Published : 22 Jun 2020 14:21 pm

Updated : 22 Jun 2020 14:21 pm

 

Published : 22 Jun 2020 02:21 PM
Last Updated : 22 Jun 2020 02:21 PM

மூலம், பூராடம், உத்திராடம் ; வார நட்சத்திர பலன்கள் - (ஜூன் 22 முதல் 28ம் தேதி வரை)

vaara-natchatira-palangal


- 'சொல்வாக்கு ஜோதிடர்’ ஜெயம் சரவணன்

மூலம் -
இதுவரை கடுமையான மன உளைச்சலுக்கும் நெருக்கடிகளாலும் கடுமையான பாதிப்பை சந்தித்து இருப்பீர்கள். இனி உங்கள் பிரச்சினைகள் அனைத்தும் படிப்படியாக தீரும்.
மனதில் நம்பிக்கை பிறக்கும். குடும்ப பிரச்சினைகள் சுமுகமான முடிவுக்கு வரும். விவாகரத்து வரை சென்றவர்கள் மீண்டும் ஒன்றுசேரும் வாய்ப்பு உள்ளது.
அலுவலகப் பணிகளில் எதைச் செய்தாலும் குற்றமாக பார்த்துவந்த உங்களை இனி ஆச்சரியத்துடன் பார்க்கப் போகிறார்கள். உங்கள் திறமைக்கு முழு அங்கீகாரம் கிடைக்கும்.
தொழில் படிப்படியாக வளர்ச்சியைத் தரும். வியாபாரத்தில் இருந்த நெருக்கடியான சூழ்நிலைகள் மாறி இனி வியாபாரம் நல்ல வளர்ச்சிப் பாதையில் செல்லும்.
பெண்களுக்கு மனதில் இருந்த பாரம் விலகும். திருமணம் உள்ளிட்ட விஷயங்கள் சாதகமாக இருக்கும். புத்திர பாக்கியம் தொடர்பான விஷயங்கள் மன மகிழ்ச்சி தருவதாக இருக்கும். மாணவர்கள் கல்வியில் கூடுதல் கவனம் செலுத்த வேண்டும். கல்வியைத் தவிர வேறு நாட்டங்கள் ஏற்படும். கவனமாக இருக்கவேண்டும். கலைஞர்களுக்கு ஒரு சில வாய்ப்புகள் கிடைக்கும்.

இந்த வாரம் -

திங்கள் -
அதிக நன்மைகள் ஏற்படக் கூடிய நாள். நினைத்ததை நினைத்தபடியே செய்து முடிப்பீர்கள். எதிர்பார்த்த பணவரவு உண்டாகும். குடும்பத்தில் ஒற்றுமை நீடிக்கும். குடும்பத் தேவைகள் அனைத்தும் பூர்த்தியாகும். வியாபார வளர்ச்சி எதிர்பார்த்தபடியே திருப்திகரமாக இருக்கும். பிள்ளைகளால் பெருமை கிடைக்கும் நாள்.

செவ்வாய் -
நிதானமாக செயல்பட்டு அனைத்து காரியங்களையும் சாதித்துக் கொள்ள வேண்டும். தடாலடி முடிவுகள் எடுக்க வேண்டாம். கோப்புகளில் கையெழுத்திடும் முன் நன்கு படித்துப் பார்க்க வேண்டும். தொழில் மற்றும் வியாபாரத்தில் நிதானப் போக்கு அவசியம்.

புதன் -
எதிர்பாராத நன்மைகள் நடைபெறக்கூடிய நாள். கிடைக்கின்ற செய்திகள் அனைத்தும் மனதுக்கு உற்சாகத்தையும் நிம்மதியையும் தரக்கூடியதாக இருக்கும். சுபகாரிய விஷயங்கள் முடிவாகும். கணவன்-மனைவிக்குள் ஏற்பட்டு இருந்த கருத்து வேறுபாடுகள் அகலும். வியாபார வளர்ச்சி சீராக இருக்கும். புதிய வியாபார வாய்ப்புகள் கிடைக்கும்.

வியாழன் -
நண்பர்கள், உறவினர்கள் என பலரும் தேடித் தேடி வந்து உதவி செய்வார்கள். பணப்புழக்கம் அமோகமாக இருக்கும். வெளியூர் அல்லது வெளிநாட்டில் வசிக்கும் நண்பர்களால் எதிர்பாராத உதவிகள் கிடைக்கப் பெறுவீர்கள். வியாபாரத்தில் புதிய மாற்றம் செய்து வியாபாரத்தை மேலும் பெருக்குவதற்கான வாய்ப்புகள் கிடைக்கும்.

