பூரட்டாதி, உத்திரட்டாதி, ரேவதி ; (ஏப்ரல் 20 முதல் 26 வரை) - இந்த வாரம் உங்களுக்கு இப்படித்தான்! 

- ‘சொல்வாக்கு ஜோதிடர்’ ஜெயம் சரவணன்

பூரட்டாதி-
அதிக அளவு நன்மைகள் ஏற்படும் வாரம்.
வரவும் செலவும் சமமாகவே இருக்கும். செலவுகளைக் கட்டுப்படுத்துவதில் கவனம் தேவை. கணவன் மனைவி அந்நியோன்யம் அதிகமாகும். அலுவலகத்தில் கூடுதல் பொறுப்புகள் கிடைக்கும் வாய்ப்பு உள்ளது. தொழில் தொடர்பான முயற்சிகளில் முன்னேற்றம் ஏற்படும்.
புதிய நிறுவனங்களோடு தொழில் ஒப்பந்தங்கள் ஏற்படும். வியாபார வளர்ச்சி அமோகமாக இருக்கும். புதிய வியாபார வாய்ப்புகள் கிடைக்கும். வரவேண்டிய பாக்கிகள் வசூலாகும்.
பெண்களுக்கு குடும்ப ஒற்றுமை மேலோங்கும். இதுவரை வேலை இல்லாமல் இருந்தவர்களுக்கு நல்ல வேலை கிடைக்கும். திருமண முயற்சிகள் சாதகமாக இருக்கும். மாணவர்களுக்கு கல்வியில் நல்ல முன்னேற்றம் உண்டு. கலைஞர்களுக்கு நல்ல வாய்ப்புகள் கிடைக்கும். தீவிர முயற்சி செய்தால் வெற்றி காணலாம்.

இந்த வாரம் -

திங்கள்-
தேவைகள் அனைத்தும் பூர்த்தியாகும். பணவரவு தாராளமாக இருக்கும். தொழில் தொடர்பாக முதலீடுகளைச் செய்ய முற்படுவீர்கள். அளவான முதலீடுகளைச் செய்ய வேண்டும். வியாபார வளர்ச்சி சீராக இருக்கும். புதிய வியாபாரத்தில் முதலீடு செய்வீர்கள். இதுவரை தொழில் அல்லது வியாபாரம் செய்யாதவர்கள் கூட அதற்கான முயற்சிகளில் ஈடுபடுவீர்கள்.

செவ்வாய்-
கோபத்தைக் கட்டுப்படுத்த வேண்டும். உணர்ச்சிவசப்பட்டு எந்த முடிவுகளையும் எடுக்க வேண்டாம். வியாபாரத்தில் வாடிக்கையாளர்களிடம் கவனமாக பேச வேண்டும். அலுவலகத்தில் சக ஊழியர்களுடன் தேவையில்லாத வாக்குவாதங்கள் செய்ய வேண்டாம். குடும்பத்தினரின் கருத்துக்கு மதிப்பளிக்க வேண்டும்.

புதன்-
நேற்றைய பிரச்சினைகள் அனைத்தும் இன்று முடிவுக்கு வரும். தொழில் தொடர்பாகவும் வியாபாரம் தொடர்பாகவும் தேவையான உதவிகள் கிடைக்கும். குடும்பத்தினர் தேவைகள் பூர்த்தியாகும். உறவினர்களிடம் ஏற்பட்ட மன வருத்தங்கள் அகலும். சகோதரர்களிடம் ஏற்பட்ட சண்டை சச்சரவுகள் இப்போது சமாதானம் ஏற்படும். சொத்துக்கள் தொடர்பான பிரச்சினைகளை பேசி முடிக்க வாய்ப்பு கிடைக்கும்.

