மேஷம்: மனக் குழப்பம் நீங்கி தெளிவடைவீர்கள். மனைவிவழியில் நல்ல செய்தி உண்டு. வாகனத்தை சரி செய்வீர். வியாபாரத்தில் பழைய பாக்கிகள் வசூலாகும். பங்குதாரர்களின் ஆலோசனையை ஏற்று செயல்படுவீர். அலுவலகத்தில் தலைமையின் நம்பிக்கையை பெறுவீர்.
ரிஷபம்: திட்டமிட்ட வேலையை முழுமையாக முடிக்க முடியாமல் தடுமாறுவீர்கள். உறவினர், நண்பர்களுடன் நெருடல்கள் வந்து நீங்கும். அக்கம்பக்கத்தினரின் அன்பு தொல்லை நீங்கும். அலுவலகத்தில் அமைதி காக்கவும். வியாபாரத்தில் பணியாட்களிடம் அன்பாக பேசவும்.
மிதுனம்: குழப்பம் நீங்கி குடும்பத்தில் அமைதி தங்கும். பழைய பிரச்சினைகள் தலை தூக்கும். ஆன்மிக நாட்டம் கூடும். வியாபாரத்தில் ஓரளவு லாபம் உண்டு. புதிய பங்குதாரர்களின் அறிவுரைகளை கருத்தில் கொள்வது நல்லது. அலுவலகத்தில் அதிகாரிகள் ஆதரவு தருவர்.
கடகம்: குடும்பத்தில் குதூகலமான சூழல் உருவாகும். கைமாற்றாக வாங்கியிருந்த பணத்தை ஒருவழியாக தந்து முடிப்பீர்கள். பூர்வீக சொத்து வழக்கில் உங்களுக்கு சாதகமான தீர்ப்பு கிட்டும். வியாபாரம் லாபம் தரும். அலுவலகத்தில் மேலதிகாரிகளின் ஆதரவு உண்டு.
சிம்மம்: எதையும் சமாளிக்கும் சாமர்த்தியம் பிறக்கும். குடும்பத்தில் சுபநிகழ்ச்சிகள் ஏற்பாடாகும். உறவினர், நண்பர்களால் ஆதாயமுண்டு. பூர்வீக வீட்டை சீரமைத்து விரிவுபடுத்தி கட்டுவீர். வியாபாரத்தில் பழைய பாக்கி வசூலாகும். அலுவலகத்தில் விவாதங்கள் வேண்டாம்.
கன்னி: சவாலான காரியத்தையும் சாதுர்யமாக முடித்து வெற்றி பெறுவீர்கள். தடைகள் யாவும் நீங்கும். முக்கிய முடிவுகள் எடுப்பீர்கள். வியாபார போட்டிகள் குறையும். லாபம் அதிகரிக்கும். அலுவலகத்தில் தான் உண்டு தன் வேலை உண்டு என்று இருக்க பழகிக் கொள்ளவும்.
துலாம்: நம்பிக்கைக்கு உரியவரை கலந்தாலோசித்து சில முடிவுகள் எடுப்பீர்கள். குடும்பத்தில் நிம்மதியுண்டு. வியாபாரத்தில் பழைய பணியாட்களை மாற்றுவீர்கள். புதிய பங்குதாரரின் அறிவுரையை ஏற்று செயல்படவும். அலுவலகரீதியாக திடீர் பயணங்கள் மேற்கொள்வீர்கள்.
விருச்சிகம்: தன்னம்பிக்கையுடன் பொது காரியங்களில் ஈடுபடுவீர்கள். உறவினர், நண்பர்கள் உங்களைத் தேடி வருவார்கள். வியாபாரத்தில் பங்குதாரர்களுடன் இருந்த கருத்துவேறுபாடு நீங்கும். அலுவலகத்தில் பணிச்சுமை குறையும். சக ஊழியர்களை அனுசரித்து நடக்கவும்.
தனுசு: குடும்ப உறுப்பினர்களிடம் விட்டுக் கொடுத்து போகவும். உறவினர், நண்பர்களுடன் மனஸ்தாபங்கள் வரும். வியாபாரத்தில் கவனம் தேவை. அவசரமாக முடிவு எடுக்க வேண்டாம். அலுவலகத்தில் டென்ஷன் அதிகரிக்கும். மேலதிகாரிகளை பகைத்துக் கொள்ளாதீர்.
மகரம்: முக்கிய பிரமுகர்கள் அறிமுகமாவர். குடும்ப உறுப்பினர்களின் ஆதரவு கிட்டும். அக்கம் பக்கத்தினரை அனுசரித்து நடந்து கொள்ளவும். வியாபாரத்தை பெரிய அளவில் விரிவுபடுத்த வங்கிக் கடன் கிடைக்கும். அலுவலகத்தில் உங்களின் கோரிக்கைகள் ஏற்கப்படும்.
கும்பம்: நீண்டநாட்களாக இழுபறியாக இருந்த காரியம் முடிவுக்கு வரும். தாயாரின் உடல்நிலை சீராக இருக்கும். வியாபாரத்தில் கூடுதல் லாபம் கிடைக்கும். அலுவலகத்தில் திருப்திகரமான சூழ்நிலை உருவாகும். புதிய பதவிக்கு பரிந்துரைக்கப்படுவீர். பொறுப்பு கூடும்.
மீனம்: மற்றவர்களால் செய்ய முடியாத காரியங்களை முடித்துக் காட்டுவீர்கள். பிள்ளைகள் பொறுப்புடன் நடப்பார்கள். வியாபாரத்தை விரிவுபடுத்தும்விதமாக வங்கி கடனுதவியை நாடுவீர். அலுவலகத்தில் மற்றவர் விஷயத்தில் தலையிடாமல் இருப்பது நன்மை தரும்.
