Published : 17 May 2021 15:45 pm

Updated : 17 May 2021 15:45 pm

 

Published : 17 May 2021 03:45 PM
Last Updated : 17 May 2021 03:45 PM

திருவோணம், அவிட்டம், சதயம்;  இந்த வார நட்சத்திர பலன்கள் - (மே-17 முதல் 23ம் தேதி வரை) 

vaara-natchatira-palangal

- ‘சொல்வாக்கு ஜோதிடர்’ ஜெயம் சரவணன்

திருவோணம் -


எதிர்பார்த்த நன்மைகள் ஏற்படும் வாரம். வரவும் செலவும் சமமாகவே இருக்கும்.

செலவுகளைக் கட்டுப்படுத்துவதில் கவனம் தேவை. ஆரோக்கியப் பிரச்சினைகள் தோன்றும். அதனால் மருத்துவச் செலவுகளும் ஏற்படும். ஆனாலும் பெரிய பாதிப்பு ஏதும் இருக்காது, ஒரு சில நாட்களிலேயே ஆரோக்கியத்தில் முன்னேற்றம் உண்டாகும்.

அலுவலகத்தில் கூடுதல் பொறுப்புகள் கிடைக்கும். அலுவலகத்தில் உங்களுக்கான மதிப்பு மரியாதை உயரும். தொழில் தொடர்பான முயற்சிகளில் முன்னேற்றம் ஏற்படும். புதிய நிறுவனங்களோடு தொழில் ஒப்பந்தங்கள் ஏற்படும்.

வியாபார வளர்ச்சி அமோகமாக இருக்கும். புதிய வியாபார வாய்ப்புகள் கிடைக்கும். வரவேண்டிய பாக்கிகள் வசூலாகும்.

பெண்களுக்கு குடும்ப ஒற்றுமை மேலோங்கும். இதுவரை வேலை இல்லாமல் இருந்தவர்களுக்கு நல்ல வேலை கிடைக்கும். திருமண முயற்சிகள் சாதகமாக இருக்கும். மாணவர்களுக்கு கல்வியில் நல்ல முன்னேற்றம் உண்டு. கலைஞர்களுக்கு நல்ல வாய்ப்புகள் கிடைக்கும்.

இந்த வாரம் -

திங்கள் -
தேவைகள் அனைத்தும் பூர்த்தியாகும். பணவரவு தாராளமாக இருக்கும். தொழில் தொடர்பாக தேவையான உதவிகள் தேடி வரும். வியாபார வளர்ச்சி சீராக இருக்கும். உறவினர் ஒருவரால் தேவையான உதவிகளைப் பெறுவீர்கள்.

செவ்வாய் -
உணர்ச்சிவசப்பட்டு எந்த முடிவுகளையும் எடுக்க வேண்டாம். வியாபாரத்தில் வாடிக்கையாளர்களிடம் கவனமாகப் பேச வேண்டும். அலுவலகத்தில் சக ஊழியர்களுடன் தேவையில்லாத வாக்குவாதங்கள் செய்ய வேண்டாம். குடும்பத்தினரின் கருத்துக்கு மதிப்பளிக்க வேண்டும்.

புதன் -
தொழில் தொடர்பாகவும் வியாபாரம் தொடர்பாகவும் தேவையான உதவிகள் கிடைக்கும். குடும்பத்தினர் தேவைகள் பூர்த்தியாகும். உறவினர்களிடம் ஏற்பட்ட மன வருத்தங்கள் அகலும். சொத்து தொடர்பான பிரச்சினைகளைப் பேசி முடிக்க வாய்ப்பு கிடைக்கும்.

வியாழன் -
உத்தியோகத்தில் இடமாற்றம் ஏற்படும் வாய்ப்பு உள்ளது. வியாபார விஷயங்கள் சுமுகமாக நடைபெறும். தொழில் தொடர்பாக எதிர்பார்த்த முதலீடுகள் கிடைக்கும். புதிய தொழில் ஒப்பந்தங்கள் ஏற்படும் வாய்ப்பு உள்ளது. நெருங்கிய நண்பர்கள் உதவிகளைச் செய்து தருவார்கள்.

வெள்ளி -
குடும்ப நலன் சார்ந்து சில முக்கிய முடிவுகள் எடுப்பீர்கள். எதிர்காலத் தேவைகளுக்காக சேமிக்கும் எண்ணம் தோன்றும். பெண்களுக்கு எதிர்பார்த்த உதவிகள் கிடைக்கும்.