வியாழன்-
உத்தியோகத்தில் இடமாற்றம் ஏற்படும் வாய்ப்பு உள்ளது. வியாபார விஷயங்கள் சுமுகமாக நடைபெறும். தொழில் தொடர்பாக எதிர்பார்த்த முதலீடுகள் கிடைக்கும். புதிய தொழில் ஒப்பந்தங்கள் ஏற்படும் வாய்ப்பு உள்ளது.தூரத்து உறவினருக்கு உதவிகள் செய்ய வேண்டிய சூழ்நிலை உருவாகும். உங்களால் முடிந்த உதவிகளையும் செய்து கொடுப்பீர்கள்.

வெள்ளி-
குடும்ப நலன் சார்ந்து சில முக்கிய முடிவுகள் எடுப்பீர்கள். எதிர்காலத் தேவைகளுக்காக சேமிப்புகள் செய்யும் எண்ணம் தோன்றும். பெண்களுக்கு எதிர்பார்த்த உதவிகள் கிடைக்கும். வேலை இல்லாத பெண்களுக்கு வேலை கிடைப்பதற்கான வாய்ப்பு உள்ளது. உறவினர்களிடம் ஏற்பட்டு இருந்த மனக்கசப்புகள் மாறும்.

சனி-
பணவரவு இருமடங்காக இருக்கும். எதிர்பார்த்த உதவிகள் அனைத்தும் கிடைக்கும். வியாபார விஷயங்கள் லாபகரமாக இருக்கும். குடும்பத்தினர் தேவைகள் அனைத்தையும் பூர்த்தி செய்து தருவீர்கள். தொழில் ரீதியாக அரசிடம் ஏற்பட்டிருந்த நெருக்கடி நீங்கும். அரசின் உதவிகள் கிடைக்கும். வங்கி தொடர்பான பிரச்சினைகள் முடிவுக்கு வரும்.

ஞாயிறு-
பணத்தேவைகள் உடனுக்குடன் பூர்த்தியாகும். வரவேண்டிய பாக்கிகள் வசூலாகும். வியாபாரத்தில் வளர்ச்சி ஏற்படும். தொழில் தொடர்பாக தேவையான உதவிகள் கிடைக்கும். அயல்நாட்டிலிருந்து நல்ல தகவல் கிடைக்கும். உற்ற நண்பர்களால் உதவிகள் கிடைக்கப் பெறுவீர்கள். குடும்ப பிரச்சினைகள் அனைத்தும் முடிவுக்கு வரும்.

வணங்க வேண்டிய தெய்வம்-
முருகப் பெருமானை வணங்குங்கள். கந்தசஷ்டி கவசம் பாராயணம் செய்யுங்கள். பிரச்சினைகளும் குழப்பங்களும் தீரும். எதிர்பார்த்த உதவிகள் கிடைக்கும்.
**************************
உத்திரட்டாதி -
தேவையான உதவிகள் அனைத்தும் கிடைக்கும்.
அலுவலகத்தில் சக ஊழியர்களுடன் இணக்கமான சூழ்நிலை ஏற்படும். அலுவலக வேலைகளை சக ஊழியர்களுடன் பகிர்ந்து கொண்டு விரைவாக செய்து முடிப்பீர்கள். தந்தையின் உடல் நலத்தில் மட்டும் அதிக அக்கறை காட்ட வேண்டும்.
குழந்தைகளின் கல்வி வளர்ச்சி மன திருப்தியை தரும். தொழில் செய்து கொண்டிருப்பவர்களுக்கு தொழிலில் லாபம் அபரிமிதமாக இருக்கும். புதிய தொழில் வாய்ப்புகள் கிடைக்கும் வாய்ப்பு உள்ளது. ஏற்கெனவே செய்து கொண்டிருக்கும் வியாபாரத்தோடு இணைந்த மற்றொரு வியாபாரம் செய்யும் வாய்ப்பு உள்ளது.
சேவை சார்ந்த தொழில் செய்து கொண்டிருப்பவர்களுக்கு இப்பொழுது பல வேலைவாய்ப்புகள் கிடைக்கும். கலைஞர்களுக்கு எதிர்பாராத ஒப்பந்தங்கள் கிடைக்கும். பணவரவு மனநிறைவைத் தரும். பெண்களுக்கு இயல்பாக சொத்து சேர்க்கை ஏற்படும் வாய்ப்பு உள்ளது. திருமணமாகாத பெண்களுக்கு திருமணம் உறுதியாகும்.
புத்திரபாக்கியம் இல்லாதவர்களுக்கு குழந்தை பாக்கியம் உருவாகும். புத்திரபாக்கியத்திற்காக மருத்துவச் செலவு செய்ய வேண்டிய நிலை இனி இருக்காது. மாணவர்களின் கல்வியில் சீரான வளர்ச்சி இருக்கும். தேர்வுகளில் நல்ல மதிப்பெண் கிடைக்கும் வாய்ப்பு உள்ளது.

