷயங்களில் இழுபறியான நிலை நீடிக்கும். குடும்பச் செலவுகள் அதிகமாக இருக்கும்.

வியாழன் -
எதிர்பார்த்த உதவிகள் அனைத்தும் கிடைக்கும். வியாபார வளர்ச்சி சீராக இருக்கும். தொழில் தொடர்பான ஒப்பந்தங்கள் ஏற்படும் வாய்ப்பு உள்ளது. நண்பர்கள் மூலமாக ஒரு சில உதவிகள் கிடைக்கப் பெறுவீர்கள். குடும்பத்தின் தேவைகள் பூர்த்தியாகும்.

வெள்ளி-
அத்தியாவசியப் பயணங்கள் தவிர மற்ற பயணங்களைத் தவிர்த்து விடுங்கள். கோபத்தை குறைத்துக் கொள்ள வேண்டும். உணர்ச்சிவசப்பட்டு எந்த முடிவுகளையும் எடுக்கக் கூடாது.வீண் செலவுகள், விரயங்கள் ஏற்படும்.

சனி -
உத்தியோகத்தில் எதிர்பார்த்த சலுகைகள் கிடைக்கும். கடன் தொடர்பான பிரச்சினைகள் பேசித் தீர்க்கப்படும். அலுவல் ரீதியாக மேற்கொள்ளும் பயணங்கள் திருப்திகரமாக இருக்கும்.

ஞாயிறு-
நீண்ட நாளாக எதிர்பார்த்துக் கொண்டிருந்த உதவிகள் கிடைக்கும். தாய்வழி உறவினர்களால் நன்மைகள் ஏற்படும். திருமணம் தொடர்பான முயற்சிகள் இன்று சுமுகமான முடிவுக்கு வரும். வியாபாரத்தில் லாபம் பெருகும். கலைஞர்களுக்கு பேச்சுவார்த்தைகள் முடிவடைந்து ஒப்பந்தங்கள் ஏற்படும் வாய்ப்பு உள்ளது.


வணங்க வேண்டிய தெய்வம் -
சூரிய வழிபாடு செய்யுங்கள். ஆதித்ய ஹிருதயம் கேளுங்கள். நல்ல பலன்களைத் தரும்.
**********************

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

FOLLOW US

தவறவிடாதீர்!

Sign up to receive our newsletter in your inbox every day!

WRITE A COMMENT
 
x