அஸ்தம், சித்திரை, சுவாதி; வார நட்சத்திர பலன்கள் ; ஜனவரி 25 முதல் 31ம் தேதி வரை

- ‘சொல்வாக்கு ஜோதிடர்’ ஜெயம் சரவணன்

அஸ்தம் -

சிறப்பான நன்மைகள் கிடைக்கக் கூடிய வாரம்.

தேவைகள் பூர்த்தியாகும். ஆரோக்கியம் சிறப்பாக இருக்கும். மருத்துவச் செலவுகள் அறவே இல்லாமல் போகும். மனதில் இதுவரை இருந்து வந்த சஞ்சலங்கள் அகன்று மன தைரியம் பிறக்கும்.

அலுவலகத்தில் கூடுதல் பொறுப்புகள் கிடைக்கும். தொழிலில் எதிர்பார்க்கும் லாபம் முழுமையாகக் கிடைக்கும். வியாபாரிகள் தங்கள் வியாபாரத்தில் வளர்ச்சியும் லாபமும் கிடைக்கப்பெறுவார்கள்.

பெண்கள் தங்களின் ஆரோக்கியத்தில் முன்னேற்றம் காண்பார்கள். பூர்வீகச் சொத்து சம்பந்தமான விஷயங்கள் சாதகமாக இருக்கும்.

மாணவர்கள் கல்வியில் நல்ல முன்னேற்றம் காண்பார்கள். விரும்பிய கல்வி கிடைக்கும். கலைஞர்களுக்கு நல்ல ஒப்பந்தங்கள் கிடைக்கும்.

இந்த வாரம் -

திங்கள் -
நினைத்த காரியத்தை நினைத்தபடியே செய்து முடிக்கக் கூடிய நாள். ஆதாயம் அதிகமாக இருக்கும். எதிர்பாராத வருமானங்கள் ஒரு சிலருக்குக் கிடைக்கும். பணப்புழக்கம் சரளமாக இருக்கக்கூடிய நாள்.

செவ்வாய் -
வியாபாரத்தில் ஏற்பட்ட பிரச்சினைகள் அனைத்தும் இன்று முடிவுக்கு வரும். அலுவலகத்தில் சக ஊழியர்களுடன் ஏற்பட்ட மன வருத்தங்கள் அகன்று மீண்டும் நட்பு ஏற்படும். கமிஷன் தொழிலில் லாபம் இருமடங்காக இருக்கும். எதிர்பார்த்த உதவிகள் அனைத்தும் கிடைக்கும்.

புதன் -
தேவையற்ற விவாதம் செய்யாதீர்கள். அலுவலகத்தில் உங்கள் பணியை மட்டும் செய்யுங்கள். அடுத்தவர்கள் விஷயத்தில் தலையிட வேண்டாம். குடும்பத்தினரிடம் இணக்கமாக இருங்கள். பயணங்கள் ஏதும் செய்ய வேண்டாம்.

வியாழன் -
எடுத்துக்கொண்ட முயற்சிகள் அனைத்தும் வெற்றியாகும். பணத்தேவைகள் பூர்த்தியாகும். வியாபார விஷயங்கள் சாதகமாக இருக்கும். பெண்களுக்கு ஆடை ஆபரணச் சேர்க்கை ஏற்படும். சொத்து தொடர்பான விஷயங்கள் நல்ல முடிவு கிடைக்கும்.

வெள்ளி -
திருமணம் தொடர்பான விஷயங்களில் முன்னேற்றம் ஏற்படும். திருமணத் தேதி முடிவாகும் வாய்ப்பு உள்ளது. குழந்தை இல்லாத தம்பதிகளுக்கு இன்று குழந்தை பாக்கியம் பற்றிய நல்ல தகவல் உறுதியாகும். தொழில் தொடர்பான உதவிகள் கிடைக்கும். வியாபாரத்தில் எதிர்பாராத லாபம் கிடைக்கும்.

சனி-
குடும்ப நலன் சார்ந்த சில முக்கிய முடிவுகள் எடுப்பீர்கள். குழந்தைகளின் எதிர்காலத்திற்காக சேமிக்கத் தொடங்குவீர்கள். அலுவலகத்தில் கூடுதல் பொறுப்புகள் கிடைக்கும். வியாபார விஷயங்கள் சாதகமாக இருக்கும்.

ஞாயிறு -
பெரும் நன்மைகள் ஏற்படும் நாள். பணவரவுகள் தாராளமாக இருக்கும். எடுத்துக்கொண்ட வேலைகள் அனைத்தும் வெற்றிகரமாக முடியும். வியாபார பேச்சுவார்த்தைகள் சாதகமாக இருக்கும். வரவேண்டிய பாக்கிகள் வசூலாகும். தொழில் தொடர்பாக முக்கிய நபர்களின் சந்திப்பு நம்பிக்கை தருவதாக இருக்கும்.

வணங்க வேண்டிய தெய்வம்-
ஸ்ரீ வெங்கடேச பெருமாளுக்கு நெய் தீபம் ஏற்றி வழிபடுங்கள், நன்மைகள் பெருகும்.
******************

சித்திரை -

எடுத்துக்கொண்ட முயற்சிகள் அனைத்தும் வெற்றியாகும் வாரம்.