சனி -
பணவரவு இருமடங்காக இருக்கும். எதிர்பார்த்த உதவிகள் அனைத்தும் கிடைக்கும். வியாபார விஷயங்கள் லாபகரமாக இருக்கும். குடும்பத்தினர் தேவைகள் அனைத்தையும் பூர்த்தி செய்து தருவீர்கள். தொழிலில் ஏற்பட்டிருந்த நெருக்கடி நீங்கும். தேவையான உதவிகள் கிடைக்கும். வங்கி தொடர்பான பிரச்சினைகள் முடிவுக்கு வரும்.

ஞாயிறு -
பணத்தேவைகள் உடனுக்குடன் பூர்த்தியாகும். வரவேண்டிய பாக்கிகள் வசூலாகும். வியாபாரத்தில் வளர்ச்சி ஏற்படும். தொழில் தொடர்பாக தேவையான உதவிகள் கிடைக்கும். அயல்நாட்டிலிருந்து நல்ல தகவல் கிடைக்கும். நண்பர்களால் உதவிகள் கிடைக்கப் பெறுவீர்கள்.

வணங்க வேண்டிய தெய்வம் -
முருகப் பெருமானை வணங்குங்கள். சண்முகக் கவசம் பாராயணம் செய்யுங்கள். எதிர்பார்த்த உதவிகள் கிடைக்கும்.
***************

அவிட்டம் -

தேவையான உதவிகள் அனைத்தும் கிடைக்கும்.

குடும்பத்தில் ஏற்பட்டிருந்த பிரச்சினைகள் முடிவுக்கு வரும். கணவன் மனைவி ஒற்றுமை பலப்படும். தாய் தந்தையின் ஆரோக்கியம் சிறப்பாக இருக்கும்.
குழந்தைகளுக்கு ஏற்பட்ட உடல்நல பாதிப்புகள் விலகும். மருத்துவச் செலவுகள் இனி இருக்காது. உறவினர்களுக்கும் நண்பர்களுக்கும் உதவி செய்ய வேண்டிய சூழ்நிலைகள் உருவாகும். முடிந்தவரை உதவிகளைச் செய்வது நல்லது.

அலுவலகத்தில் சக ஊழியர்களுடன் இணக்கமான சூழ்நிலை ஏற்படும். அலுவலக வேலைகளை சக ஊழியர்களுடன் பகிர்ந்து கொண்டு செய்து முடிப்பீர்கள். தொழிலில் லாபம் இருக்கும். புதிய தொழில் வாய்ப்புகள் கிடைக்கும்.

வியாபார வளர்ச்சி சீராக இருக்கும். எதிர்பார்த்த ஆதாயம் கிடைக்கும். நண்பர்களுடன் இணைந்து வியாபாரம் ஒன்று தொடங்குவீர்கள். பெண்களுக்கு இயல்பாக சொத்துச் சேர்க்கை ஏற்படும் வாய்ப்பு உள்ளது.

திருமணமாகாத பெண்களுக்கு திருமணம் உறுதியாகும். புத்திரபாக்கியம் இல்லாதவர்களுக்கு குழந்தை பாக்கியம் உருவாகும். புத்திர பாக்கியத்திற்காக மருத்துவச் செலவு செய்ய வேண்டிய நிலை இனி இருக்காது.

கலைஞர்களுக்கு சிறப்பான வாய்ப்புகள் கிடைக்கும். புதிய ஒப்பந்தங்கள் கையெழுத்தாகும் வாய்ப்பு உள்ளது.

இந்த வாரம் -

திங்கள் -
எதிர்பார்த்த பணவரவு எதிர்பார்த்தபடியே கிடைக்கும். சிறு தூர பயணங்கள் ஏற்படும். வியாபாரம் சீராக இருக்கும். தொழிலில் வளர்ச்சி உண்டாகும். புதிய ஒப்பந்தங்கள் ஏற்படும்.

செவ்வாய் -
வியாபார பேச்சுவார்த்தைகள் சாதகமாக இருக்கும். அலுவலக வேலைகளில் ஏற்பட்டிருந்த மந்தநிலை மாறி சுறுசுறுப்பாகப் பணியாற்றுவீர்கள். தொழில் தொடர்பான சந்திப்பு மகிழ்ச்சி தருவதாக இருக்கும். குடும்பத் தேவைகள் அனைத்தையும் பூர்த்தி செய்து தருவீர்கள். வீட்டுக்கு அத்தியாவசியமான பொருட்களை வாங்க வேண்டிய சூழ்நிலை உருவாகும். மின்சார பொருட்கள், மின்னணு பொருட்கள் வாங்க வேண்டியது வரும்.

