இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பெரிய பதவிக்கு தேர்ந்தெடுக்கப்படுவீர்கள். வீண் குழப்பங்களிலிருந்து விடுபடுவீர்கள். அனைத்து காரியங்களும் தடையின்றி முடியும். நண்பர்கள், உறவினர்கள் மத்தியில் மதிப்பு கூடும்.

ரிஷபம்: திருமணப் பேச்சுவார்த்தை நல்ல விதத்தில் முடியும். உறவினர், நண்பர்கள் மத்தியில் செல்வாக்கு அதிகரிக்கும். சுப நிகழ்ச்சிகளில் கவுரவம் கிடைக்கும். பழைய கடன்களில் ஒன்று தீர வழி கிடைக்கும்.

மிதுனம்: திடீர் செலவுகளை தவிர்ப்பது நல்லது. குடும்ப அந்தரங்க விஷயங்களை வெளியில் சொல்லி கொண்டிருக்காதீர்கள். வீண் விவாதங்களை தவிர்ப்பது நல்லது. பிள்ளைகள் படிப்பு விஷயத்தில் கவனம் தேவை.

கடகம்: எதிலும் தெளிவு பிறக்கும். பழுதாகியிருந்த பழையவாகனத்தை மாற்றி புதிது வாங்குவீர்கள். மகிழ்ச்சியான சம்பவங்கள் குடும்பத்தில் நிகழும். பூர்விக சொத்து பிரச்சினைகள் தொடர்பான வழக்கு முடிவுறும்.

சிம்மம்: எந்த தடைகள், பிரச்சினைகள் வந்தாலும் அவற்றை சாமர்த்தியமாக சமாளிக்கும் சக்தி கிடைக்கும். வி.ஐ.பிகளால் சில வேலைகள் முடிவடையும். யாருக்கும் எதற்காகவும் உறுதிமொழி தர வேண்டாம்.

கன்னி: எல்லா வகையிலும் வெற்றி கிட்டும். எதிர்பார்த்த தொகை கைக்கு வரும். பெரிய மனிதர்கள் ஆதரவாக இருப்பார்கள். திடீர் பணவரவு உண்டு. பூர்விக வீட்டை சீரமைத்து, விரிவுபடுத்தி கட்டுவீர்கள்.

துலாம்: நண்பர்கள், உறவினர்களின் வருகையால் வீடு களைகட்டும். பழைய இனிய சம்பவங்களை நினைவு
கூர்ந்து மகிழ்வீர்கள். வரவுக்கு மீறிய செலவுகள் இருக்கும். புதிய வீடு கட்ட கடனுதவி கிடைக்கும்.

விருச்சிகம்: வி.ஐ.பிகள் அறிமுகமாவார்கள். கணவன் - மனைவிக்குள் அன்யோன்யம் அதிகரிக்கும். வேற்று மாநிலம் செல்லும் வாய்ப்பு வரும். நண்பர்கள் வீட்டு சுபநிகழ்ச்சிகளில் கலந்து கொள்வீர்கள். பணவரவு உண்டு.

தனுசு: எதிர்பார்ப்புகள் பூர்த்தியாகும். பணமும் கைக்கு வரும். பழைய வாகனத்தை விற்றுவிட்டு புதிது வாங்குவீர்கள்.
வெளிநாட்டில் இருப்பவர்களால் ஆதாயமடைவீர்கள். மகளுக்கு நல்ல இடத்தில் திருமணம் நிச்சயமாகும்.

மகரம்: தாழ்வுமனப்பான்மை வந்து போகும். யாரை நம்புவது, நம்பாமல் இருப்பது என்பதில் குழப்பம் வரும். கையொப்பமிட்டு காசோலைகளை வைக்க வேண்டாம். நண்பர்களின் அன்புத் தொல்லை அதிகரிக்கும்.

கும்பம்: வேலைச்சுமை அதிகரிக்கும். எந்த காரியத்தை தொட்டாலும் தடங்கல் ஏற்பட்டு பிறகு முடியும். சோர்வு, களைப்பு வரும். யாரையும் நம்பாமல், எந்த ஒரு விஷயத்தையும் நேரடியாக நீங்களே முடிப்பது நல்லது.

மீனம்: மகிழ்ச்சிகரமான செய்திகள் வரும். மூத்த சகோதர வகையில் உதவிகள் கிடைக்கும். எங்கு சென்றாலும் மதிப்பு, மரியாதை கூடும். அக்கம் - பக்கத்தினரிடம் எச்சரிக்கையாக இருக்கவும். பணவரவு உண்டு.

- ஜோதிஷபூஷண் வேங்கடசுப்பிரமணியன்