இந்த வாரம் -

திங்கள்-
அலுவலக வேலையை முழுமையாக முடிக்க முடியாமல் தடுமாற்றம் ஏற்படும். செய்த வேலைகளில் மீண்டும் மீண்டும் திருத்தம் செய்ய வேண்டியதிருக்கும். சற்று மனக்குழப்பம் அதிகமாக இருப்பதால் வேலைகளில் மந்தநிலை இருக்கும். வியாபாரம் சீராக இருக்கும். தொழிலில் ஓரளவு வளர்ச்சி உண்டாகும். புதிய ஒப்பந்தங்களைப் பெறுவதில் தாமதம் ஏற்படும்.

செவ்வாய்-
வியாபார பேச்சுவார்த்தைகள் சாதகமாக இருக்கும். அலுவலக வேலைகளில் ஏற்பட்டிருந்த மந்தநிலை மாறி சுறுசுறுப்பாக பணியாற்றுவீர்கள். சேவை சார்ந்த வேலை செய்து கொண்டிருப்பவர்களுக்கு புதிய வாடிக்கையாளர்கள் அறிமுகமாவார்கள். புதிய வேலை தொடர்பான ஒப்பந்தம் ஏற்படும். குடும்பப் பிரச்சினைகள் அனைத்தும் தீரும். கணவன்-மனைவிக்குள் இருந்த மனவருத்தங்கள் அகலும்.

புதன்-
நிதானமாக சிந்தித்து செயல்பட வேண்டிய நாள். பணச்செலவு அதிகமாக ஏற்படும். வீண் விரயங்கள் ஏற்படும் வாய்ப்பும் உள்ளது. ஆரோக்கியத்தில் சிறிய அளவிலான பாதிப்புகள் ஏற்படும். தொழில் மற்றும் வியாபாரத்தில் எதிர்பார்த்த உதவிகள் தாமதமாகும், அல்லது நாளைக்கு ஒத்தி வைக்கப்படும்.

வியாழன்-
நேற்றைய பிரச்சினைகள் அனைத்தும் இன்று முடிவுக்கு வரும். பணவரவு எதிர்பார்த்த படியே இருக்கும். வியாபார வளர்ச்சி சீராக இருக்கும். சகோதர வகையில் இருந்த வருத்தங்கள் தீரும். சொத்துக்கள் தொடர்பான பிரச்சினைகள் ஒழுங்காகும். பாகப்பிரிவினைகள் திருப்தியாக இருக்கும். தொழிலுக்கு தேவையான உதவிகள் கிடைக்கும்.

வெள்ளி-
பணவரவு தாராளமாக இருக்கும். எதிர்பார்த்த தகவல் கிடைக்கும். தொழில் தொடர்பாக சந்திப்புக்களில் ஏற்படும். முக்கியமான பிரச்சினைகள் அனைத்தும் முடிவுக்கு வரும். கடன் தொடர்பான பிரச்சினைகள் கட்டுக்குள் இருக்கும். வியாபாரம் தொடர்பாக நீண்ட நாளாக வராமலிருந்த பணம் வந்துசேரும். இளைய சகோதர உறவுகளுக்கு திருமண முயற்சிகள் சாதகமாக இருக்கும்.

