Published : 19 Aug 2020 20:51 pm

Updated : 19 Aug 2020 20:51 pm

 

Published : 19 Aug 2020 08:51 PM
Last Updated : 19 Aug 2020 08:51 PM

உத்திராடம் நட்சத்திரக்காரர்களுக்கு ; ராகு - கேது பெயர்ச்சி பலன்கள்

2020-raaghu-kedhu-peyarchi-palangal

பெருங்குளம் ராமகிருஷ்ண ஜோஸ்யர்

உத்திராடம்:


கிரகமாற்றம்:

01-09-2020 அன்று பகல் 02:16 மணிக்கு ராகு பகவான் உங்கள் நட்சத்திரத்திற்கு பனிரெண்டாம் நட்சத்திரமான மிருகசீரிஷம் 2ம் பாதத்திற்கு மாறுகிறார். கேது பகவான் உங்கள் நட்சத்திரத்திற்கு இருபத்தி ஐந்தாம் நட்சத்திரமான கேட்டை 4ம் பாதத்திற்கு மாறுகிறார்.

பலன்கள்:

" நுண்மை நுகரேல்" என்பதை உணர்ந்த உத்திராடம் நட்சத்திர அன்பர்களே.

இந்த ராகு கேது பெயர்ச்சியால், எதிலும் கவனமாக இருப்பது நல்லது. திடீரென்று கோபம் வரும். ஏதாவது ஒரு வகையில் அடுத்தவரிடம் வீண் பேச்சுகளைக் கேட்க நேரிடும். கவனம் தேவை. மற்றவர்கள் செய்கைகளால் மனவருத்தம் உண்டாகலாம். நீண்டநாள் இழுபறியாக இருந்து வந்த பிரச்சினை முடிவுக்கு வரும்.

தொழில் வியாபாரத்தில் இதுவரை இருந்து வந்த பின்தங்கிய நிலை மாறும். எதிர்பார்த்த ஆர்டர்கள் வந்து சேரும். வியாபாரப் போட்டிகள் தடை தாமதங்கள் நீங்கும். உத்தியோகத்தில் இருப்பவர்கள் சாமர்த்தியமாக செயல்பட்டு மேலதிகாரிகளின் பாராட்டுகளைப் பெறுவார்கள்.

பிடித்தமான இடத்திற்கு வேலை மாற்றம் உண்டாகும். சக ஊழியர்கள் நட்புடன் பழகுவார்கள். குடும்பத்தில் அமைதி குறைவது போல் தோன்றும். சகோதரர்கள் வழியில் ஏதாவது பிரச்சினை தலைதூக்கலாம். கவனம் தேவை.

பிள்ளைகள் மூலம் பெருமை கிடைக்கும். விருப்பமான நபரை சந்தித்து மகிழ்வீர்கள். கணவன் மனைவிக்கிடையில் அன்பு அதிகரிக்கும்.

பெண்கள் வீண் பேச்சுகளை குறைத்து செயலில் கவனம் செலுத்துவது நல்லது. பணவரத்து திருப்தி தரும். கோபத்தைக் குறைப்பது நல்லது.

கலைத்துறையினருக்கு சகஜநிலை காணப்படும். நண்பர்கள் மூலம் நல்ல தகவல் வந்து சேரும். சக கலைஞர்களுடன் இருந்து வந்த இடைவெளி குறையும். ஆன்மிகப் பயணம் செல்லும் நிலை உருவாகும். ஆலோசனை கேட்டு உங்களை பலரும் நாடி வருவார்கள். உங்களை விட்டுப் பிரிந்து சென்றவர்கள் மீண்டும் வந்து சேருவார்கள்.

அரசியல்துறையினருக்கு எதிர்பார்த்த உதவிகள் கிடைக்கும். கூடுதல் கவனத்துடன் செய்யும் காரியங்கள் சாதகமான பலன்களைத் தரும். மற்றவர்களை அனுசரித்துச் செல்வது நல்லது.எல்லாவகையிலும் நல்லதே நடக்கும். சூரியன் சஞ்சாரம் அனுகூலமான பலன்களைத் தரும். பணவரத்து அதிகரிக்கும்.

மாணவர்கள் தன்னம்பிக்கையுடன் செயல்பட்டு கல்வியில் முன்னேற்றம் காண்பீர்கள். எதிர்ப்புகள் விலகும்.

மதிப்பெண்: 69%

தெய்வம்: சுவாமிமலை முருகனை வழிபட்டு வருவதன் மூலம் வழக்குகளில் சாதகமான போக்கு காணப்படும்.

+ : மொத்தத்தில், இந்த ராகு - கேது பெயர்ச்சியால் அரசு அனுகூலம் ஏற்படும். எடுத்த காரியம் இழுபறிக்குப் பின் வெற்றி பெறும்.

***********************

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

தவறவிடாதீர்!


உத்திராடம் நட்சத்திரக்காரர்களுக்கு ; ராகு - கேது பெயர்ச்சி பலன்கள்உத்திராடம்ராகு - கேது பெயர்ச்சி பலன்கள்பெருங்குளம் ராமகிருஷ்ண ஜோஸ்யர்2020 ராகு - கேது பெயர்ச்சி பலன்கள்2020 raaghu - kedhu peyarchi palangalRaaghu - kedhu peyarchi palangalUtthiradam

Sign up to receive our newsletter in your inbox every day!

You May Like

More From This Category

More From this Author