மேஷம்: பழைய நண்பர்களால் ஆதாயம், அனுகூலம் உண்டு. குடும்பத்தினரின் விருப்பத்தை அறிந்து நிறைவேற்றுவீர்கள். பிள்ளைகளால் மரியாதை, அந்தஸ்து உயரும். வியாபாரத்தில் வராது என்று நினைத்த பழைய கடன் வசூலாகும். அனைவரையும் அரவணைத்துச் செல்வீர்கள்.
ரிஷபம்: தொழில் வளர்ச்சிக்காக முக்கியப் பிரமுகர்களின் உதவியை நாடுவீர்கள். குடும்பத்தினரின் உணர்வைப் புரிந்துகொள்வீர்கள். வீடு, வாகன வகையில் பராமரிப்புச் செலவுகள் அதிகரிக்கும். அலுவலகப் பணிகளை விரைந்து முடிப்பீர்கள். பெரிய பதவி, பொறுப்புகள் தேடி வரும்.
மிதுனம்: சின்னச் சின்ன கவலைகள் வந்துபோகும். நீங்கள் ஒன்று பேச, மற்றவர்கள் வேறுவிதமாகப் புரிந்துகொள்வார்கள். எக்காரியத்திலும் நிதானம் அவசியம். நாடி வந்தவர்களுக்கு இயன்ற உதவிகளைச் செய்வீர்கள். பூர்வீக சொத்து விஷயத்தில் இருந்த சிக்கல்கள் தீரும்.
கடகம்: பணப் பற்றாக்குறை விலகும். மனதுக்குப் பிடித்தவர்களைச் சந்தித்து மகிழ்வீர்கள். பிள்ளைகளை நல்வழிப்படுத்துவீர்கள். மனநிறைவுடன் சில வேலைகளை செய்து முடிப்பீர்கள். யாரையும் எடுத்தெறிந்து பேசக் கூடாது. கேட்ட இடத்தில் பண உதவிகள் கிடைக்கும்.
சிம்மம்: எதிர்பார்த்த வகையில் பணம் வரும். பழைய பிரச்சினைக்கு நிரந்தரத் தீர்வு கிடைக்கும். குடும்பத்தில் உங்கள் பேச்சுக்கு மதிப்பு கூடும். அடிக்கடி தொந்தரவு கொடுத்த வாகனத்தை மாற்றுவீர்கள். அரசு, வங்கி வகையில் ஆதாயம் உண்டு. வழக்குகளில் முக்கிய திருப்பம் ஏற்படும்.
கன்னி: உங்கள் புத்திசாலித்தனம் வெளிப்படும். பல வகையிலும் பணப்புழக்கம் அதிகரிக்கும். பிரபலங்களுடன் நட்பும், அதனால் ஆதாயமும் ஏற்படும். வீட்டில் சலசலப்புகள் ஓய்ந்து அமைதி திரும்பும். பணவரவு திருப்தி தரும். ஆன்மிகத்தில் மனம் செல்லும். பேச்சில் பொறுமை தேவை.
துலாம்: உங்கள் குறிக்கோளை எட்டிப்பிடிக்க முயற்சிப்பீர்கள். புதிய ஆடை, ஆபரணங்கள் சேரும். விருந்தினர்கள் வருகையால் குடும்பத்தில் கலகலப்பான சூழல் ஏற்படும். விரும்பிய பொருட்களை வாங்கி மகிழ்வீர்கள். ஆன்மிகம், தியானம், யோகாவில் ஈடுபாடு அதிகரிக்கும்.
விருச்சிகம்: ஏற்கெனவே செய்த உதவிகளுக்கு இப்போது பாராட்டு பெறுவீர்கள். புதிய நண்பர்களின் அறிமுகம் கிடைக்கும். உறவினர்கள் மத்தியில் மரியாதை, அந்தஸ்து கூடும். உங்கள் இயல்பான, உற்சாகமான பேச்சால் அனைவரையும் கவருவீர்கள். பண வரவு, பொருள் வரவு உண்டு.
தனுசு: தடுமாற்றம், குழப்பம் நீங்கும். எடுத்த காரியத்தை எப்படியாவது முடிக்க வேண்டும் என்ற வைராக்கியம் பிறக்கும். பூர்வீக சொத்தை மாற்றியமைப்பீர்கள். அலுவலகத்தில் நிம்மதி உண்டு. உயர் அதிகாரிகள், சக ஊழியர்கள் ஆதரவாக இருப்பார்கள். எதிலும் நிதானம் தேவை.
மகரம்: விடாப்பிடியாக செயல்பட்டு சில வேலைகளை முடிப்பீர்கள். உடல்சோர்வு, வயிற்றுப் பிரச்சினைகள் வந்து சரியாகும். குடும்பத்தினரை அனுசரித்துச் செல்லுங்கள். செலவுகள் கட்டுக்கடங்காமல் போகும். வெளிநபர்களிடம் குடும்ப விஷயங்களைப் பேச வேண்டாம்.
கும்பம்: திட்டமிட்ட காரியங்களை சிறப்பாக செய்து முடிப்பீர்கள். கணவன் - மனைவிக்குள் மனஸ்தாபம் நீங்கி, அன்யோன்யம் பிறக்கும். பிள்ளைகளை பொறுப்பாக வளர்க்க வேண்டும் என எண்ணுவீர்கள். வீண், ஆடம்பரச் செலவுகளைக் கட்டுப்படுத்தி, சேமிப்பில் கவனம் செலுத்துவீர்கள்.
மீனம்: குடும்பத்தினருடன் மனம்விட்டுப் பேசுவீர்கள். சேமிப்புகள் அதிகரிக்கும். வெளி வட்டாரத்தில் மதிப்பு, மரியாதை உயரும். குலதெய்வப் பிரார்த்தனைகளை நல்லபடியாக நிறைவேற்றுவீர்கள். தொழில், வியாபாரம் திருப்தி தரும். நண்பர்கள், சகோதரர்கள் தக்க சமயத்தில் உதவுவார்கள்.