இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: உங்களின் நிர்வாகத் திறன் கூடும். பணவரவு உண்டு. பிள்ளைகளால் சமூக அந்தஸ்து உயரும். உறவினர்கள், நண்பர்கள் மத்தியில் செல்வாக்கு உயரும். பூர்வீக வீட்டை சீரமைத்து, விரிவுபடுத்தி கட்டுவீர்கள்.

ரிஷபம்: எதிலும் உங்கள் கை ஓங்கும். குடும்பத்தில் உங்கள் வார்த்தைக்கு மதிப்பு கூடும். பழைய வாகனத்தை சீர் செய்வீர்கள். கடனாக கொடுத்த பணத்தை வசூலிப்பீர்கள். வழக்குகளில் வெற்றி கிடைக்கும்.

மிதுனம்: அநாவசியமாக யாருக்காகவும் எந்த உறுதிமொழியும் தர வேண்டாம். சொத்து வாங்குவது, விற்பதில் வில்லங்கம் வந்து விலகும். பழைய பள்ளி, கல்லூரி நண்பர்களை சந்தித்து மகிழ்வீர்கள். பணவரவு உண்டு.

கடகம்: பழைய வாகனத்தை விற்றுவிட்டு புதிய வாகனம் வாங்குவீர்கள். வர வேண்டிய தொகை கைக்கு வரும். பிள்ளைகள் ஆக்கப்பூர்வமாக செயல்படுவார்கள். அக்கம் பக்கத்தினருடன் அளவாகப் பழகவும்.

சிம்மம்: எதிலும் வெற்றி பெறுவீர்கள். உங்களின் ஆளுமைத் திறன் அதிகரிக்கும். பணபலம் உயரும். அரசியலில் செல்வாக்கு கூடும். பிள்ளைகளை அவர்கள் விரும்பும் படிப்பில் சேர்க்க முயற்சி செய்யவும்.

கன்னி: உறவினர்களின் கனிவான விசாரிப்புகள் ஆறுதல் அளிக்கும். பிள்ளைகளின் சாதனைகளால் பெருமையடைவீர்கள். மனைவிவழியில் உங்கள் தேவையறிந்து உதவுவார்கள். பழைய வழக்கில் வெற்றி கிடைக்கும்.

துலாம்: பழுதான வண்டியை மாற்றுவீர்கள். கைமாற்றாக வாங்கியிருந்த பணத்தை தந்து முடிப்பீர்கள். கணவன் - மனைவிக்குள் ஈகோ பிரச்சினை தீரும். புதிய வீடு கட்டுவதற்கு வங்கிக் கடனுதவி கிடைக்கும்.

விருச்சிகம்: சவாலான விஷயங்களைக் கூட எளிதாக முடிப்பீர்கள். உங்களின் தனித்திறமை பளிச்சிடும். விஐபிகளின் நட்பு கிடைக்கும். யாரிடமும் பகைமை பாராட்ட வேண்டாம். பிள்ளைகள் உதவிகரமாக இருப்பார்கள்.

தனுசு: பிரபலங்கள் வீட்டு விசேஷங்களில் கலந்து கொள்வீர்கள். பிள்ளைகளால் சமூக அந்தஸ்து உயரும். சொந்த - பந்தங்கள் சிலர் உங்கள் உதவியை நாடுவார்கள். வெளியூர் பயணம், சுற்றுலா செல்ல திட்டமிடுவீர்கள்.

மகரம்: உங்களுடன் பழகிக் கொண்டே உங்களுக்கு எதிராக செயல்பட்டவர்களை ஒதுக்குவீர்கள். இடம், பொருள் ஏவலறிந்து பேச வேண்டும். குடும்பத்தில் மகிழ்ச்சி தங்கும். பிள்ளைகளின் சாதனையால் பெருமை அடைவீர்கள்.

கும்பம்: வீண் வறட்டு கவுரவத்துக்காக சேமிப்புகளை கரைக்காதீர்கள். வேலைச்சுமை உண்டு. திடீர் பயணங்கள் ஏற்படும். கடன் பிரச்சினைகள் தீரும். புதிய தொழில் தொடங்குவீர்கள். புதிய பதவி, பொறுப்பு தேடி வரும்.

மீனம்: புதிதாக டி.வி. ஃப்ரிட்ஜ், செல்போன் வாங்குவீர்கள். புதியவர்கள் அறிமுகமாவர். நெடுநாட்களாக நீங்கள் பார்க்க நினைத்த ஒருவர் உங்களை தேடி வருவார். யாரையும் எடுத்தெறிந்து பேச வேண்டாம்.

- ஜோதிஷபூஷண் வேங்கடசுப்பிரமணியன்

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow