இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எதிலும் முன்னேற்றம் உண்டு. தைரியமாக சில முக்கிய முடிவுகள் எடுப்பீர்கள். சொந்த - பந்தங்களுடன் இருந்து வந்த மனவருத்தங்கள் நீங்கி மகிழ்ச்சி உண்டாகும். பூர்வீக சொத்து பிரச்சினை முடிவுக்கு வரும்.

ரிஷபம்: குடும்பத்தில் கலகலப்பான சூழல் உருவாகும். உங்களுடைய ஆலோசனையை எல்லோரும் ஏற்றுக் கொள்வார்கள். கேட்ட இடத்தில் பணம் கிடைக்கும். பால்ய நண்பர்களை சந்தித்து மகிழ்வீர்கள்.

மிதுனம்: தாயாருடன் மனத்தாங்கல் வரும். சிறுசிறு வாகன விபத்துகள் வரக்கூடும். மின்னணு, மின்சார சாதனங்கள் பழுதாகும். பூர்வீக வீட்டை விற்றுவிட்டு புதிது வாங்க திட்டமிடுவீர்கள். எதிலும் கவனம் தேவை.

கடகம்: சின்னச் சின்ன விஷயங்களுக்கெல்லாம் கோபப்படாதீர். எதிர்பார்த்த தொகை எல்லாம் தாமதமாக வரும். உடல் ஆரோக்கியத்தில் கவனம் செலுத்த பாருங்கள். அக்கம் பக்கத்தினருடன் அளவாக பழகவும்.

சிம்மம்: தொட்ட காரியங்கள் அனைத்தும் தடையின்றி நடை பெறும். தம்பதிக்குள் நெருக்கம் அதிகரிக்கும். வாகன வசதி பெருகும். வீடு கட்ட கட்டிட அனுமதி கிடைக்கும். பழைய கடன்களில் ஒன்று தீர வழி ஏற்படும்.

கன்னி: உங்களின் ஆளுமைத் திறன் அதிகரிக்கும். சவாலான காரியங்களையும் சாதாரணமாக முடித்துக் காட்டுவீர்கள். உறவினர், நண்பர்கள் மத்தியில் மதிப்பு, மரியாதை கூடும். முக்கிய பிரமுகர்களின் நட்பு கிடைக்கும்.

துலாம்: தந்தைவழியில் உதவிகள் கிடைக்கும். வழக்குகள் சாதகமாக அமையும். புண்ணிய காரியங்கள், சுப காரியங்களுக்கு எல்லாம் தலைமை தாங்குவீர்கள். மகளுக்கு நல்ல இடத்தில் திருமணம் நிச்சியமாகும்.

விருச்சிகம்: வீடு, வாகனப் பராமரிப்புச் செலவுகள் அதிகரிக்கும். கணவன் - மனைவிக்குள் வீண் சந்தேகத்தால் கருத்து மோதல்களும், பிரச்சினைகளும் வரக்கூடும். பிள்ளைகள் விஷயத்திலும் கவனமாக இருக்கவும்.

தனுசு: பழுதாகியிருந்த வாகனம் சரியாகும். மகிழ்ச்சியான சம்பவங்கள் குடும்பத்தில் நிகழும். மகள், மகனின் கல்யாணப் பேச்சுவார்த்தை கைகூடும். நீண்ட நாளாக சந்திக்காத பழைய நண்பர்களை சந்திப்பீர்கள்.

மகரம்: மனைவிவழியில் சில உதவிகள் கிடைக்கும். புது வாகனம் வாங்குவீர்கள். அரசு சம்பந்தப்பட்ட காரியங்கள் நல்ல விதத்தில் நிறைவேறும். பிள்ளைகளால் பெருமை உண்டு. நண்பர்கள் ஆதரவாக இருப்பர்.

கும்பம்: எதிர்பார்ப்புகள் நிறைவேறும். பழைய நண்பர்கள் தேடி வந்து பேசுவார்கள். அவர்கள் மூலமாக சில உதவிகள் கிட்டும். தெய்வீக சிந்தனைகள் அதிகரிக்கும். புதிய பொறுப்புகள் கூடும். பணவரவு திருப்தி தரும்.

மீனம்: ஆன்மிக ஆற்றல் கிட்டும். காலத்தை உணரும் சக்தி உங்களுக்கு ஓரளவு கிடைக்கும். மகிழ்ச்சியான செய்தி தேடி வரும். வெளிவட்டாரத்தில் எல்லோரும் மதிப்பார்கள். பழைய வாகனத்தை விற்றுவிட்டு புதிது வாங்குவீர்கள்.

- ஜோதிஷபூஷண் வேங்கடசுப்பிரமணியன்