Published : 27 May 2020 08:30 AM
Last Updated : 27 May 2020 08:30 AM

இந்தநாள் உங்களுக்கு எப்படி? 12 ராசிகளுக்கும் உரிய பலன்கள்

மேஷம்: வீடு, மனை வாங்குவது குறித்து குடும்பத்தினருடன் ஆலோசிப்பீர்கள். தாய்வழி உறவுகளால் மனக்கசப்புகள் வரக்கூடும். பயணங்களால் அலைச்சல்கள் இருந்தாலும் ஆதாயம் வரும்.

ரிஷபம்: பிரச்சினைகளை எதிர்கொள்ளும் தைரியம் வரும். தோல்வி பயம் நீங்கும். சகோதரி உதவுவார். பழைய கடனை பைசல் செய்வீர்கள். வெளியூரில் இருந்து எதிர்பார்த்த செய்தி வரும்.

மிதுனம்: குடும்பத்தாரின் விருப்பங்களை உடனுக்குடன் நிறைவேற்றுவீர்கள். கணவன் - மனைவிக்குள் இருந்துவந்த கருத்துவேறுபாடுகள் நீங்கும். பணவரவு திருப்திகரமாக இருக்கும்.

கடகம்: எதற்கெடுத்தாலும் கோபப்படுவீர்கள். கைவிட்டுப்போன நல்ல வாய்ப்புகளை நினைத்து அவ்வப்போது வருந்துவீர்கள். யாருக்கும் உத்தரவாதமோ, உறுதிமொழியோ தரவேண்டாம்.

சிம்மம்: நீண்டநாள் பழகிய நண்பர் ஒருவரின் நட்பை இழக்க நேரிடும். வழக்குகளில் எச்சரிக்கையுடன் இருங்கள். அரசு சம்பந்தப்பட்ட காரியங்களில் சின்னச் சின்ன தடைகள் வரக்கூடும்.

கன்னி: குடும்பத்தில் உங்கள் கை ஓங்கும். புதிய திட்டங்கள் நிறைவேறும். உங்களுடைய பலம், பலவீனத்தை உணர்ந்து அதற்கேற்ப செயல்படத் தொடங்குவீர்கள். கலைப்பொருட்கள் சேரும்.

துலாம்: வெளிவட்டாரத்தில் செல்வாக்கு அதிகரிக்கும். பிள்ளைகளால் சமூகத்தில் அந்தஸ்து உயரும். மகளின் திருமணத்தை சிறப்பாக நடத்த திட்டமிடுவீர்கள். ஆடை, ஆபரணங்கள் சேரும்.

விருச்சிகம்: பணவரவு திருப்திகரமாக இருக்கும். பழைய கடனை பைசல் செய்வதற்கு வழி பிறக்கும். குடும்பத்தில் நிலவிவந்த கூச்சல், குழப்பம் நீங்கி கலகலப்பான சூழல் உருவாகும்.

தனுசு: வாகனத்தில் அதிக வேகம் வேண்டாம். உங்கள் சக்திக்கு மீறி எந்த உறுதிமொழியும் யாருக்கும் தர வேண்டாம். அடுத்தடுத்த செலவுகளை சமாளிக்க முடியாமல் திணறுவீர்கள்.

மகரம்: சமயோசித புத்தியால் பல காரியங்களையும் முடித்துக் காட்டுவீர்கள். எதார்த்தமாகவும், சாதுர்யமாகவும் பேசி எல்லோருடைய மனதிலும் இடம் பிடிப்பீர்கள். பணவரவு உண்டு.

கும்பம்: இழுபறியான வழக்கில் நல்ல தீர்ப்பு கிடைக்கும். கடந்த காலத்தில் உங்களுக்கு எதிராக செயல்பட்டவர்கள் இப்போது ஆதரவாக நெருங்கி வருவார்கள். தாயாரின் ஆதரவு கிடைக்கும்.

மீனம்: முன்கோபம் நீங்கும். நேர்மறை எண்ணங்கள் பிறக்கும். பிள்ளைகளின் நலனில் அதிக அக்கறை காட்டுவீர்கள். நெருங்கிய நண்பரை நீண்ட நாளைக்குப் பிறகு சந்தித்து மகிழ்வீர்கள்.

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

FOLLOW US

தவறவிடாதீர்!

Sign up to receive our newsletter in your inbox every day!

WRITE A COMMENT
 
x