Published : 06 Jul 2020 10:23 am

Updated : 06 Jul 2020 10:23 am

 

Published : 06 Jul 2020 10:23 AM
Last Updated : 06 Jul 2020 10:23 AM

புனர்பூசம், பூசம், ஆயில்யம்;  வார நட்சத்திர பலன்கள் - (ஜூலை 6 முதல் 12 வரை) 

vaara-natchatira-palangal

‘சொல்வாக்கு ஜோதிடர்’ ஜெயம் சரவணன்

புனர்பூசம் -
நன்மைகள் பலவாறாக நடக்கும். தேவைகள் உடனுக்குடன் பூர்த்தியாகும்.
எடுத்துக்கொண்ட வேலைகள் அனைத்தும் சாதகமாகவும் லாபகரமாகவும் இருக்கும்.குடும்பத்தில் அமைதி நிலவும்.
இதுவரை திருமணம் ஆகாதவர்களுக்கு திருமணம் நடப்பதற்கான சூழ்நிலைகள் சாதகமாக இருக்கும். சகோதரர்களின் தொழில் முன்னேற்றத்திற்காக ஒரு சில உதவிகளை செய்து தருவீர்கள். ஒரு சிலருக்கு மனைவி வழி உறவினர்களால் ஆதாயம் கிடைக்கும்.
அலுவலக நெருக்கடிகள் தீரும். பணி தொடர்பாக கூடுதல் பொறுப்புகள் கிடைக்கும். வியாபாரத்தில் திருப்திகரமான லாபம் கிடைக்கும். சீரான வளர்ச்சி ஏற்படும்.
தொழில் தொடர்பாக வேண்டிய உதவிகளும், ஒப்பந்தங்களும் கிடைக்கும். மாணவர்கள் கல்வியில் நல்ல முன்னேற்றம் ஏற்படும். பெண்களின் தேவைகள் அனைத்தும் பூர்த்தியாகும். சுய தொழில் தொடர்பான முயற்சிகளுக்கு தக்க உதவிகள் கிடைக்கும். திருமணமாகாத பெண்களுக்கு திருமணம் உறுதி செய்யப்படும். கலைஞர்களுக்கு நல்ல வாய்ப்புகள் கிடைக்கும்.

இந்த வாரம் -

திங்கள் -
செயல்களில் நிதானம் வேண்டும். அவசர முடிவுகளை எடுக்க வேண்டாம். பயணங்களைத் தவிர்க்க வேண்டும். குடும்பத்தினருடன் இணக்கமாக இருக்க வேண்டும். பேச்சில் நிதானம் தேவை.

செவ்வாய்-
பணத்தேவைகள் உடனுக்குடன் பூர்த்தியாகும். எதிர்பார்த்த வியாபார வாய்ப்பு கிடைக்கும். தொழில் தொடர்பாக வேண்டிய உதவி கிடைக்கும். சொத்து தொடர்பான பிரச்சினைகள் முடிவுக்கு வரும். தாயாரின் உடல் நலத்தில் முன்னேற்றம் ஏற்படும். மருத்துவச் செலவு வெகுவாக குறையும்.

புதன் -
சுமாரான நாளாக இருக்கும். இயல்பான பணிகள் இருக்கும். பெரிய மாறுதல் ஏதும் இருக்காது. தொழில், வியாபாரத்தில் சீரான வளர்ச்சி இருக்கும். தகுந்த லாபம் கிடைக்கும்.

வியாழன் -
நினைத்தது நிறைவேறும் நாள். புதிதாக தொழில் தொடங்குவது அல்லது புதிதாக வியாபாரம் தொடங்குவது போன்ற விஷயங்கள் சாதகமாக இருக்கும். வங்கிக் கடன் தொடர்பாக நல்ல தகவல் கிடைக்கும். திருமணமாகாத பெண்களுக்கு திருமணம் தொடர்பான விஷயங்கள் இன்று நல்ல முடிவிற்கு வரும்.

