மேஷம்: முன்கோபத்தை கட்டுப்படுத்தவும். குடும்ப உறுப்பினர்களிடம் விவாதம் செய்ய வேண்டாம். உடன் பிறந்தவர்கள் ஆதரவு தருவர். அலுவலகத்தில் தானுண்டு தன் வேலை உண்டு என்று இருக்கவும். வியாபாரத்தில் வாடிக்கையாளர்களிடம் கனிவாக பேசுவது நல்லது.
ரிஷபம்: குடும்பத்தில் மகிழ்ச்சி தங்கும். ஆன்மிகத்தில் ஈடுபாடு அதிகரிக்கும். விருந்தினர் வருகையால் வீடு களைகட்டும். உங்கள் வெளிப்படையான பேச்சை அனைவரும் ரசிப்பர். வியாபாரம் சூடு பிடித்து நல்ல லாபம் கிடைக்கும். அலுவலகத்தில் அமைதி காக்கவும்.
மிதுனம்: மனதிலிருந்த பயம் விலகும். திடீர் பணவரவு, செல்வாக்கு உண்டு. பழுதான வாகனம் சீராகும். சிலர் புது வாகனம் வாங்குவீர். பூர்வீக வீட்டை விரிவுபடுத்தி கட்டுவீர்கள். அலுவலகத்தில் தேடிய முக்கிய ஆவணம் தென்படும். வியாபாரத்தில் நல்ல லாபம் பார்க்கலாம்.
கடகம்: தெளிவான முடிவுகள் எடுப்பீர். அடுக்கடுக்காக இருந்த செலவு குறையும். சவாலான காரியங்களையும் எடுத்து முடிப்பீர்கள். வியாபாரரீதியாக பிரபலங்களின் உதவியை நாடுவீர். அலுவலகத்தில் அடுத்தவரைப் பற்றி தலைமையிடத்தில் புகார் கூறுவதை தவிர்க்கவும்.
சிம்மம்: தாய்வழி உறவினர்களால் ஆதாயம் உண்டு. சிக்கனமாக செலவழித்து சேமிக்கத் தொடங்குவீர்கள் அலுவலகரீதியாக முக்கிய பிரமுகர்களை சந்திக்கும் வாய்ப்பு கிடைக்கும். வியாபாரத்தில் பழைய பாக்கிகள் வசூலாகும். பணியாட்கள் உதவிகரமாக இருப்பார்கள்.
கன்னி: எதிர்பாராத பணவரவால் மனமகிழ்ச்சியுண்டு. உறவினர், நண்பர்கள் ஆதரவாகப் பேசத் தொடங்குவர். வெளிவட்டாரத்தில் செல்வாக்கு கூடும். வியாபாரத்தை பெரிய அளவில் விரிவுபடுத்த முற்படுவீர். அலுவலக ரீதியாக வெளியூர் பயணங்கள் மேற்கொள்வீர்கள்.
துலாம்: பழைய மகிழ்ச்சிகரமான நினைவுகளில் மூழ்குவீர். நட்புவழியில் நல்ல செய்தி கேட்பீர். யோகா, ஆன்மிகத்தில் நாட்டம் அதிகரிக்கும். கூட்டுத்தொழிலில் பங்குதாரர்கள் ஆதரவாக இருப்பார்கள். அலுவலகத்தில் விவாதங்களை தவிர்க்கவும். மேலதிகாரி பாராட்டுவார்.
விருச்சிகம்: குடும்பத்தில் விவாதங்களை தவிர்க்கவும். தாயாரின் உடல்நிலை சீராகும். பயணங்கள் அலைச்சல் தரும். உடன் பிறந்தவர்கள் ஆதரவுடன் பூர்வீக வீட்டை விற்பதற்கு முயற்சிப்பீர். வியாபாரத்தில் அவசர முடிவு எடுக்க வேண்டாம். உத்தியோகத்தில் ஏற்றம் உண்டு.
தனுசு: விரும்பிய பொருட்களை வாங்கி மகிழ்வீர்கள். பிள்ளைகளின் எதிர்காலம் குறித்து யோசிப்பீர். வாகனப் பழுது நீங்கும். உறவினர், பால்யநண்பர்களை சந்திப்பீர். வியாபாரத்தில் ஓரளவு லாபமுண்டு. அலுவலகத்தில் சக ஊழியர்களுடன் இணக்கமான போக்கை கடைபிடிப்பீர்.
மகரம்: சாணக்கியத்தனமாக பேசி காரியம் சாதிப்பீர். உங்களிடம் கடன் வாங்கி ஏமாற்றியவர்கள் பணத்தை திருப்பித் தருவர். முன்கோபம் குறையும். வியாபாரத்தில் சரக்குகள் விற்றுத் தீரும். அலுவலகரீதியாக பயணங்கள் செல்வீர். மேலதிகாரியை பகைத்துக் கொள்ளாதீர்.
கும்பம்: சொன்ன சொல்லைக் காப்பாற்ற பரபரப்புடன் செயல்படுவீர். மனதுக்குப் பிடித்தவர்களுக்காக அதிகம் செலவு செய்வீர்கள். உடல் ஆரோக்கியம் திருப்திகரமாக இருக்கும். வியாபாரத்தில் லாபமுண்டு. அலுவலகத்தில் புதிய பதவிக்கு பரிந்துரைக்கப்படுவீர். மதிப்பு உயரும்.
மீனம்: குடும்பத்தில் கலகலப்பான சூழல் ஏற்படும். மனதில் பட்டதை பளிச்சென்று பேசுவீர். வாகனத்தை மாற்றுவீர்கள். நண்பர்கள், உறவினர்களால் மனநிம்மதி கிட்டும். வியாபாரத்தில் பழைய பாக்கிகள் வசூலாகும். அலுவலகத்தில் பிறர் பிரச்சினையில் தலையிடாதீர்.