புதன் -
நிதானமாக சிந்தித்து செயல்பட வேண்டிய நாள். செலவுகள் அதிகமாக ஏற்படும். வீண் விரயங்கள் ஏற்படும் வாய்ப்பும் உள்ளது. தொழில் மற்றும் வியாபாரத்தில் எதிர்பார்த்த உதவிகள் தாமதமாகும்.

வியாழன் -
நேற்றைய பிரச்சினைகள் அனைத்தும் இன்று முடிவுக்கு வரும். பணவரவு எதிர்பார்த்தபடியே இருக்கும். வியாபார வளர்ச்சி சீராக இருக்கும். சகோதர வகையில் இருந்த வருத்தங்கள் தீரும். சொத்து தொடர்பான பிரச்சினைகள் தீரும். தொழிலுக்குத் தேவையான உதவிகள் கிடைக்கும்.

வெள்ளி -
பணவரவு தாராளமாக இருக்கும். எதிர்பார்த்த நல்ல தகவல் கிடைக்கும். தொழில் தொடர்பாக சந்திப்புகளில் ஏற்படும். முக்கியமான பிரச்சினைகள் அனைத்தும் முடிவுக்கு வரும். கடன் தொடர்பான பிரச்சினைகள் கட்டுக்குள் இருக்கும். வியாபாரம் தொடர்பாக நீண்ட நாளாக வராமலிருந்த பணம் வந்துசேரும். திருமண முயற்சிகள் சாதகமாக இருக்கும்.

சனி -
குடும்பத்தினர் தேவைகளைப் பூர்த்தி செய்து தருவீர்கள். அலுவலகத்தில் உங்களுக்கு கூடுதல் பொறுப்புகள் கிடைக்கும். தொழில் மற்றும் வியாபாரத்தில் சீரான வளர்ச்சி லாபமும் கிடைக்கும். உறவினர்களால் ஆதாயம் கிடைக்கும்.

ஞாயிறு -
பணவரவு தாராளமாக இருக்கும். எடுத்துக்கொண்ட முயற்சிகள் அனைத்தும் வெற்றி தரும். சுபகாரிய பேச்சுவார்த்தையில் முன்னேற்றம் ஏற்படும். தொழிலில் இருப்பவர்களுக்கு புதிய ஒப்பந்தங்கள் கிடைக்கும் வாய்ப்பு உள்ளது.

வணங்க வேண்டிய தெய்வம் -
சிவ வழிபாடு செய்யுங்கள். தேவைகள் நிறைவேறும். நினைத்தது நடக்கும்.
****************

சதயம் -

அதிக அளவிலான நன்மைகள் ஏற்படும்.எதிர்பார்த்த பணவரவு எதிர்பார்த்தபடியே கிடைக்கும்.

முயற்சிகளில் முன்னேற்றம் ஏற்படும். ஆரோக்கிய பாதிப்புகள் முற்றிலுமாகத் தீரும். தாயாரின் உடல் நலத்தில் முன்னேற்றம் ஏற்படும். மருத்துவச் செலவு வெகுவாகக் குறையும்.

சொத்துகளில் ஏற்பட்ட பிரச்சினைகளுக்கு தீர்வு கிடைக்கும். திருமண வயதில் இருப்பவர்களுக்கு திருமணம் உறுதியாகும். இதுவரை நல்ல வேலை இல்லாமல் இருப்பவர்களுக்கு இப்போது நல்ல வேலை கிடைக்கும். வேறு நிறுவனங்களுக்கு மாறும் முயற்சி சாதகமாக இருக்கும்.

சகோதரர்களால் உதவிகள் கிடைக்கப் பெறுவீர்கள். வியாபாரத்தில் சீரான வளர்ச்சியும் லாபமும் கிடைக்கும். தொழில் தொடர்பாக எடுக்கும் முயற்சிகளில் முன்னேற்றம் காணப்படும்.

வியாபார விஷயங்கள் ஆதாயம் தருவதாக இருக்கும். புதிய வியாபார வாய்ப்புகள் கிடைக்கும். வியாபாரத்தில் அலைச்சல் அதிகமாக இருந்தாலும் ஆதாயம் கட்டாயம் உண்டு.