வெள்ளி -
சிறப்பான நாளாக இருக்கும். சுபகாரிய விசேஷங்கள் முடிவாகும். குழந்தைகளின் ஆரோக்கியத்தில் முன்னேற்றம் ஏற்படும். குடும்பத்திற்காக அதிகம் செலவு செய்ய வேண்டியிருக்கும். வியாபாரத்தில் நல்ல வளர்ச்சி இருக்கும். ஒருசிலருக்கு திடீர் அதிர்ஷ்ட வாய்ப்பாக புதிய வியாபார வாய்ப்பு கிடைக்கும்.

சனி -
சிறிய முயற்சியாலேயே பெரிய காரியங்களை சாதித்துக் கொள்ள கூடிய நாள். பணப்புழக்கம் தாராளமாக இருக்கும். எடுத்துக்கொண்ட அனைத்து முயற்சிகளிலும் முழுமையான வெற்றியைக் காண்பீர்கள். குடும்பத்தின் தேவைகள் அனைத்தும் பூர்த்தியாகும். நண்பர்கள் மிக உதவிகரமாக இருப்பார்கள். நெருங்கிய உறவினர்களுக்கு தேவையான உதவிகளைச் செய்து தருவீர்கள்.

ஞாயிறு -
குடும்பத்தோடு நேரத்தைச் செலவிடுவது நல்லது. வெளியில் எங்கும் செல்லவேண்டாம், வீட்டில் இருந்தாலும் கூட பொறுமையும் நிதானமும் இருக்க வேண்டும். கோபத்தைக் காட்டக் கூடாது. செலவுகள் ஏற்பட்டாலும் சகித்துக் கொள்ள வேண்டும்.

வணங்க வேண்டிய தெய்வம் -
விநாயகப்பெருமானுக்கு அருகம்புல் சாற்றி வழிபடுவது அதிக நன்மைகளைத் தரும். விநாயகர் அகவல் படிப்பது மன நிம்மதியை உண்டாக்கும்.
******************************


பூராடம் -
நல்ல தகவல்கள் கிடைப்பதால் மனமகிழ்ச்சி அடையும் வாரம்.
நினைத்ததை நினைத்தபடியே செய்து முடித்து மன நிம்மதி பெறுவீர்கள். குடும்பத்தில் அமைதி நிலவும். பெற்றோரின் ஆதரவு கிடைக்கும். சொத்து தொடர்பான விஷயங்கள் எளிதாக பேசித் தீர்க்க வாய்ப்பு உள்ளது.
அலுவலகப் பணிகளில் மனநிறைவு உண்டாகும். உயர் அதிகாரிகளின் ஆதரவு கிடைக்கும். தொழிலில் இதுவரை இருந்த தடைகள் அகன்று முன்னேற்றப் பாதைக்கு செல்லும். வியாபார வளர்ச்சி சிறப்பாக இருக்கும்.
பெண்களுக்கு தந்தை வழி சொத்துகள் கிடைக்கும் வாய்ப்பு உள்ளது. ஆரோக்கியப் பிரச்சினைகள் முற்றிலுமாக தீரும். கலைஞர்களுக்கு சிறப்பான வாய்ப்புகள் நண்பர்களால் கிடைக்கும்.

இந்த வாரம் -

திங்கள் -
இயல்பான நாளாக இருக்கும். பெரிய மாற்றங்கள் ஏதும் இருக்காது. வருமானம் திருப்திகரமாக இருக்கும். வியாபாரத்தில் சீரான வளர்ச்சி இருக்கும். குடும்பத் தேவைகள் உடனுக்குடன் பூர்த்தியாகும்.

செவ்வாய் -
பணப்புழக்கம் அதிகரிக்கும் நாள். தொழில் மற்றும் வியாபாரத்தில் நல்ல வளர்ச்சியும் முன்னேற்றமும் இருக்கும். தொழிலுக்குத் தேவையான உதவிகள் கிடைக்கும். வங்கிக் கடன் கிடைப்பதற்கான வாய்ப்பு உள்ளது, அல்லது முதலீடுகள் கிடைக்கும் வாய்ப்பு இருக்கிறது. வியாபாரத்தில் நல்ல வளர்ச்சி முன்னேற்றம் இருக்கும். ஆரோக்கிய பிரச்சினைகள் முற்றிலுமாக தீரும்.