சனி-
குடும்பத்தினர் தேவைகளை பூர்த்தி செய்து தருவீர்கள். அலுவலகத்தில் உங்களுக்கு கூடுதல் பொறுப்புகள் கிடைக்கும். முக்கியமான வேலையை உங்களை நம்பி கொடுப்பார்கள். தொழில் மற்றும் வியாபாரத்தில் சீரான வளர்ச்சி இலாபமும் கிடைக்கும். தாய் மாமன் வழி உறவினர்களால் ஆதாயம் கிடைக்கும். மனைவிவழி உறவினர்கள் ஆதரவு கரம் நீட்டுவார்கள். புதிதாக தொழில் தொடங்கும் முயற்சியில் முன்னேற்றம் ஏற்படும்.

ஞாயிறு-
பணவரவு தாராளமாக இருக்கும். எடுத்துக்கொண்ட முயற்சிகள் அனைத்தும் வெற்றி தரும். சுபகாரிய பேச்சு வார்த்தையில் முன்னேற்றம் ஏற்படும். ஏற்றுமதி இறக்குமதி தொழிலில் இருப்பவர்களுக்கு புதிய ஒப்பந்தங்கள் கிடைக்கும் வாய்ப்பு உள்ளது. பெண்களுக்கு குடும்ப உறவுகளால் ஆதாயம் கிடைக்கும்.

வணங்க வேண்டிய தெய்வம்-
ஸ்ரீ மகா சக்தி துர்கை அம்மனை வணங்கி வாருங்கள். எதிர்ப்புகள் அகலும். தேவைகள் நிறைவேறும், நினைத்தது நடக்கும்.
***************************

ரேவதி-
அதிக அளவிலான நன்மைகள் ஏற்படும். தாயாரின் உடல் நலத்தில் முன்னேற்றம் ஏற்படும். உங்களின் ஆரோக்கியத்தில் ஏற்பட்ட சில பிரச்சனைகளும் தீரும். மருத்துவச் செலவு வெகுவாக குறையும். சொத்துக்களில் ஏற்பட்ட பிரச்சனைகள் அனைத்தும் இந்த வாரம் தீர்வு கிடைக்கும். மூத்த சகோதரர்களால் உதவிகள் கிடைக்கப் பெறுவீர்கள். வியாபாரத்தில் சீரான வளர்ச்சியும் லாபமும் கிடைக்கும். அரசு வழி உதவிகளும் கிடைக்கும் வாய்ப்பு உள்ளது. பெண்கள் குடும்பத்தினருடன் மகிழ்ச்சியாக இருப்பார்கள். தேவைகள் அனைத்தும் பூர்த்தியாகும். மாணவர்கள் கல்வியில் அதிக அக்கறையும் கூடுதல் கவனமும் செலுத்தவேண்டும். கலைஞர்களுக்கு நல்ல ஒப்பந்தங்கள், புதிய வாய்ப்புகள் கிடைக்கும்.

இந்த வாரம் -

திங்கள்-
மனதில் நம்பிக்கை பிறக்கும். ஆரோக்கிய பிரச்சனைகள் தீரும். சொத்துப் பிரச்சினைகள் அனைத்தும் முடிவுக்கு வரும். சகோதரர்கள் உங்களுடன் சமாதானமாக செல்வார்கள். அலுவலக வேலையில் அழுத்தங்கள் குறையும். எடுத்துக்கொண்டு வேலைகள் அனைத்தையும் உடனுக்குடன் செய்து முடிப்பீர்கள். தொழில் மற்றும் வியாபாரத்தில் எதிர்பார்த்த லாபம் கிடைக்கும். சிறு தூரப் பயணங்களால் ஆதாயம் ஏற்படும்.

