இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: உங்களின் நிர்வாகத் திறன் பளிச்சிடும். பணவரவு திருப்தி தரும். பிள்ளைகளால் சமூக அந்தஸ்து உயரும். மனைவிவழி உறவினர்கள் ஆதரவாக இருப்பார்கள்.

ரிஷபம்: எதிலும் உங்கள் கை ஓங்கும். உங்கள் வார்த்தைக்கு மதிப்பு கூடும். வாகனத்தை சீர் செய்வீர்கள். கடனாக கொடுத்த பணத்தை வசூலிப்பீர்கள். கலைப்பொருட்கள் சேரும்.

மிதுனம்: அநாவசியமாக யாருக்காகவும் எந்த உறுதிமொழியோ உத்தரவாதமோ தர வேண்டாம். சொத்து வாங்குவது, விற்பதில் வில்லங்க பிரச்சினைகள் வந்து விலகும்.

கடகம்: புது வாகனம் வாங்குவீர்கள். வரவேண்டிய தொகை கைக்கு வரும். பிள்ளைகள் ஆக்கப்பூர்வமாக செயல்படுவார்கள். பால்ய நண்பரை சந்திப்பீர்கள். தாயாரின் ஆதரவு கிடைக்கும்.

சிம்மம்: எதிலும் வெற்றி பெறுவீர்கள். உங்களின் ஆளுமைத் திறன் வெளிப்படும். பணபலம் உயரும். அரசியலில் செல்வாக்குக் கூடும். ஆடை, ஆபரணங்கள் வாங்குவீர்கள்.

கன்னி: உறவினர்களின் கனிவான விசாரிப்பால் ஆறுதல் அடைவீர்கள். பிள்ளைகள் பொறுப்புடன் நடந்து கொள்வார்கள். மனைவிவழியில் உங்கள் தேவையறிந்து உதவுவார்கள்.

துலாம்: பழுதான வண்டியை மாற்றுவீர்கள். கடனை தீர்க்க வழி பிறக்கும். கணவன் - மனைவிக்குள் நிலவிய ஈகோ பிரச்சினை தீரும். எதிர்காலத் திட்டம் குறித்து ஆலோசிப்பீர்கள்.

விருச்சிகம்: சவாலான விஷயங்களையும் எளிதாக முடிப்பீர்கள். உங்களின் தனித்திறமை அனைத்திலும் பளிச்சிடும். விஐபிகளால் பாராட்டப்படுவீர்கள். பணவரவு உண்டு.

தனுசு: பிரபலங்கள் வீட்டு விசேஷங்களில் குடும்பத்துடன் கலந்து கொள்வீர்கள். மூத்த சகோதரர் தக்க சமயத்தில் உதவுவார். சொந்தபந்தங்களில் சிலர் உங்கள் உதவியை நாடுவார்கள்.

மகரம்: உங்களுடன் பழகிக் கொண்டே உங்களுக்கு எதிராக செயல்பட்டவர்களை இனம் கண்டு ஒதுக்குவீர்கள். இடம், பொருள் ஏவலறிந்து பேசுங்கள். அடுத்தவர் விவகாரத்தில் தலையிடாதீர்கள்.

கும்பம்: வீண் வறட்டுக் கவுரவத்துக்காக சேமிப்புகளை கரைக்காதீர்கள். வேலைச்சுமை அதிகரிக்கும். அடுத்தடுத்த செலவுகளால் கடன் வாங்கும் சூழல் ஏற்படும். வாகனம் செலவு வைக்கும்.

மீனம்: வீட்டுக்குத் தேவையான மின்சாதனங்கள் வாங்குவீர்கள். புதிய நண்பர்கள் அறிமுகமாவார்கள். நெடுநாட்களாக நீங்கள் பார்க்க நினைத்த ஒருவர் உங்களை தேடி வருவார்.