மேஷம்: தானுண்டு தன் வேலையுண்டு என்று இருப்பது நல்லது. வீட்டிலும், வெளியிலும் மற்றவர்களை அனுசரித்து செல்லுங்கள். எதற்கெடுத்தாலும் அடுத்தவரை குறை கூறுவதை நிறுத்துங்கள்.
ரிஷபம்: குடும்பத்தினரிடம் கோபத்தை காட்டாதீர்கள். யாருக்காகவும் சாட்சி கையெழுத்திடவோ, உத்தரவாதம் தரவோ வேண்டாம். பல தடைகளுக்குப் பின்னர் காரியங்கள் நிறைவேறும்.
மிதுனம்: கணவன் - மனைவிக்குள் மனம்விட்டு பேசுவீர்கள். அதிகாரப் பதவியில் இருப்பவர்களின் நட்பு கிடைக்கும். நாடி வந்தவர்களுக்கு உதவி செய்வீர்கள். எதிர்பாராத சந்திப்பு நிகழும்.
கடகம்: சிந்தனைத் திறன் பெருகும். உடன்பிறந்தவர்கள் பாசமழை பொழிவார்கள். பழைய பிரச்சினைகள் கட்டுக்குள் வரும். கல்யாண பேச்சுவார்த்தையில் முன்னேற்றம் ஏற்படும்.
சிம்மம்: தடைபட்ட வேலைகளை முடிப்பீர்கள். உறவினர்களால் நன்மை உண்டு. வீட்டை விரிவுபடுத்தி கட்டுவது குறித்து ஆலோசிப்பீர்கள். ஆன்மிகத்தில் நாட்டம் அதிகரிக்கும்.
கன்னி: உங்களை அறியாமலேயே தாழ்வு மனப்பான்மை தலைதூக்கும். அடுத்தவர் மனம் காயப்படும்படி பேசாதீர்கள். மற்றவர்களுடன் உங்களை ஒப்பிட்டுக் கொண்டிருக்க வேண்டாம்.
துலாம்: நிர்வாகத் திறமை வெளிப்படும். வீட்டை அழகுபடுத்தும் காரியங்களில் ஈடுபடுவீர்கள். மனைவிவழியில் எதிர்பார்த்த உதவி கிடைக்கும். வேற்றுமதத்தவர் அறிமுகமாவார்.
விருச்சிகம்: குடும்பத்தில் உங்கள் வார்த்தைக்கு மதிப்பு கூடும். பிரபலமானவர்களின் நட்பு கிட்டும். வெளிவட்டாரத்தில் அந்தஸ்து உயரும். பொதுக்காரியங்களில் ஈடுபடுவீர்கள்.
தனுசு: பிள்ளைகளின் தனித்திறமைகளைக் கண்டறிந்து ஊக்கப்படுத்துவீர்கள். நீண்டநாள் பிரார்த்தனைகள் நிறைவேறும். நட்பு வட்டம் விரியும். புத்துணர்ச்சியுடன் காணப்படுவீர்கள்.
மகரம்: வீட்டின் அத்தியாவசிய தேவைகளை பூர்த்தி செய்வீர்கள். தாய்வழி உறவினர்களுடன் எதிர்பாராது மனஸ்தாபம் வந்து நீங்கும். மற்றவர்களுக்காக சில பொறுப்புகளை ஏற்பீர்கள்.
கும்பம்: திட்டவட்டமாக சில முக்கிய முடிவுகள் எடுப்பீர்கள். உடன்பிறந்தவர்கள் ஆதரவாக இருப்பார்கள். வாகன வசதி பெருகும். சொத்துப் பிரச்சினைக்கு சுமுகத் தீர்வு கிடைக்கும்.
மீனம்: புதியவர்கள் அறிமுகமாவார்கள். பழைய பிரச்சினைகளுக்கு பேச்சுவார்த்தை மூலம் தீர்வு காண்பீர்கள். நீண்டநாட்களாக விலகியிருந்த. சொந்தபந்தங்கள் தேடி வருவார்கள்.
| ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல. |