Published : 31 Oct 2021 01:30 PM
Last Updated : 31 Oct 2021 01:30 PM

மகம், பூரம், உத்திரம்; வார நட்சத்திர பலன்கள் - (நவம்பர் 1 முதல் 7ம் தேதி வரை) 


- ‘சொல்வாக்கு ஜோதிடர்’ ஜெயம் சரவணன்


வாசகர்கள் அனைவருக்கும் இனிய தீப ஒளித்திருநாள் நல்வாழ்த்துகள். உங்கள் வாழ்வில் ஒளி வெளிச்சம் பரவட்டும்.

மகம் -
நன்மைகள் பலவாறாக நடக்கும். தேவைகள் உடனுக்குடன் பூர்த்தியாகும். எடுத்துக்கொண்ட வேலைகள் அனைத்தையும் சுலபமாக செய்து முடிப்பீர்கள். குடும்பத்தில் ஏற்பட்டிருந்த சச்சரவுகள் தீரும். கணவன் மனைவி ஒற்றுமை பலப்படும். அலுவலகத்தில் இருந்த நெருக்கடிகள் தீரும். எதிர்பார்த்த சலுகைகள் கிடைக்கும். பயணம் தொடர்பான தொழில் செய்பவர்களுக்கும், உணவுத் தொழில் செய்து கொண்டிருப்பவர்களுக்கும் நல்ல வருமானம் கிடைக்கும்.


வியாபாரத்தில் லாபம் இருமடங்காக ஏற்படும். தொழில் தொடர்பாக வேண்டிய உதவிகளும், ஒப்பந்தங்களும் கிடைக்கும். அரசு நெருக்கடிகள் விலகும். வங்கியின் உதவிகள் கிடைக்கும். ரியல் எஸ்டேட் தொழில் செய்பவர்களுக்கும், நிலத் தரகர்களுக்கும் எதிர்பாராத ஒப்பந்தங்கள் கிடைத்து வருமானம் திருப்திகரமாக இருக்கும். பெண்கள் தங்கள் தேவைகள் அனைத்தும் பூர்த்தியாவதைக் கண்டு மகிழ்ச்சி அடைவார்கள். தாமதப்பட்டுக் கொண்டிருந்த திருமணம் உறுதியாகும். வேலையில்லாத பெண்களுக்கு வேலை கிடைக்கும். கலைஞர்களுக்கு நல்ல வாய்ப்புகள் கிடைக்கும்.

இந்த வாரம் -

திங்கள் -
சுபச் செலவுகள் ஏற்படும். சொத்து சம்பந்தமான பிரச்சினையில் சாதகமான முன்னேற்றம் ஏற்படும். அலுவலகத்தில் இயல்பான நிலையே இருக்கும். வியாபாரத்தில் வளர்ச்சி இருக்கும். புதிய வியாபார வாய்ப்புகள் கிடைக்கும். எதிர்பாராத பண உதவி கிடைக்கும்.

செவ்வாய் -
பணத்தேவைகள் உடனுக்குடன் பூர்த்தியாகும். எதிர்பார்த்த வியாபார ஒப்பந்தங்கள் கிடைக்கும். தொழில் தொடர்பாக வேண்டிய உதவி கிடைக்கும். வாழ்க்கைத் துணையின் தேவைகளைப் பூர்த்தி செய்து தருவீர்கள்.

புதன் -
பணத்தேவைகள் உடனுக்குடன் பூர்த்தியாகும். வியாபாரத்தில் புதிய ஒப்பந்தங்கள் ஏற்படும். வேலைவாய்ப்பு பற்றிய தகவல் கிடைக்கும். அலுவலகத்தில் புதிய பொறுப்புகள் கிடைக்கும்.

வியாழன் -
நினைத்தது நிறைவேறும் நாள். மகிழ்ச்சியாக இருப்பீர்கள். குடும்பத்தினரையும் மகிழ்ச்சிகரமாக வைத்திருப்பீர்கள். இல்லத்திற்கு புதிய பொருட்கள் வாங்குவீர்கள். தீபாவளி கொண்டாட்டத்திற்கு எந்தக் குறையும் இருக்காது.

வெள்ளி -
திட்டமிடாத காரியங்களிலும் வெற்றி கிடைக்கும். எதிர்பாராத பணம் வரும். வியாபாரத்தில் வரவேண்டிய பாக்கிகள் வசூலாகும். தொழில் தொடர்பாக எதிர்பார்த்த ஒப்பந்தங்களும் கிடைக்கும். சுப விசேஷங்கள் தொடர்பான விஷயங்கள் இன்று நல்ல முடிவிற்கு வரும்.

சனி -
பராமரிப்பு செலவுகள் கூடும். வாகன மாற்றச் சிந்தனை உண்டாகும். வீடு மாற்றம், இடமாற்றம் போன்றவை ஏற்படும் வாய்ப்பு உள்ளது. தேவையில்லாத விவாதங்களை செய்ய வேண்டாம்.

ஞாயிறு -
நல்ல வாய்ப்புகள் தேடி வரும். கலைஞர்களுக்கு புதிய ஒப்பந்தங்கள் கிடைக்கும். வியாபார வளர்ச்சி அமோகமாக இருக்கும். தொழில் தொடர்பாக எதிர்பார்த்த ஒப்பந்தங்கள் இன்று கையெழுத்தாகும். எதிர்பார்த்த பண உதவி கிடைக்கும்.

வணங்க வேண்டிய தெய்வம் -
ஸ்ரீ விநாயகர் வழிபாடு செய்யுங்கள். விநாயகர் அகவலைப் பாராயணம் செய்யுங்கள். நன்மைகள் பெருகும்.
**************

பூரம் -


எதிர்பார்ப்புகள் நிறைவேறும் வாரம். தேவைக்கேற்ற பணவரவு இருக்கும். உடல்நலத்தில் முன்னேற்றம் ஏற்படும். தந்தைவழி உறவுகளிடம் ஏற்பட்டிருந்த பிரச்சினைகள் அனைத்தும் முடிவுக்கு வரும். வேலை இல்லாதவர்களுக்கு இப்பொழுது வேலை பற்றிய நல்ல தகவல் கிடைக்கும். உத்தியோகத்தில் எதிர்பார்த்த சலுகைகள் கிடைக்கும்.


வியாபாரம் வளர்ச்சியடையும். வரவேண்டிய பாக்கிகள் வசூலாகும். தொழில் வளர்ச்சி சீராக இருக்கும். புதிய ஒப்பந்தங்கள் கிடைக்கும். பெண்களுக்கு இறுக்கமான மனநிலையிலிருந்து வெளிவருவார்கள். உறவினர் பகை மாறும். தாமதப்பட்டு வந்த திருமணம் இப்போது உறுதியாகும். தந்தை வழி சொத்துகள் கிடைக்கும். மாணவர்கள் கல்வியில் முன்னேற்றம் ஏற்படும். கலைஞர்களுக்கு நல்ல வாய்ப்புகள் கிடைக்கும்.

இந்த வாரம்-

திங்கள் -
நீண்டநாள் பிரச்சினைகள் முடிவுக்கு வரும். ஆரோக்கியத்தில் முன்னேற்றம் ஏற்படும். உத்தியோகத்தில் முக்கிய பொறுப்புகள் கிடைக்கும். தொழில் தொடர்பான உதவிகள் கிடைக்கும். எதிர்பார்த்த பணம் கிடைக்கும்.

செவ்வாய் -
வீண் அலைச்சல் ஏற்படும். தேவையற்ற சர்ச்சைகள் தோன்றும். பொறுமை அவசியம். நிதானமாக எந்தச் செயலையும் செய்ய வேண்டும்.

