Published : 19 May 2020 08:26 am

Updated : 19 May 2020 08:26 am

 

Published : 19 May 2020 08:26 AM
Last Updated : 19 May 2020 08:26 AM

இந்தநாள் உங்களுக்கு எப்படி? 12 ராசிகளுக்கும் உரிய பலன்கள்

indha-naal-ungalukku-eppadi

மேஷம்: நீண்டகால கடனை பைசல் செய்வீர்கள். சுபகாரியங்களால் செலவுகள் அதிகரிக்கும். தந்தையின் உடல்நலனில் கவனம் செலுத்துங்கள். அக்கம்பக்கத்தினரின் ஆதரவு கிடைக்கும்.

ரிஷபம்: சுறுசுறுப்புடன் செயல்பட்டு காரியங்களை மளமளவென்று முடிப்பீர்கள். கணவன் - மனைவிக்குள் இருந்துவந்த பனிப்போர் மறையும். வீடு வாங்க, கட்ட வங்கிக்கடன் கிடைக்கும்.

மிதுனம்: இழுபறியாக இருந்துவந்த வேலைகள் முடியும். குடும்பத்தில் சுபநிகழ்ச்சிகளுக்கு ஏற்பாடாகும். மகளுக்கு நல்ல வரன் அமையும். வீடு வாங்குவது குறித்து ஆலோசிப்பீர்கள்.

கடகம்: எதிர்பார்த்த இடத்தில் இருந்து பணம் வரும். பழைய பிரச்சினைகளுக்கு சுமுகத் தீர்வு கிட்டும். குடும்பத்தில் குதூகலமான நிலை காணப்படும். பிரபலங்கள் அறிமுகமாவார்கள்.

சிம்மம்: வேலைச்சுமை, பதற்றம் அதிகரிக்கும். நண்பர்களுடன் எதிர்பாராத வகையில் கருத்துமோதல் ஏற்படக்கூடும். சொந்தபந்தங்களின் அன்புத்தொல்லை அதிகமாகும். வாகனம் செலவு வைக்கும்.

கன்னி: குடும்பத்தில் மகிழ்ச்சிகரமான சம்பவங்கள் நடக்கும் பிரபலங்களால் ஆதாயம் உண்டு. பணப்புழக்கம் அதிகரிக்கும். மனைவிவழியில் உதவி கிடைக்கும். ஆடை, ஆபரணங்கள் சேரும்.

துலாம்: தன்னம்பிக்கை துளிர்விடும். கேட்ட இடத்தில் பணம் கிடைக்கும். பிள்ளைகளின் தவறைச் சுட்டிக் காட்டி திருத்துவீர்கள். அடுத்தடுத்த செலவுகளால் சேமிப்பு கரையும்.

விருச்சிகம்: திட்டமிட்ட காரியங்கள் கைகூடும். கணவன் - மனைவிக்குள் மனம்விட்டுப் பேசுவீர்கள். பணவரவு திருப்தி தரும். பிள்ளைகளால் வெளிவட்டாரத்தில் பெருமையடைவீர்கள்.

தனுசு: நீண்ட நாட்களாக விலகியிருந்த உறவினர்கள் மீண்டும் தொடர்பு கொள்வார்கள் ஆடம்பரச் செலவுகளை குறைத்து சேமிக்கத் தொடங்குவீர்கள். தாயாருடன் கருத்து மோதல்கள் வரும்.

மகரம்: குடும்பத்தில் கலகலப்பான சூழல் உருவாகும். அரசாங்கத்தாலும், அதிகாரப் பதவியில் இருப்பவர்களாலும் ஆதாயம் உண்டு. பணத் தட்டுப்பாட்டை சாமர்த்தியமாக சமாளிப்பீர்கள்.

கும்பம்: உங்களின் செயல்பாடுகளில் புத்திசாலித்தனம் வெளிப்படும். பழைய பிரச்சினைகளை சுமுகமாக பேசி முடிப்பீர்கள். விருந்தினர், நண்பர்களின் வருகையால் வீடு களைகட்டும்.

மீனம்: புதியவர்களை நம்பி ஏமாந்து விடாதீர்கள். வீடு, வாகன பராமரிப்புச் செலவுகள் அதிகரிக்கும். அக்கம்பக்கத்து வீட்டாருடன் அதிக உரிமை எடுத்துக் கொள்ள வேண்டாம்.

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!


இந்தநாள் உங்களுக்கு எப்படி? 12 ராசிகளுக்கும் உரிய பலன்கள்ராசிபலன்கள்

Sign up to receive our newsletter in your inbox every day!

You May Like

More From This Category

More From this Author