மேஷம்: வீண் அலைச்சல், அநாவசிய செலவுகள் இருக்கும். நீங்கள் நல்லது சொல்லப் போய் சிலர் தவறாகப் புரிந்து கொள்வார்கள். உடல் நலத்தில் கவனம் செலுத்துவது நல்லது.
ரிஷபம்: உங்களின் இலக்கை நோக்கி முன்னேறுவீர்கள். அழகு, இளமை கூடி புத்துணர்ச்சியுடன் காணப்படுவீர்கள். சமூக அந்தஸ்து உயரும். குடும்பத்தில் சுபகாரியத்துக்கு ஏற்பாடாகும்.
மிதுனம்: வேற்றுமொழி, மதத்தினர்களால் திடீர் திருப்பம் உண்டாகும். நீண்டநாட்களாக எதிர்பார்த்து காத்திருந்த காரியங்கள் சாதகமாக அமையும். மனைவிவழி உறவினரின் ஆதரவு உண்டு.
கடகம்: புதிய சிந்தனைகள் மனதில் தோன்றும். இழுபறியாக இருந்துவந்த பிரச்சினைகளுக்கு சுமுகத் தீர்வு காண்பீர்கள். ஆன்மிகம், யோகா, தியானம் இவற்றில் மனம் லயிக்கும்.
சிம்மம்: சுறுசுறுப்பாக செயல்பட்டு காரியங்களை முடிப்பீர்கள். பழைய வீட்டை புதுப்பிக்கும் முயற்சியில் இறங்குவீர்கள். பணப்பற்றாக்குறையை சாமர்த்தியமாக சமாளித்து விடுவீர்கள்.
கன்னி: விவாதங்களில் வெற்றி பெறுவீர்கள். மனதில் நிலவிய குழப்பம், சஞ்சலங்கள் நீங்கும். விஐபி.க்கள் மத்தியில் செல்வாக்கு கூடும். வழக்கில் சாதகமான தீர்ப்பு வரும்.
துலாம்: தடைபட்ட வேலைகளை மாறுபட்ட அணுகுமுறையால் முடித்துக் காட்டுவீர்கள். நீண்ட நாட்களாக விலகியிருந்த சொந்தபந்தங்கள் தொடர்பு கொள்வார்கள். வீட்டில் சுபகாரியம் நிகழும்.
விருச்சிகம்: மறைமுக எதிர்ப்பு, அவமானம் ஏற்படக்கூடும். அடுத்தடுத்த சுபச்செலவுகளால் சேமிப்புகள் கறையும். கடன் பிரச்சினைகளை நினைத்து அவ்வப்போது நிம்மதியிழப்பீர்கள்.
தனுசு: வீண் அலைச்சல், தூக்கமின்மை ஏற்படக் கூடும். அரசு விவகாரங்களில் அலட்சியம் காட்ட வேண்டாம். உடன்பிறந்தவர்களால் எதிர்பாராத சங்கடங்கள் வந்து நீங்கும்.
மகரம்: பிரபலங்களுக்கு நெருக்கமாவீர்கள். பழைய பிரச்சினைகளில் வெற்றி பெறுவீர்கள். பணம் வரவு உண்டு. முக்கிய பதவிக்கு ஒருமனதாகத் தேர்ந்தெடுக்கப்படுவீர்கள்.
கும்பம்: உறவினர் மத்தியில் அந்தஸ்து உயரும். பால்ய நண்பர்களை சந்திப்பீர்கள். உங்களின் நிர்வாகத் திறன் அதிகரிக்கும். கணவன் - மனைவி இடையே அன்யோன்யம் அதிகரிக்கும்.
மீனம்: நினைத்த காரியம் தடைகளின்றி நிறைவேறும். கல்வியாளர்கள், அறிஞர்களின் நட்பால் தெளிவடைவீர்கள். மகளின் திருமணப் பேச்சுவார்த்தையில் முன்னேற்றம் ஏற்படும்.
| ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல. |