புதன் -
நேற்றைய பிரச்சினைகள் அனைத்தும் இன்று முடிவுக்கு வரும். எதிர்பாராத உதவிகள் கிடைக்கும். சுப காரிய பேச்சுகள் மனதிற்கு நிம்மதி தரும். வேறு வேலைக்கு மாறும் முயற்சி சாதகமாக இருக்கும். வியாபாரத்தில் லாபம் கிடைக்கும். ஒப்பந்தங்கள் நிறைவேறும். உறவினர்களால் ஆதாயம் உண்டாகும்.

வியாழன் -
மகிழ்ச்சியான செலவுகள் ஏற்படும். மகிழ்ச்சியாகவும் இருப்பீர்கள். நெருங்கிய நண்பர்களுக்கு தீபாவளிப் பரிசாக நன்மைகள் செய்வீர்கள். மற்ற நண்பர்களும் உங்களை மகிழ்ச்சிக் கடலில் ஆழ்த்துவார்கள்.

வெள்ளி -
எடுத்துக்கொண்ட வேலைகள் அனைத்தும் சிறப்பாக செய்து முடிப்பீர்கள். பணவரவு எதிர்பாரத அளவுக்கு தாராளமாக இருக்கும். சொத்து வாங்குவது விற்பது தொடர்பான விசயங்கள் ஆதாயம் தருவதாக இருக்கும். தொழில் மற்றும் வியாபாரத்தில் எதிர்பாராத உதவிகள் கிடைத்து மனமகிழ்ச்சி ஏற்படும்.

சனி -
வியாபாரத்தில் லாபம் இருமடங்காக இருக்கும். புதிய நண்பர்கள் அறிமுகமாவார்கள். அவர்களால் ஆதாயம் கிடைக்கும். தொழில் தொடர்பான ஒப்பந்தங்கள் இறுதி நிலையை எட்டும். எதிர்பார்த்த பணம் எதிர்பார்த்த மாதிரியே கிடைக்கும்.

ஞாயிறு -
வீண்செலவுகள் ஏற்படும், நண்பர்களால் சங்கடங்கள் ஏற்படும். உடல் நலத்தில் சற்று பாதிப்பு ஏற்படும். மருத்துவ செலவு உண்டு. பயணங்களை தவிர்க்க வேண்டும்.

வணங்க வேண்டிய தெய்வம் -
ஸ்ரீஆண்டாள் அன்னையை வணங்குங்கள். ஆண்டாள் அருளிய திருப்பாவை பாராயணம் செய்யுங்கள். நன்மைகள் நடக்கும்.
**************


உத்திரம் -


எடுத்துக்கொண்ட முயற்சிகளில் வெற்றியைக் காண்பீர்கள். முக்கியமான விஷயங்களில் அதிக கவனம் எடுத்துக்கொள்ள வேண்டும். அதிசார குரு நின்ற நட்சத்திரம் உங்களுக்கு ஆகாத நட்சத்திரங்கள் என்பதால் தேவையற்ற பிரச்சினைகளில் தலையிட வேண்டாம். சொத்து விஷயங்களில் வீண் பிடிவாதம் பிடிக்க வேண்டாம். யாருக்கும் வாக்குறுதி தராதீர்கள். கடன் வாங்குவது, கடன் கொடுப்பது அறவே கூடாது.
அலுவலகத்தில் சக ஊழியர்களுடன் இயல்பான நிலையே இருக்கும். வேறு நிறுவனங்களுக்கு மாறும் எண்ணம் உடையவர்கள் இந்தவாரம் அந்த முயற்சியில் ஈடுபடலாம். தொழில் வளர்ச்சி சீராக இருக்கும். சிலருக்கு கடன் பிரச்சினைகள் நெருக்கடி தருவதாக இருக்கும். வியாபார வளர்ச்சி சீராக இருக்கும். பெண்களுக்கு சொத்தில் பங்கு, நல்லவேலை போன்றவை கிடைக்கும். திருமண முயற்சிகள் கைகூடும். குடும்பத்தினரிடம் இருந்த மனக்கசப்புகள் நீங்கி ஒற்றுமை ஏற்படும். கலைஞர்களுக்கு புதிய ஒப்பந்தங்கள், வாய்ப்புகள் எளிதாக கிடைக்கும்.

