மேஷம்: அடுக்கடுக்காக வந்த செலவுகள் குறையும். சவாலான காரியங்களையும் எடுத்து முடிப்பீர். வியாபார ரீதியாக முக்கிய பிரமுகர்களின் உதவியை நாடுவீர். அலுவலகத்தில் சக ஊழியர் மத்தியில் மதிப்பு உயரும்.
ரிஷபம்: எதிரிகளை வீழ்த்தும் வல்லமை உண்டாகும். கறாராக பேசி காரியம் சாதிப்பீர். சேமிக்கும் அளவுக்கு வருவாய் அதிகரிக்கும். பழுதான சாதனங்களை மாற்றுவீர்கள். வியாபாரம், உத்தியோகத்தில் ஏற்றம் உண்டு.
மிதுனம்: குடும்பத்தில் உங்கள் ஆலோசனையை ஏற்பர். எதிர்பார்த்த விலைக்கே பழைய சொத்தை விற்பீர். வெற்றி பெற்றவர்களின் நட்பு கிட்டும். அலுவலகத்தில் மகிழ்ச்சி பொங்கும். வியாபாரத்தில் லாபம் உண்டு.
கடகம்: பழைய நினைவுகளில் மூழ்குவீர்கள். சிலர் நன்றி மறந்து பேசுவார்கள். வெளிவட்டாரத்தில் மதிப்பு கூடும். வியாபாரத்தில் பழைய பாக்கிகள் வசூலாகும். அலுவலகத்தில் மேலதிகாரிகள் நேசக்கரம் நீட்டுவர்.
சிம்மம்: திடீர் செலவுகளால் கையிருப்பு கரையும். வீண் விவாதங்களை தவிர்க்கவும். பிள்ளைகளின் உடல்நிலை பாதிக்கும். அலுவலகத்தில் கோப்புகளை கவனமாககையாளவும். வியாபாரத்தை விரிவுபடுத்த முயற்சிப்பீர்.
கன்னி: குடும்பத்தில் மகிழ்ச்சி பொங்கும். பிள்ளைகள் பொறுப்பாக நடந்து கொள்வார்கள். வாகனத்தில் செலவு உண்டு. அலுவலகத்தில் அமைதி காப்பது நல்லது. வியாபாரத்தில் பாக்கிகளை போராடி வசூலிப்பீர்கள்.
துலாம்: சொந்தம் பந்தங்களிடையே மதிப்பு, மரியாதை கூடும். தந்தைவழி சொத்துகள் கைக்கு வரக்கூடும். மூத்த சகோதர சகோதரிகள் உதவி செய்வர். வாகனப்பழுது நீங்கும். வியாபாரம், உத்தியோகத்தில் ஏற்றமுண்டு.
விருச்சிகம்: மகிழ்ச்சியுடன் காணப்படுவீர். பணவரவு திருப்திகரமாக இருக்கும். அரசு காரியங்களில் வெற்றி உண்டு. உத்தியோகத்தில் மேலதிகாரியின் பாராட்டை பெறுவீர்கள். வியாபாரம் சூடு பிடித்து லாபம் பார்ப்பீர்.
தனுசு: புதியவர்கள் அறிமுகமாவர். தக்க சமயத்தில் உதவி கிட்டும். பிள்ளைகளின் வருங்காலத்துக்காக சேமிக்க தொடங்குவீர். அலுவலகத்தில் தேடிய முக்கிய ஆவணம் கிடைக்கும். வியாபாரத்தை விரிவுபடுத்துவீர்.
மகரம்: வெளிவட்டாரத்தில் கவனம் தேவை. வீண் விவாதங்களை தவிர்க்கவும். பிள்ளைகளால் கையிருப்பு கரையும். அலுவலகத்தில் கோப்புகளை கவனமாக கையாளவும். வியாபாரத்தில் புதிய பங்குதாரர் சேருவார்.
கும்பம்: எதிர்பார்த்துக் கொண்டிருந்த பணம் வரும். வீட்டில் பழுதான பொருட்களை மாற்றிவிட்டு புதிய பொருட்களால் அலங்கரிப்பீர்கள். அலுவலகத்தில் உங்களின் தரம் ஒருபடி உயரும். வியாபாரம் சிறக்கும்.
மீனம்: சிக்கனமாக செலவழித்து சேமிக்க தொடங்குவீர். தாய்வழி உறவினர்களால் ஆதாயமுண்டு. யாரையும் பகைத்துக் கொள்ளாதீர்கள். வியாபாரத்தில் பாக்கிகள் வசூலாகும். அலுவலகத்தில் அமைதி காப்பது நல்லது.