வெள்ளி -
திட்டமிடாத காரியங்களிலும் வெற்றி கிடைக்கும். எதிர்பாராத பணம் வரும். வியாபாரத்தில் வரவேண்டிய பாக்கிகள் வசூலாகும். தொழில் தொடர்பாக எதிர்பார்த்த அரசின் சலுகைகள் கிடைக்கும். வியாபாரத்தில் எதிர்பார்த்ததைவிட அதிகமாக லாபம் கிடைக்கும். புதிய தொழில் வாய்ப்புகள் அல்லது வியாபார வாய்ப்புகள் கிடைக்கும். ஒப்பந்தங்கள் நிறைவேறும்.

சனி -
எதிர்பாராத செலவுகள் ஏற்படும். பராமரிப்புச் செலவுகள் கூடுதலாகும். வியாபாரிகள் வாடிக்கையாளர்களிடம் கனிவாக நடந்து கொள்ள வேண்டும். எந்த விஷயத்திலும் நிதானமாக நடந்து கொள்வது நல்லது.

ஞாயிறு -
வியாபார வாய்ப்புகள் தேடி வரும். வியாபார வளர்ச்சி சீராக இருக்கும். தொழில் தொடர்பான முன்னேற்றமான செய்கைகள் நடக்கும். தேவையான பண உதவி கிடைக்கும்.

வணங்க வேண்டிய தெய்வம் -
நவக்கிரக வழிபாடு செய்யுங்கள். நவக்கிரகத்தில் இருக்கும் குருபகவானுக்கு மஞ்சள் வஸ்திரம் சார்த்தி வழிபடுவது சிறப்பான பலன்களைத் தரும். நன்மைகள் பெருகும். தேவைகள் பூர்த்தியாகும்.
************************

பூசம் -
எதிர்பார்ப்புகள் நிறைவேறும் வாரம். தேவைக்கேற்ற பணவரவு இருக்கும்.
ஒருசிலருக்கு உத்தியோகத்தில் எதிர்பார்த்த சலுகைகள் கிடைக்கும். உடல்நலத்தில் குறிப்பிடத்தக்க முன்னேற்றம் ஏற்படும். உறவினர்களால் ஏற்பட்ட பிரச்சினைகள் முடிவுக்கு வரும்.
வியாபாரம் வளர்ச்சி அடையும். வரவேண்டிய பாக்கிகள் வசூலாகும். தொழில் வளர்ச்சி சீராக இருக்கும். புதிய தொழில் வாய்ப்புகள் கிடைக்கும். பெண்களுக்கு எதிர்பார்த்த உதவிகள் கிடைக்கும். சகோதரர்களுடன் சொத்து தொடர்பான பிரச்சினைகளில் சமாதானம் ஏற்படும். மாணவர்கள் கல்வியில் முன்னேற்றம் ஏற்படும். கலைத்துறையினருக்கு எதிர்பார்த்த வாய்ப்புகள் இப்போது கிடைக்கும்.

இந்த வாரம்-

திங்கள் -
எதிர்பார்த்த பணவரவு கிடைக்கும். உத்தியோகம் தொடர்பான நல்ல தகவல் கிடைக்கும். வியாபாரத்தில் நல்ல வளர்ச்சியும் முன்னேற்றமும் ஏற்படும். எதிர்பார்த்ததைவிட அதிக லாபம் கிடைக்கும். தொழிலுக்குத் தேவையான சலுகைகள், உதவிகள் தேடி வரும். குடும்பத்தினரின் தேவைகள் அனைத்தும் பூர்த்தி செய்து தருவீர்கள். திருமணம் உள்ளிட்ட சுப நிகழ்ச்சிகள் பற்றிய விஷயங்கள் சாதகமாக இருக்கும். இதன் தொடர்பாக இன்று நல்ல தகவல் கிடைக்கும்

செவ்வாய் -
முடிக்க வேண்டிய வேலைகளை இன்று சுறுசுறுப்பாக செய்து முடிப்பீர்கள். எதிர்பார்த்த பண உதவி கிடைக்கும். வியாபாரத்தில் லாபம் உண்டாகும். எதிர்பார்த்த கடன் கிடைக்கும். சிறு தூரப் பயணங்களால் ஆதாயம் ஏற்படும். வியாபார பேச்சுவார்த்தைகளில் எதிர்பார்த்த முன்னேற்றம் ஏற்படும்.

புதன் -
கடன் பிரச்சினைகள் முடிவுக்கு வரும். எதிர்பார்த்த வேலைவாய்ப்பு பற்றிய தகவல் கிடைக்கும். வியாபாரத்தில் லாபம் கிடைக்கும். உறவினர்களால் ஆதாயம் உண்டாகும். நண்பர்கள் தேடி வந்து உதவி செய்வார்கள்.

வியாழன் -
பயணங்கள் ஏற்படும். பயணங்களால் ஆதாயம் கிட்டும். அலுவலகத்தில் சக ஊழியர்களின் பாராட்டுக்களைப் பெறுவீர்கள். தொழிலுக்கு அரசு உதவிகள் கிடைக்கும். பெண்களுக்கு வேலை தொடர்பான தகவல் கிடைக்கும். திருமண முயற்சிகளில் முன்னேற்றம் ஏற்படும்.

வெள்ளி -
எடுத்துக்கொண்ட வேலைகள் அனைத்தும் சிறப்பாக செய்து முடிப்பீர்கள். பணவரவு எதிர்பாரத அளவுக்கு தாராளமாக இருக்கும். தொழில் தொடர்பான தேவையான வாய்ப்புகளும் உதவிகளும் கிடைக்கும். கலைத்துறையினருக்கு புதிய ஒப்பந்தங்கள் கையெழுத்தாகும்.

சனி -
வியாபாரத்தில் லாபம் இருமடங்காக இருக்கும். நண்பர்கள் உறுதுணையாக இருப்பார்கள். அவர்களால் ஆதாயம் கிடைக்கும். தொழில் தொடர்பான ஒப்பந்தங்கள் இறுதி நிலையை எட்டும். எதிர்பார்த்த பணம் எதிர்பார்த்தபடியே கிடைக்கும். தந்தைவழி உறவுகள் மற்றும் நெருங்கிய உறவினர்களால் நன்மைகள் நடக்கும். அவர்களுடன் ஏற்பட்டிருந்த பிரச்சினைகளுக்கு முற்றுப்புள்ளி ஏற்படும்.

ஞாயிறு -
வீண்செலவுகள் ஏற்படும், பிள்ளைகளால் சங்கடங்கள் ஏற்படும். உடல்நலத்தில் சற்று பாதிப்பு ஏற்படும். மருத்துவ செலவு உண்டு. பயணங்களைத் தவிர்க்க வேண்டும்.

வணங்க வேண்டிய தெய்வம் -
சிவ வழிபாடு செய்யவேண்டும். சிவபெருமானுக்கு வில்வ இலைகளால் அர்ச்சனை செய்வது மன நிம்மதியைத் தரும். நன்மைகள் நடக்கும்.
******************************
ஆயில்யம் -

எடுத்துக்கொண்ட முயற்சிகளில் எளிதான வெற்றியைக் காண்பீர்கள்.
முக்கியமான விஷயங்களில் அதிக கவனம் எடுத்துக்கொள்ள வேண்டும். தேவையற்ற பிரச்சினைகளில் தலையிட வேண்டாம். குடும்பச் செலவுகள் அதிகமாக இருக்கும். குறிப்பாக பராமரிப்புச் செலவுகள் எதிர்பாராத வகையில் இருக்கும்.
வரவும் செலவும் சமமாகவே இருக்கும். அலுவலக வேலைகளில் இயல்பான நிலையே இருக்கும். தொழில் வளர்ச்சி சீராக இருக்கும். சிலருக்கு கடன் பிரச்சினைகள் நெருக்கடி தருவதாக இருக்கும். வியாபார வளர்ச்சி சீராக இருக்கும்.
பெண்களுக்கு சொந்த வீடு, வேலை போன்றவை கிடைக்கும். திருமண முயற்சிகள் கைகூடும். கணவன் மனைவிக்குள் இருந்த மனவருத்தங்கள் அகன்று குடும்ப ஒற்றுமை பலப்படும். மாணவர்கள் கல்வியில் எதிர்பார்த்த நன்மைகள் கிடைக்கும். கலைஞர்களுக்கு நண்பர்களால் புதிய ஒப்பந்தங்கள் கிடைக்கும்.

