Published : 17 Dec 2020 15:01 pm

Updated : 17 Dec 2020 15:01 pm

 

Published : 17 Dec 2020 03:01 PM
Last Updated : 17 Dec 2020 03:01 PM

சனிப்பெயர்ச்சி பலன்கள் ; அனுஷம் நட்சத்திர அன்பர்களே! காரியத்தில் வெற்றி; புதிய வேலை; போட்டியை சமாளிப்பீர்கள்; பண வரவு உண்டு! 

sani-peyarchi-palangal-anusham

- பெருங்குளம் ராமகிருஷ்ண ஜோஸ்யர்

அனுஷம்:


சனி பகவான் உங்களின் ஐந்தாவது நட்சத்திரத்தின் ஒன்றாம் பாதத்திலிருந்து இரண்டாம் பாதத்திற்கு மாறுகிறார்.

செவ்வாய் - சனி அம்சத்தில் பிறந்த நீங்கள் சுக துக்கம் பாராமல் உழைப்பவர்கள்.

இந்த சனிப்பெயர்ச்சியில் காரிய அனுகூலம் உண்டாகும். முக்கிய நபர்களின் உதவி கிடைக்கும். தன்னம்பிக்கை அதிகரிக்கும். துணிச்சலுடன் செயல்பட்டு எடுத்த காரியத்தை சிறப்பாகச் செய்து முடிப்பீர்கள். பணவரத்து இருக்கும். இடமாற்றம்,வெளியூர் பயணங்கள், அலைச்சல் ஆகியவை இருக்கும்.

தொழில் வியாபாரம் முன்னேற்றப் பாதையில் செல்லும். அரசு தொடர்பான காரியங்களில் சாதகமான பலன்கள் கிடைக்கும். உத்தியோகத்தில் இருப்பவர்களுக்கு கட்டளை இடுகின்ற பதவி கிடைக்கும். புதிய வேலைக்கு முயற்சி செய்கிறவர்களுக்கு வேலை கிடைக்கும்.

குடும்பத்தில் மகிழ்ச்சியான நிலை காணப்படும். யாரிடமும் எதிர்த்துப் பேசி விரோதத்தை வளர்த்துக் கொள்ளாமல் இருப்பது நன்மை தரும். கணவன் மனைவிக்கிடையே இருந்த பிரிவு நீங்கி ஒன்று சேருவார்கள். பிள்ளைகள் எதிர்காலம் பற்றிய எண்ணம் மேலோங்கும்.

கலைத்துறையைச் சார்ந்தவர்களுக்கு உங்கள் உழைப்பின் மூலம் சிறந்த நிலைக்கு வரலாம்.

அரசியலில் உள்ளவர்களுக்கு மதிப்பு உயரும். போட்டிகளைச் சமாளிப்பீர்கள். உங்களுக்கு எதிர்பார்க்காத பதவி கிடைக்கும்.

பெண்கள் எந்தச் செயலையும் தைரியமாக செய்து முடிப்பீர்கள். எதிர்பாராத திடீர் செலவுகள் வீண் அலைச்சலை உண்டாக்கலாம்.

மாணவர்களுக்கு கல்வியில் வெற்றி பெற வேண்டும் என்ற நோக்கத்தில் கஷ்டமான பாடங்களையும் மனம் துவளாமல் படிப்பீர்கள்.

பரிகாரம்: குலதெய்வத்தையும் முன்னோர்களையும் தினமும் வணங்கி வாருங்கள். மன நிம்மதி அதிகரிக்கும்.
*******************

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

தவறவிடாதீர்!


சனிப்பெயர்ச்சி பலன்கள் ; அனுஷம் நட்சத்திர அன்பர்களே! காரியத்தில் வெற்றி; புதிய வேலை; போட்டியை சமாளிப்பீர்கள்; பண வரவு உண்டு!சனிப்பெயர்ச்சிசனிப்பெயர்ச்சி 2020சனிப்பெயர்ச்சி பலன்கள்சனிப்பெயர்ச்சி - அனுஷ நட்சத்திர பலன்கள்அனுஷ நட்சத்திரம்சனிப்பெயர்ச்சி 2020 - அனுஷம்Sani peyarchiSani peyarchi 2020Sani peyarchi palangalSani peyarchi palangal - anusham

Sign up to receive our newsletter in your inbox every day!

More From This Category

More From this Author

x