மேஷம்: விடாப்பிடியாக செயல்பட்டு காரியங்களில் வெற்றி பெறுவீர்கள். கணவன் - மனைவிக்குள் மனம்விட்டுப் பேசுவீர்கள். சகோதரர் வகையில் நன்மை கிட்டும். பணவரவு திருப்தி தரும்.
ரிஷபம்: பேச்சில் கம்பீரம் பிறக்கும். முன்கோபம், வீண் அலைச்சல் விலகி நிம்மதி கிட்டும். குடும்பத்தில் குதூகலமான சூழல் காணப்படும். தந்தைவழி உறவினர்களால் ஆதாயம் உண்டு.
மிதுனம்: குடும்பத்தினரின் எண்ணங்களை பூர்த்தி செய்ய வேண்டும் என்று நினைப்பீர்கள். பிள்ளைகளின் உடல்நிலை சீராகும். குலதெய்வ பிரார்த்தனைகளை நிறைவேற்ற திட்டமிடுவீர்கள்.
கடகம்: நீண்டநாளாக மனதில் நீடித்து வந்த குழப்பங்களுக்கு நல்ல தீர்வு கிடைக்கும். வீட்டின் அடிப்படை தேவைகளை நிறைவேற்றுவீர்கள். வேற்று மதத்தவர் தக்க சமயத்தில் உதவுவார்.
சிம்மம்: காரியங்களை முடிப்பதில் இருந்துவந்த தடுமாற்ற நிலை மாறும். குடும்பத்தில் மகிழ்ச்சி தங்கும். குடும்பச் சூழ்நிலை அறிந்து பிள்ளைகள் பொறுப்புடன் நடந்து கொள்வார்கள்.
கன்னி: வேலைச்சுமை இருந்துக் கொண்டேயிருப்பதாக ஆதங்கப்படுவீர்கள். வீட்டிலும், வெளியிலும் மற்றவர்களை அனுசரித்து செல்லுங்கள். சிலர் உதவி கேட்டு தொந்தரவு தருவார்கள்.
துலாம்: சில காரியங்களை அலைந்து, திரிந்து முடிக்க வேண்டி வரும். பிள்ளைகளால் எதிர்பாராத செலவுகள் இருக்கும். யாருக்காகவும் ஜாமீன், உத்தரவாதக் கையெழுத்திட வேண்டாம்.
விருச்சிகம்: வெளிவட்டாரத்தில் பரபரப்புடன் காணப்படுவீர்கள். ஆடம்பரச் செலவுகளைத் தவிர்த்து எளிமையாக வாழ விரும்புவீர்கள். கணவன் - மனைவிக்குள் அன்யோன்யம் அதிகரிக்கும்.
தனுசு: பிள்ளைகளால் உறவினர்கள் மத்தியில் மதிக்கப்படுவீர்கள். பணவரவு சரளமாக இருக்கும். வீட்டில் சுபகாரியங்களுக்கு ஏற்பாடாகும். அக்கம்பக்கத்தினர் ஆதரவாக இருப்பார்கள்.
மகரம்: புது முயற்சிகளில் வெற்றி கிட்டும். குடும்பத்தில் மகிழ்ச்சி தங்கும். வெளிவட்டாரத்தில் மதிக்கப்படுவீர்கள். வெளியூரில் இருந்து எதிர்பார்த்த செய்தி வரும்.
கும்பம்: உணர்ச்சி வேகத்தில் அவசர முடிவுகள் எடுக்க வேண்டாம். குடும்பத்தாரின் விருப்பங்களை நிறைவேற்றப் போராட வேண்டியிருக்கும். எதிர்மறை எண்ணங்கள் தோன்றும்.
மீனம்: நீண்ட நாட்களாக எதிர்பார்த்த காரியங்கள் நிறைவேறும் காலம் நெருங்கி வரும். கணவன் - மனைவிக்குள் அன்யோன்யம் அதிகரிக்கும். உடன்பிறந்தவர்களால் ஆதாயம் உண்டு.
| ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல. |