Published : 21 Jun 2020 05:55 AM
Last Updated : 21 Jun 2020 05:55 AM
மேஷம்: அரசாங்கத்தாலும், அதிகாரப் பதவியில் இருப்பவர்களாலும் ஆதாயம் உண்டு. பூர்வீக சொத்து பிரச்சினைக்கு தீர்வு கிடைக்கும். மனைவிவழி உறவினரால் சில காரியங்கள் நிறைவேறும்.
ரிஷபம்: குடும்பத்தில் குதூகலம் காணப்படும். புத்துணர்ச்சியுடன் காணப்படுவீர்கள். வெளியூரில் இருந்து எதிர்பார்த்த செய்தி வரும். அநாவசிய செலவுகளை குறைக்க திட்டமிடுவீர்கள்.
மிதுனம்: புதிய முயற்சிகள் இழுபறிக்குப் பின்னர் முடியும். குடும்பத்தில் எதிர்பாராத செலவுகள் அடுத்தடுத்து ஏற்படும். கடந்தகால கசப்பான சம்பவங்களை நினைத்து வருந்துவீர்கள்.
கடகம்: பிள்ளைகளை அன்பால் அரவணைத்து செல்லுங்கள். சிலர் உதவுவதைப் போல் உபத்திரவம் தருவார்கள். மறைமுகப் பிரச்சினைகள் வரும். பணப் பற்றாக்குறை ஏற்படக் கூடும்.
சிம்மம்: பிள்ளைகளால் வெளிவட்டாரத்தில் அந்தஸ்து உயரும். உங்களை புரிந்து கொள்ளாமல் விலகிச் சென்றவர்கள் வலிய வந்து பேசுவார்கள். ஆடை, ஆபரணங்கள் சேரும். திடீர் பயணம் உண்டு.
கன்னி: பழைய உறவினர்கள், நண்பர்களை சந்திப்பீர்கள். கடன் பிரச்சினைகளைத் தீர்க்க வழி பிறக்கும். எதிர்பாராத சம்பவங்கள் நிகழும். பிள்ளைகளின் தேவைகளை நிறைவேற்றுவீர்கள்.
துலாம்: விருந்தினர் வருகையால் குடும்பத்தில் சந்தோஷம் நிலைக்கும். இழுபறியாக இருந்துவந்த பணம் கைக்கு வரும். புதியவர்கள் நண்பர்களாவார்கள். வாகனம் திடீர் செலவு வைக்கும்.
விருச்சிகம்: உணர்ச்சிவசப்படாமல் அறிவுப்பூர்வமாக முடிவெடுங்கள். நினைத்த வேகத்தில் வேலைகளை முடிக்க முடியாமல் தடைகள் ஏற்படும். நண்பர்களின் அன்புத் தொல்லை அதிகரிக்கும்.
தனுசு: சகோதரர் வகையில் நன்மை உண்டு. கல்யாணப் பேச்சுவார்த்தை வெற்றியடையும். பணவரவு உண்டு திருப்தி தரும். வீடு, மனை வாங்குவது குறித்து ஆலோசிப்பீர்கள்.
மகரம்: அதிகாரப் பதவியில் இருப்பவர்கள் தக்கசமயத்தில் உதவுவார்கள். வீட்டுக்குத் தேவையான அடிப்படை வசதிகளை மேம்படுத்துவீர்கள். அக்கம்பக்கத்தினர் ஆதரவாக இருப்பார்கள்.
கும்பம்: முக்கிய பொறுப்புகள் உங்களைத் தேடி வரும். புதிய முயற்சிகள் யாவும் வெற்றியடையும். ஆடம்பரச் செலவுகளை குறைத்து சேமிக்கத் தொடங்குவீர்கள். பணவரவு உண்டு.
மீனம்: மறுக்கப்பட்ட உரிமைகள் கிடைக்கும். கடின உழைப்பின் மூலம் வெற்றி காண்பீர்கள். நீண்டகால கடனைத் தீர்க்க வழி பிறக்கும். மூத்த சகோதரர் ஆதரவாக இருப்பார்.
Sign up to receive our newsletter in your inbox every day!
WRITE A COMMENT