இந்த வாரம் -

திங்கள் -
தொழில் தொடர்பான சந்திப்புகள் மனநிறைவை தரும். வியாபார விஷயங்கள் ஆதாயம் தருவதாக இருக்கும். அலுவலகப் பணிகளில் கூடுதல் பொறுப்புகள் கிடைக்கும் அல்லது அடுத்தவர் வேலையை சேர்த்துப் பார்க்க வேண்டியது வரும்.

செவ்வாய் -
வியாபாரத்தில் நல்ல வளர்ச்சி இருக்கும். தொழில் தொடர்பாக தேவையான உதவிகள் கிடைக்கும். எதிர்பார்த்த பண உதவி கிடைக்கும். குடும்பத்தினர் தேவைகளைப் பூர்த்தி செய்வீர்கள். வீடு மாற்றம் பற்றிய சிந்தனை அதிகரிக்கும். சிறிய அளவிலான உடல் உபாதைகள் ஏற்படும்.

புதன் -
தேவையற்ற சர்ச்சையில் சிக்க வேண்டாம். அடுத்தவர்கள் விஷயத்தில் தலையிடுவது பிரச்சினையை உண்டுபண்ணும். சுய கட்டுப்பாடு தேவை.

வியாழன் -
சிறப்பான நன்மைகள் நடைபெறும் நாளாக இருக்கும். பண்டிகை கொண்டாட்டங்கள் களை கட்டும். நெருங்கிய உறவினர்களால் பரிசுகள் கிடைக்கும். குடும்பத்தினருடன் மகிழ்ச்சிகரமாக இருப்பீர்கள்.

வெள்ளி-
தொழில் தொடர்பாக எதிர்பார்த்த முதலீடுகள் கிடைக்கும். வியாபார பொருட்கள் விறுவிறுப்பாக விற்பனையாகும். கலைஞர்களுக்கு புதிய ஒப்பந்தங்கள் கையெழுத்தாகும். வியாபார வளர்ச்சி நன்றாக இருக்கும். பணத்தேவைகள் உடனுக்குடன் பூர்த்தியாகும். இல்லத்தில் சுப காரியம் தொடர்பான பேச்சுவார்த்தைகள் நடக்கும்.

சனி -
வரவும் செலவும் சமமாக இருக்கும். எதிர்பார்த்த பண உதவி கிடைக்கும். வியாபாரம் தொடர்பாக தேவையான உதவிகள் கிடைக்கும். குடும்பத்தினர் ஒத்துழைப்பு சிறப்பாக இருக்கும். தொழில் தொடர்பான சந்திப்புகள் மன நிறைவைத்தரும்.

ஞாயிறு -
பணவரவு தாராளமாக இருக்கும். எடுத்துக்கொண்ட முயற்சிகள் அனைத்தும் வெற்றியாகும். வியாபார ஒப்பந்தங்கள் ஏற்படும். தொழில் தொடர்பான சந்திப்புகள் மனநிறைவைத் தரும். எதிர்ப்புகள் விலகி போகும். நண்பர்களாலும், உறவினர்களாலும் ஆதாயம் ஏற்படும். வேலைக்கான முயற்சிகளில் வெற்றி கிடைக்கும்.

வணங்க வேண்டிய தெய்வம் -
சுவாமி ஐயப்பனை வழிபடுவது மிகுந்த நன்மையைத் தரும். நினைத்தது நிறைவேறும்.
**********

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

FOLLOW US

தவறவிடாதீர்!

Sign up to receive our newsletter in your inbox every day!

WRITE A COMMENT
 
x