செவ்வாய்-
எடுத்துக்கொண்ட வேலைகளில் திருப்திகரமான முன்னேற்றம் ஏற்படும். தொழில் மற்றும் வியாபாரத்தில் புதிய கிளைகளை ஆரம்பிப்பது, அல்லது புதிய வியாபாரத்தை ஆரம்பிப்பது போன்ற எண்ணம் தோன்றும். அதை செயல்படுத்த முற்படுவீர்கள். குடும்பத்தினர் ஆதரவு கிடைக்கும். சேவை சார்ந்த வேலை செய்பவர்களுக்கு புதிய வேலைவாய்ப்புகள் கிடைக்கும். இதுவரை வேலை இல்லாமல் இருந்தவர்களுக்கு தற்காலிக வேலை கிடைக்கும் வாய்ப்பு உள்ளது.

புதன்-
நினைத்த காரியத்தை நினைத்த படி செய்து முடிப்பீர்கள். பணவரவு தாராளமாக இருக்கும். தொழில் மற்றும் வியாபாரத்தில் லாபம் இரட்டிப்பாக இருக்கும். எந்த முயற்சியாக இருந்தாலும் முழு வெற்றியை கொடுக்கக்கூடியதாக இருக்கும். குடும்ப பிரச்சனைகள் அனைத்தும் முடிவுக்கு வரும். ஆரோக்கியத்தில் பாதிப்புகள் முற்றிலுமாக அகலும். தாய்வழி உறவுகளால் ஆதாயம் கிடைக்கப் பெறுவீர்கள். பெண்களுக்கு திடீர் பணவரவு உண்டு.

வியாழன்-
எந்த விஷயத்திலும் பொறுமையாக இருப்பது நல்லது. அவசர முடிவுகள் எடுக்க வேண்டாம். வியாபார விஷயங்களில் கவனமாக இருக்கவேண்டும். வாடிக்கையாளர்களிடம் எரிச்சலை காட்டாமல் இருக்க வேண்டும். நிதானம் மிக மிக அவசியம்.

வெள்ளி-
எதிர்பார்த்த உதவிகள் கிடைக்கும். தாமதமாகிக் கொண்டிருந்த பணவரவு இன்று கைக்கு வந்து சேரும். அலுவலகத்தில் இருந்த பிரச்சனைகள் குறையும். தொழில் தொடர்பாக தள்ளிப்போன சந்திப்பு இன்று நடப்பதற்கான வாய்ப்பு உள்ளது. கடன் பிரச்சினை ஒன்று முடிவுக்கு வரும்.

சனி-
நீண்ட நாளாவே எதிர்பார்த்துக் கொண்டிருந்த ஒப்பந்தம் இன்று நிறைவேறும். வெளிநாட்டிலிருந்து நல்ல தகவல் கிடைக்கும். நண்பர்களால் ஆதாயம் கிடைக்கப் பெறுவீர்கள். கலைஞர்களுக்கு ஒப்பந்தங்கள் ஏற்படுவதற்கான சூழ்நிலை உருவாகும். பூர்வீகச் சொத்து சம்பந்தமான பிரச்சனைகள் தீர்வுக்கு வரும்.

ஞாயிறு-
பராமரிப்பு செலவுகள் அதிகமாக இருக்கும். குடும்பத்தினரின் தேவைகளை பூர்த்தி செய்து தருவீர்கள். வீட்டிற்குத் தேவையான அத்தியாவசியப் பொருட்களை வாங்குவதற்கும் பழுதடைந்த பொருட்களை மாற்றும் வாய்ப்பும் உள்ளது. அலுவலகப் பணிகளில் இருந்த குறை வேலைகளையும் இன்று செய்து முடிப்பீர்கள்.

வணங்க வேண்டிய தெய்வம்-
அதிகாலையில் சூரிய வழிபாடு செய்யுங்கள். ஆதித்ய ஹிருதயம் கேளுங்கள். பிரச்சினைகள் தீரும். எதிர்ப்புகள் அகலும். மனதில் நம்பிக்கை பிறக்கும்.