இந்த வாரம் -

திங்கள் -
அலுவலக வேலைகளில் தேங்கி நின்ற பணிகள் அனைத்தும் முடியும். தொழில் தொடர்பான வாய்ப்புகள் மனநிறைவைத் தரும். எதிர்பார்த்த கடனுதவி கிடைக்கும். வியாபார ஒப்பந்தம் ஏற்படும். வியாபாரத்தில் லாபம் பெருகும், புதிய வியாபார வாய்ப்புகள் கிடைக்கும். குடும்பத்தின் தேவைகள் அனைத்தும் பூர்த்தியாகும். எதிர்பார்த்த பணம் கைக்கு வந்து சேரும். எடுத்துக்கொண்ட முயற்சிகள் அனைத்தும் வெற்றிகரமாக முடியும்.

செவ்வாய் -
எதிர்காலத் திட்டங்கள் தீட்டுவீர்கள். வேறு நிறுவனத்திற்கு மாறும் முயற்சிகளை எடுப்பீர்கள். தொழில் தொடர்பாக எடுக்கும் முயற்சிகள் சாதகமாக இருக்கும். வியாபார வளர்ச்சி சீராக இருக்கும்.

புதன் -
நினைத்ததை நினைத்தபடியே செய்து முடிப்பீர்கள். அதிக முயற்சிகள் இல்லாமலேயே அனைத்து வேலைகளும் எளிதாக முடியும். நீண்ட நாளாக சந்திக்க விரும்பிய நபரை இன்று சந்திக்கும் வாய்ப்பு கிடைக்கும். தொழில் மற்றும் வியாபாரத்தில் லாபம் இரட்டிப்பாக இருக்கும். தொழிலுக்கு ஏற்பட்டு இருந்த தடைகள் அனைத்தும் இன்று முழுமையாக அகலும். சுபகாரிய பேச்சு வார்த்தைகள் மனநிறைவுடன் முடிவுக்கு வரும்.


வியாழன் -
எதிர்பாராத செலவுகள் ஏற்படக்கூடிய நாள். அலுவலகத்தில் தேவையில்லாத விஷயங்களில் தலையிட வேண்டாம். பேச்சில் நிதானம் தேவை. யாருக்கும் வாக்குறுதி கொடுக்க வேண்டாம். அவசர முடிவுகளை எடுக்கக்கூடாது. உணர்ச்சிவசப்படுவதை கட்டுப்படுத்த வேண்டும். கோபத்தை தவிர்க்க வேண்டும்.

வெள்ளி -
குடும்பத்தினர் தேவைகளைப் பூர்த்தி செய்து தருவீர்கள். குடும்பத்திற்கு தேவையான பொருட்களை வாங்குவீர்கள். வியாபார வளர்ச்சி நன்றாக இருக்கும். பணத்தேவைகள் உடனுக்குடன் பூர்த்தியாகும். இல்லத்தில் சுப காரியம் தொடர்பான பேச்சுவார்த்தைகள் நடக்கும்.

சனி -
வரவும் செலவும் சமமாக இருக்கும். எதிர்பார்த்த பண உதவி கிடைக்கும். வியாபாரம் தொடர்பாக ஆதாயம் ஏற்படும். குடும்பத்தினர் ஒத்துழைப்பு சிறப்பாக இருக்கும். தொழில் தொடர்பான சந்திப்புகள் மன நிறைவைத்தரும்.

ஞாயிறு -
எதிர்பார்ப்புகள் சற்று ஏமாற்றம் தரும். வீண் விவாதம் வேண்டாம். எதிர்பாராத செலவுகள் ஏற்படும். அடுத்தவர் விஷயத்தில் தலையிடாமல் இருக்க வேண்டும். பயணங்களில் கூடுதல் கவனம் வேண்டும். கடன் கொடுப்பது கடன் வாங்குவது போன்றவை செய்யக்கூடாது.

வணங்க வேண்டிய தெய்வம் -
சக்கரத்தாழ்வார் வழிபாடு செய்யுங்கள். விஷ்ணு சகஸ்ரநாமம் கேளுங்கள். நன்மைகள் அதிகமாகும். நினைத்தது நிறைவேறும்.
**********************************

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

புனர்பூசம்பூசம்ஆயில்யம்;  வார நட்சத்திர பலன்கள் - (ஜூலை 6 முதல் 12 வரை)வார நட்சத்திரப் பலன்கள்சொல்வாக்கு ஜோதிடர் ஜெயம் சரவணன்

Sign up to receive our newsletter in your inbox every day!

You May Like

More From This Category

More From this Author