புதன் -
கவனமாக செயல்பட வேண்டிய நாள். எடுத்தேன் கவிழ்த்தேன் என்று எந்த முடிவையும் எடுக்க வேண்டாம். பொறுமையாக இருக்க வேண்டும். கோபத்தைக் கட்டுப்படுத்த வேண்டும்.

வியாழன் -
எதிர்பாராத உதவிகள் தேடி வரும். நண்பர்கள் உதவிகரமாக இருப்பார்கள். பணத்தேவைகள் உடனுக்குடன் பூர்த்தியாகும். வியாபார வளர்ச்சி அமோகமாக இருக்கும். கமிஷன் தொழில் செய்து கொண்டிருப்பவர்களுக்கு எதிர்பாராத வருமானம் உண்டாகும். குழந்தைகளின் ஆரோக்கியத்தில் நல்ல முன்னேற்றம் ஏற்படும். தந்தைவழி உறவுகளால் தேவையான உதவிகள் கிடைக்கப் பெறுவீர்கள்.

வெள்ளி -
உற்சாகமான மனநிலையில் இருப்பீர்கள். சுபவிசேஷங்கள் பற்றிய தகவல்கள் மனதுக்கு நிறைவைத் தரும். தொலைபேசி வழித் தகவல் உற்சாகத்தைத் தருவதாக இருக்கும். வியாபார வளர்ச்சி சிறப்பாக இருக்கும். குடும்பத்திற்குத் தேவையான அத்தியாவசியப் பொருட்களை வாங்குவீர்கள். பணப்புழக்கம் உயரும் நாள்.

சனி -
அதிக முயற்சி ஏதும் இல்லாமலேயே பல காரியங்களை சாதித்துக் காட்டுவீர்கள். வருமானம் திருப்திகரமாக இருக்கும். ஆதாயம் தரக்கூடிய விஷயங்கள் அனைத்தும் உங்களுக்கு சாதகமாக இருக்கும். தொழில் வளர்ச்சி எதிர்பாராத வகையில் புதிய உயரத்தை எட்டும். பலவித நன்மைகள் நடைபெறக்கூடிய நாள்.

ஞாயிறு -
செலவுகள் அதிகம் ஏற்படக்கூடிய நாளாக இருக்கும். வரவும் வரவுக்கு மீறிய செலவும் உண்டாகும். பராமரிப்புச் செலவுகள் கூடுதலாகும். அலைச்சல் அதிகரிக்கும். பயணங்களைத் தவிர்ப்பது நல்லது.

வணங்க வேண்டிய தெய்வம் -
ஸ்ரீ அனுமனுக்கு வெற்றிலை மாலை சாற்றி வழிபடுவது நல்ல பலனைத் தரும். உங்கள் முயற்சிகளுக்கு முழுமையான வெற்றியை ஸ்ரீஅனுமன் உண்டாக்கி அருளுவார்.
***********************************


உத்திராடம் -
மனம் மகிழும் சம்பவங்கள் நடைபெறும் வாரம்.
நெருக்கடியான நிலையில் இருந்து வெளிவருவீர்கள். உற்சாகமான மனநிலை இருப்பதால் எடுத்துக்கொண்ட எல்லா வேலைகளிலும் முழுமையான நன்மைகள் கிடைக்கும்.
குடும்ப பிரச்சினைகள் சுமுகமாக தீரும். சுபகாரிய விசேஷங்கள் நடப்பதற்கான வாய்ப்புகள் உள்ளது. புத்திரபாக்கியம் தொடர்பான நல்ல தகவல் கிடைத்து மனமகிழ்ச்சி ஏற்படும்.
அலுவலகப் பணிகளில் இதுவரை இருந்து வந்த பிரச்சினைகள் அனைத்தும் முடிவுக்கு வந்து உற்சாகமாக பணியாற்றுவீர்கள். தொழிலில் இருந்து வந்த நெருக்கடிகள் விலகி தொழில் வளர்ச்சி சீராக இருக்கும்.
வியாபாரத்தில் நல்ல வளர்ச்சியும் முன்னேற்றமும் ஏற்படும். புதிய வியாபார வாய்ப்புகள் கிடைக்கும். பெண்களுக்கு எதிர்பாராத சொத்து சேர்க்கை ஏற்படும் வாய்ப்பு உள்ளது. இளைய சகோதரர் பக்கபலமாக இருப்பார். கலைஞர்களுக்கு அற்புதமான வாய்ப்புகள் கிடைக்கும்.