பெண்கள் குடும்பத்தினருடன் மகிழ்ச்சியாக இருப்பார்கள். தேவைகள் அனைத்தும் பூர்த்தியாகும். மாணவர்கள் கல்வியில் அதிக அக்கறையும் கூடுதல் கவனமும் செலுத்தவேண்டும். கலைஞர்களுக்கு புதிய வாய்ப்புகள் அல்லது ஒப்பந்தங்கள் தொடர்பான பேச்சுவார்த்தைகள் தொடங்கும். ஒப்பந்தங்கள் முடிவாகும் வாய்ப்பு உள்ளது

இந்த வாரம் -

திங்கள் -
அலுவலக வேலையில் அழுத்தங்கள் குறையும். எடுத்துக்கொண்ட வேலைகள் அனைத்தையும் உடனுக்குடன் செய்து முடிப்பீர்கள். தொழில் மற்றும் வியாபாரத்தில் எதிர்பார்த்த லாபம் கிடைக்கும். சிறு தூரப் பயணங்களால் ஆதாயம் ஏற்படும்.

செவ்வாய் -
எடுத்துக்கொண்ட வேலைகளில் திருப்திகரமான முன்னேற்றம் ஏற்படும். வியாபாரத்தை விரிவு படுத்துவதற்கான முயற்சிகளில் ஈடுபடுவீர்கள். தொழிலுக்குத் தேவையான உதவி கிடைக்கும். இன்று அது தொடர்பான நல்ல தகவல் கிடைக்கும் வாய்ப்பு உள்ளது.

புதன் -
நினைத்த காரியத்தை நினைத்தபடி செய்து முடிப்பீர்கள். பணவரவு தாராளமாக இருக்கும். தொழில் மற்றும் வியாபாரத்தில் லாபம் இரட்டிப்பாக இருக்கும். எந்த முயற்சியாக இருந்தாலும் முழு வெற்றியைக் கொடுக்கக் கூடியதாக இருக்கும். குடும்பப் பிரச்சினைகள் அனைத்தும் முடிவுக்கு வரும். ஆரோக்கியத்தில் பாதிப்புகள் முற்றிலுமாக அகலும். தாய்வழி உறவுகளால் ஆதாயம் கிடைக்கப் பெறுவீர்கள். எதிர்பாராத திடீர் பணவரவு உண்டு.

வியாழன் -
எந்த விஷயத்திலும் பொறுமையாக இருப்பது நல்லது. அவசர முடிவுகள் எடுக்க வேண்டாம். வியாபார விஷயங்களில் கவனமாக இருக்கவேண்டும். நிதானம் மிக மிக அவசியம்.

வெள்ளி -
எதிர்பார்த்த உதவிகள் கிடைக்கும். தாமதமாகிக் கொண்டிருந்த பணவரவு இன்று கைக்கு வந்து சேரும். அலுவலகத்தில் இருந்த பிரச்சினைகள் குறையும். தொழில் தொடர்பாக தள்ளிப்போன சந்திப்பு இன்று நடப்பதற்கான வாய்ப்பு உள்ளது. கடன் பிரச்சினை ஒன்று முடிவுக்கு வரும்.

சனி -
நீண்ட நாளாகவே எதிர்பார்த்துக் கொண்டிருந்த ஒப்பந்தம் இன்று நிறைவேறும். வெளிநாட்டிலிருந்து நல்ல தகவல் கிடைக்கும். நண்பர்களால் ஆதாயம் கிடைக்கப் பெறுவீர்கள். கலைஞர்களுக்கு ஒப்பந்தங்கள் ஏற்படுவதற்கான சூழ்நிலை உருவாகும். பூர்வீகச் சொத்து சம்பந்தமான பிரச்சினைகள் தீர்வுக்கு வரும்.

ஞாயிறு -
பராமரிப்புச் செலவுகள் அதிகமாக இருக்கும். குடும்பத்தினரின் தேவைகளைப் பூர்த்தி செய்து தருவீர்கள். வீட்டிற்குத் தேவையான அத்தியாவசியப் பொருட்களை வாங்குவதற்கும், பழுதடைந்த பொருட்களை மாற்றவும் வாய்ப்புகள் உள்ளன.

வணங்க வேண்டிய தெய்வம் -
ஸ்ரீ நடராஜப் பெருமானை வணங்குங்கள். தடைகள் அகலும். நன்மைகள் பெருகும்.
******************

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

தவறவிடாதீர்!



திருவோணம்அவிட்டம்சதயம்;  இந்த வார நட்சத்திர பலன்கள் - (மே-17 முதல் 23ம் தேதி வரை)சதயம்பலன்கள்ஜோதிட பலன்கள்ஜோதிடம்நட்சத்திர பலன்கள்வார நட்சத்திர பலன்கள்இந்த வார நட்சத்திர பலன்கள்சொல்வாக்கு ஜோதிடர் ஜெயம் சரவணன்ThiruvonamAvittamSathayamPalangalVaara palangalJodhidamJodhida palangalVaara natchatira palangal

Sign up to receive our newsletter in your inbox every day!

More From This Category

More From this Author

x