இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: சாணக்கியத்தனமாக பேசி காரியம் சாதிப்பீர்கள். உங்களிடம் கடன் வாங்கி ஏமாற்றியவர்கள் பணத்தை திருப்பித் தருவார்கள். புதிய வீடு கட்டுவதற்கான முயற்சி மேற்கொள்வீர்கள்.

ரிஷபம்: உங்களின் ஆளுமைத் திறன் அதிகரிக்கும். பூர்வீக சொத்தில் மாற்றம் செய்வீர்கள். உங்கள் ரசனைக் கேற்ப வீடு, வாகனம் அமையும். நீண்ட நாள் பேசாது இருந்த உறவினர், உங்களிடம் பேசுவார்.

மிதுனம்: சிலர் உங்களிடம் நயமாகப் பேசினாலும் சொந்த விஷயங்களை பகிர்ந்துக் கொள்ளாதீர்கள். முக்கிய பணிகளை மற்றவர்களை நம்பி ஒப்படைக்காமல் நீங்களே நேரடியாக முடிப்பது நல்லது.

கடகம்: திட்டமிட்ட காரியங்களை சிறப்பாக செய்து முடிப் பீர்கள். பணப்புழக்கம் அதிகரிக்கும். வீடு, வாகனம் வாங்கும் யோகம் உண்டாகும். உறவினர், நண்பர்கள் மத்தியில் மதிப்பு, மரியாதை கூடும்.

சிம்மம்: வெளிநாட்டு பயணம், வேற்று மதத்தினரால் உதவி எல்லாம் உண்டு. பிரபலங்களுக்கு நண்பராவீர்கள். ஆன்மிகத்தில் நாட்டம் அதிகரிக்கும். தாயின் உடல் நலத்தை கவனித்துக் கொள்ளவும்.

கன்னி: வெளிவட்டாரத்தில் மதிப்பு, மரியாதை கூடும். பெரிய பதவிக்கு தேர்ந்தெடுக்கப்படுவீர்கள். தாயாரின் ஆரோக்கியம் திருப்திகரமாக இருக்கும். பழைய வாகனத்தை விற்றுவிட்டு புதிது வாங்க முயற்சிப்பீர்கள்.

துலாம்: இழுபறியாக இருந்த வேலைகள் விரைந்து முடியும். மனக்குழப்பம் நீங்கும். குடும்பத்தில் சந்தோஷம் நிலைக்கும். பிள்ளைகளின் வருங்காலம் குறித்து முக்கிய முடிவுகள் எடுப்பீர்கள். பணவரவு உண்டு.

விருச்சிகம்: தொட்ட காரியம் துலங்கும். புதிய முயற்சிகள் வெற்றியடையும். குடும்பத்தில் உள்ளவர்களின் உணர்வு களுக்கு மதிப்பளிப்பீர்கள். பழைய கடன்களில் ஒன்று தீர வழி கிடைக்கும்.

தனுசு: அனுபவப்பூர்வமாகவும், எதார்த்தமாகவும் பேசுவீர் கள். குடும்பத்தில் குழப்பங்களை ஏற்படுத்திய உறவினர், நண்பர்களின் சுயரூபத்தை கண்டறிந்து ஒதுக்குவீர்கள். யாருக்கும் ஜாமீன் கையெழுத்திட வேண்டாம்.

மகரம்: வேலைச்சுமை அதிகரிக்கும். அவ்வப்போது உடல்நிலை லேசாக பாதிக்கும். நன்கு அறிமுகமாகாத வர்களை வீட்டில் சேர்க்க வேண்டாம். நீண்ட நாளாக நடந்து வந்த வழக்கு முடிவுக்கு வரும்.

கும்பம்: சேமிப்புகள் கரையும். வாகனத்தை இயக்கும்போது கவனத்தை சிதற விடாதீர்கள். வெளிமாநில புண்ணிய ஸ்தலங்களுக்கு சென்று வருவீர்கள். முக்கிய பொறுப்புகள் உங்களைத் தேடி வரும்.

மீனம்: சொந்த ஊரில் மதிக்கப்படுவீர்கள். கௌரவப் பதவிகள் தேடி வரும். மூத்த சகோதர, சகோதரிகளுடன் இருந்த மனத்தாங்கல் நீங்கும். ஷேர், கமிஷன் வகைகளால் பணம் வரும். பேச்சில் நிதானம் காக்கவும்.

- ஜோதிஷபூஷண் வேங்கடசுப்பிரமணியன்