இந்த வாரம் -

திங்கள் -
சிறப்பான வாய்ப்புகள் கிடைக்கும் நாள். பணப்புழக்கம் சரளமாக இருக்கும். பணம் பல வழிகளிலும் வரும். சொத்துக்கள் தொடர்பான பிரச்சினைகள் எளிதாக முடியும். சொத்துக்களால் ஆதாயம் உண்டு. வியாபார வளர்ச்சி சிறப்பாக இருக்கும். புதிய தொழில் அல்லது வியாபார வாய்ப்புகள் கிடைப்பதற்கான சூழ்நிலை உள்ளது.

செவ்வாய் -
இயல்பான நாளாக இருக்கும். அலுவலகப் பணிகளில் உற்சாகமாக பணியாற்றுவீர்கள். சக ஊழியர்களின் ஒத்துழைப்பு கிடைக்கும். அதேபோல சக ஊழியர்களுக்கும் உங்களாலான உதவிகளைச் செய்து தருவீர்கள். வியாபாரத்தில் இயல்பான நிலை தொடரும். ஆரோக்கியத்தில் முன்னேற்றம் ஏற்படும்.

புதன் -
எதிர்பாராத உதவிகள் கிடைக்கப் பெறுவீர்கள். எதிர்பார்த்த பணவரவு உண்டாகும். பயணங்களால் ஆதாயம் ஏற்படும். தாய்மாமன் வகை உறவுகள் தேவையான உதவிகளை செய்து தரும். மூத்த சகோதரர் பக்கபலமாக இருப்பார். உங்களுக்குத் தேவையான பண உதவிகளை செய்து தருவார். வியாபார நிமித்தமாக ஏற்படும் பயணம் லாபகரமாக இருக்கும்.

வியாழன் -
அவசர முடிவுகள் எடுக்க வேண்டாம். நிதானத்தோடு செயல்பட வேண்டும். அலுவலகப் பணிகளில் கூடுதல் கவனம் செலுத்தி பணியாற்றவேண்டும். வியாபாரத்தில் அதிக கவனம் செலுத்தவேண்டும். பணத்தை கையாளும்போது அதிக கவனமாக இருப்பது நல்லது. பயணங்களைத் தவிர்க்க வேண்டும்.

வெள்ளி -
பண உதவிகள் தேடி வரும். வியாபார வளர்ச்சி அமோகமாக இருக்கும். தொழிலில் நல்ல முன்னேற்றமும் தேவையான உதவிகளும் கிடைக்கப் பெறுவீர்கள். உறவினர்களால் ஆதாயம் கிட்டும். சொத்துகளால் லாபம் கிடைக்கும்.

சனி -
புதிய நபர்களை சந்திப்பதால் ஆதாயம் கிடைக்கும். பயணங்களால் எதிர்பாராத நன்மைகள் நடக்கும். ஆரோக்கியத்தில் இருந்த பிரச்சினைகள் முற்றிலுமாக நீங்கும். அநாவசிய செலவுகள் இனி இருக்காது. குடும்பத் தேவைகள் அனைத்தும் பூர்த்தியாகும். மனம் மகிழும் சம்பவங்கள் நடைபெறும் நாள்.

ஞாயிறு -
பெரும் நன்மைகள் நடைபெறக்கூடிய நாள். வருமானம் பல வழிகளிலும் வரும். வியாபாரத்தில் லாபம் இரட்டிப்பாக இருக்கும். திடீர் அதிர்ஷ்ட வாய்ப்புகள் ஒரு சிலருக்கு உண்டு. நண்பர்கள் தொழில் ரீதியாக மிகப்பெரிய உதவியை செய்து தருவார்கள். குடும்பத்தினர் ஒத்துழைப்பு சிறப்பாக இருக்கும். நன்மைகள் நடைபெறக்கூடிய நாள்.

வணங்க வேண்டிய தெய்வம் -
ஐயப்பனை வணங்கி வாருங்கள். ஐயப்பனுக்கு நெய் தீபமேற்றி வழிபடுவது நல்ல பலன்களைத் தரும்.
*************************

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.


அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

மூலம் பூராடம் உத்திராடம் ; வார நட்சத்திர பலன்கள் - (ஜூன் 22 முதல் 28ம் தேதி வரை)வார நட்சத்திரப் பலன்கள்சொல்வாக்கு ஜோதிடர் ஜெயம் சரவணன்

Sign up to receive our newsletter in your inbox every day!

You May Like

More From This Category

More From this Author