இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: சில நுணுக்கங்களை கற்றுக் கொள்வீர்கள். மற்றவர்களுக்காக சில செலவுகளை செய்து பெருமைப்படுவீர்கள். வெளியூரிலிருந்து நல்ல செய்தி வரும். பூர்வீக வீட்டை சீரமைத்து, விரிவுபடுத்தி கட்டுவீர்கள்.

ரிஷபம்: உறவினர்களில் உண்மையானவர்களை கண்டறிவீர்கள். நீண்ட நாள் பிரார்த்தனைகளை குடும்பத்தினருடன் சென்று குலதெய்வ கோயிலில் நிறைவேற்றுவீர். பழைய கடன்களில் ஒன்று தீர வழி கிடைக்கும்.

மிதுனம்: புதிய கோணத்தில் சிந்திப்பீர்கள். வீடு, வாகன பராமரிப்புச் செலவுகள் அதிகரிக்கும். அரசு அதிகாரிகளின் உதவியால் சில காரியங்களை முடிப்பீர்கள். பழைய பள்ளி, கல்லூரி நண்பர்களை சந்திப்பீர்.

கடகம்: தாய்வழி உறவினர்கள் மதிப்பார்கள். சுப நிகழ்ச்சிகளாலும், விருந்தினர்களின் வருகையாலும் வீடு களை கட்டும். சொத்து வாங்குவது, விற்பது லாபகரமாக அமையும். புதிய தொழில் தொடங்க முயற்சிப்பீர்.

சிம்மம்: மனைவிவழியில் மதிப்பு, மரியாதை கூடும். அழகு, இளமை கூடும். நவீன மின்னணு, மின்சார சாதனங்கள் வாங்குவீர்கள். கேட்ட இடத்தில் உதவிகள் கிடைக்கும். தாய், தந்தை ஆரோக்கியத்தில் கவனம் தேவை.

கன்னி: பழைய பிரச்சினைகள் தலை தூக்கும். பொறுமையை இழப்பீர்கள். உறவினர், நண்பர்களின் பேச்சும், செயல்பாடுகளும் உங்களுக்கு பிடிக்காமல் போகும். அக்கம் பக்கத்தினருடன் அளவாகப் பழகவும்.

துலாம்: வெளிவட்டாரத்தில் அலைச்சல் அதிகரிக்கும். லேசாக தலை வலிக்கும். பண விஷயத்தில் கவனமாக இருங்கள். அநாவசிய செலவுகளை தவிர்க்கவும். பிள்ளைகளை அவர்கள் விரும்பும் படிப்பில் சேர்க்கவும்.

விருச்சிகம்: குடும்பத்தினர் உதவிகரமாக இருப்பர். வெளிவட்டாரத்தில் புதியவர்களின் நட்பு கிடைக்கும். நீண்ட நாட்களாக பார்க்க நினைத்த ஒருவரை சந்திப்பீர். திருமண பேச்சுவார்த்தையில் முன்னேற்றம் உண்டு.

தனுசு: உடன்பிறந்தவர்கள் பக்கபலமாக இருப்பார்கள். உறவினர்கள், நண்பர்கள் வீட்டு விசேஷங்களை முன்னின்று நடத்துவீர்கள். மற்றவர்களுக்காக சில பொறுப்புகளை ஏற்பீர்கள். புதிய வாகனம் வாங்க திட்டமிடுவீர்.

மகரம்: பிரச்சினைகளின் ஆணிவேரை கண்டறிவீர்கள். பிள்ளைகளை புதிய பாதையில் வழி நடத்துவீர். புண்ணிய ஸ்தலங்கள் செல்ல திட்டமிடுவீர்கள். மகனுக்கு நல்ல வேலை கிடைக்கும். கலைப் பொருட்கள் சேரும்.

கும்பம்: உணர்ச்சிவசப்படாமல் அறிவுப்பூர்வமாக முடிவெடுக்க வேண்டும். வெளிவட்டாரத் தொடர்பு அதிகரிக்கும். வர வேண்டிய பணத்தை போராடி பெறுவீர்கள். புதிய பதவிகளும், பொறுப்புகளும் தேடி வரும்.

மீனம்: சுப நிகழ்ச்சிகளில் கலந்து கொள்வீர்கள். புது நட்புமலரும். கல்யாண முயற்சிகள் பலிதமாகும். திட்டமிட்டு செயல்படுவதன் மூலம் வெற்றி பெறுவீர்கள். அக்கம் பக்கத்தினருடன் வீண் விவாதம் தவிர்க்கவும்.

- ஜோதிஷபூஷண் வேங்கடசுப்பிரமணியன்

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow