Published : 06 Oct 2020 06:25 AM
Last Updated : 06 Oct 2020 06:25 AM

இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: கணவன் - மனைவிக்குள் இருந்த பிணக்குகள் நீங்கும். உடல்நலம் சீராகும். புதியவர்கள் நண்பர்களாவார்கள். எதிர்பார்த்த பணம் கைக்கு வரும். ஆன்மிக பயணம் உண்டு.

ரிஷபம்: வீண் விவாதங்களை தவிர்ப்பது நல்லது. குடும்பத்தில் எதிர்பாராத செலவுகள் வந்து போகும். எதற்கெடுத்தாலும் கோபப்படுவதை நிறுத்துங்கள். தாயாரின் ஆதரவு கிடைக்கும்.

மிதுனம்: சில காரியங்களை பலமுறை அலைந்து முடிக்க வேண்டி வரும். பிள்ளைகளின் செயல்பாடுகள் டென்ஷனை ஏற்படுத்தும். அநாவசிய செலவுகளை தவிர்த்து விடுங்கள்.

கடகம்: பிரச்சினைகளின் ஆணிவேரை கண்டறிவீர்கள். பிள்ளைகளின் பெருமைகளை மற்றவர்களிடம் சொல்லி மகிழ்வீர்கள். நாடி வந்தவர்களுக்கு உதவி செய்வீர்கள். பணவரவு உண்டு.

சிம்மம்: தன்னம்பிக்கையுடன் பொதுக் காரியங்களில் ஈடுபடுவீர்கள். பழைய உறவினர்கள், நண்பர்கள் தேடி வந்து பேசுவார்கள். புண்ணிய தலங்கள் சென்று வருவீர்கள்.

கன்னி: மனக்குழப்பங்கள் நீங்கி தெளிவான முடிவுகள் எடுப்பீர்கள். குடும்பத்தில் நிம்மதி, அமைதி பிறக்கும். அநாவசிய செலவுகளை கட்டுப்படுத்தி சேமிக்கத் தொடங்குவீர்கள்.

துலாம்: எதிர்பார்த்த காரியங்கள் தாமதமாகும். குடும்பத்தில் சிறு வார்த்தைகள்கூட பெரிய தகராறில் போய் முடியக் கூடும். உங்களை நீங்களே குறைத்து மதிப்பிடாதீர்கள்

விருச்சிகம்: உங்களின் திறமைகள் வெளிப்படும். சவாலான காரியங்களையும் செய்து முடிப்பீர்கள். மனைவிவழி உறவினர்கள் மத்தியில் மதிப்பு உயரும். வாகனம் செலவு வைக்கும்.

தனுசு: குடும்பத்தாரின் ஒத்துழைப்பு அதிகரிக்கும். அதிகாரப் பதவியில் இருப்பவர் அறிமுகமாவார். வழக்கு சாதகமாகும். அரசால் ஆதாயம் உண்டு. வீடு பராமரிப்பை மேற்கொள்வீர்கள்.

மகரம்: புதிய முயற்சிகள் யாவும் வெற்றியடையும். பிள்ளைகள் கேட்டதை வாங்கித் தருவீர்கள். உங்களைச் சுற்றியிருப்பவர்களில் நல்லவர்கள் யார் என்பதை கண்டறிவீர்கள்.

கும்பம்: பழைய இனிய சம்பவங்களை அடிக்கடி நினைவுகூர்ந்து மகிழ்வீர்கள். தாயாருடன் கருத்து மோதல்கள் வரும். வீடு, வாகன பராமரிப்பு செலவுகள் அதிகரிக்கும்.

மீனம்: பேச்சில் அனுபவம் வெளிப்படும். அரசால் அனுகூலம் உண்டு. சொத்து பிரச்சினையில் சுமுக தீர்வு கிடைக்கும். பிள்ளைகளின் உயர் கல்வியில் கவனம் செலுத்துவீர்கள்.

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

FOLLOW US

Sign up to receive our newsletter in your inbox every day!

WRITE A COMMENT
 
x