தேவைகள் பூர்த்தியாகும். குடும்பத்தில் மகிழ்ச்சி நிலவும். எதிர்பார்த்த உதவிகள் கிடைக்கும். சொத்துகள் வாங்குவது அல்லது விற்பது போன்ற விஷயங்கள் எதுவானாலும் இப்போது நல்ல முன்னேற்றத்தைக் காணலாம்.

திருமணம் ஆகாதவர்களுக்கு திருமணம் உறுதியாகும். திருமணமான தம்பதிகளுக்கு புத்திர பாக்கியமும் உண்டாகும். இரண்டாவது புத்திர பாக்கியத்திற்கு வாய்ப்பும் பலமாக உள்ளது.

புதிய வியாபார முயற்சிகளில் ஈடுபட ஆர்வம் காட்டுவீர்கள். அதேபோல புதிய தொழில் தொடங்கும் வாய்ப்புகளும் அதிகம், தேவையான உதவிகளும் கிடைக்கும். அலுவலகத்தில் இயல்பான நிலை இருக்கும். நீண்டகாலமாக தாமதமாகிக் கொண்டிருந்த பதவி உயர்வு இப்போது கிடைக்கும் வாய்ப்பு உள்ளது, இந்த வாரம் அது பற்றிய தகவல் உறுதியாகும்.

வியாபார வளர்ச்சி சீராக இருக்கும், எதிர்பார்த்த லாபம் எதிர்பார்த்தபடி கிடைக்கும். புதிய வியாபார வாய்ப்புகள் அல்லது வியாபார நிறுவனத்தை விரிவுபடுத்துவதற்குத் தேவையான உதவிகள் கிடைக்கும்.

உணவுப் பொருட்கள் விற்பனை தொடர்பான வியாபாரம் செய்பவர்களுக்கு சிறப்பான வியாபார வளர்ச்சி உண்டாகும். தங்கள் வியாபாரத்தை விரிவுபடுத்தும் வாய்ப்பு உண்டு, வியாபாரத்தில் புதிய முயற்சிகளில் ஈடுபட்டு வெற்றி காண்பீர்கள்.

பெண்களுக்கு தந்தைவழி உறவுகளால் ஆதாயம் ஏற்படும். சகோதரர்களுக்கு திருமணம் உறுதியாகும். மாணவர்களுக்கு கல்வியில் நல்ல முன்னேற்றம் ஏற்படும். கலைஞர்களுக்கு மகிழ்ச்சி தரக்கூடிய ஒப்பந்தம் ஒன்று கிடைக்கும்.

இந்த வாரம் -

திங்கள் -
தொலைபேசி வழித் தகவல் உற்சாகத்தைத் தரும். கடன் பிரச்சினைகள் முடிவுக்கு வருவதற்கான வாய்ப்புகள் உள்ளன. வங்கியில் தொழில் தொடர்பாக கடன் கிடைக்கும். வியாபார பேச்சு வார்த்தைகள் திருப்திகரமாக இருக்கும். அலுவலகப் பணிகளில் அழுத்தங்கள் குறையும்.

செவ்வாய்-
பொறுமையோடு நிதானத்தையும் கடைபிடிக்கவேண்டும். அவசர முடிவுகள் எடுக்க வேண்டாம். தொழில் தொடர்பாக பேச்சுவார்த்தைகளில் ஈடுபடவேண்டாம். பயணங்களைத் தவிர்ப்பது நல்லது. வியாபாரத்தில் அதிக கவனம் செலுத்த வேண்டிய நாள்.

புதன் -
பணவரவு தாராளமாக இருக்கும். தொழில் மற்றும் வியாபாரத்தில் சீரான நிலை தொடரும். குடும்பத் தேவைகள் பூர்த்தியாகும் இல்லத்திற்கு புதிய பொருட்கள் வாங்கும் வாய்ப்பு உண்டு. திருமணம் உள்ளிட்ட சுப காரிய விசேஷங்கள் முடிவாகும். புத்திர பாக்கியம் தொடர்பான தகவல் மன மகிழ்ச்சி தரக்கூடியதாக இருக்கும்.

வியாழன் -
அதிக அளவு நன்மைகள் ஏற்படும், பணவரவு எதிர்பார்த்தபடியே இருக்கும். நண்பர்கள் தேடி வந்து உதவி செய்வார்கள். கூட்டுத் தொழில் செய்து கொண்டிருப்பவர்களுக்கு லாபம் எதிர்பார்த்தபடி இருக்கும். பெண்களுக்குத் திருமணம் சம்பந்தப்பட்ட முயற்சிகள் சாதகமாக இருக்கும்.

வெள்ளி -
வெளிநாட்டிலிருந்து நல்ல தகவல்கள் கிடைக்கும். நண்பர்கள் தேடி வந்து உதவி செய்வார்கள். இல்லத்தில் சுபகாரிய பேச்சுவார்த்தைகள் முடிவாகும். குழந்தை பாக்கியம் பற்றிய நல்ல தகவல் உறுதியாகும்.

சனி-
நீண்ட நாளாக எதிர்பார்த்துக் கொண்டிருந்த நல்ல தகவல் இன்று கிடைக்கும். வியாபாரம் தொடர்பாக சந்திப்புகள் ஏற்படும் அதன் மூலம் ஆதாயம் கிடைக்கும். தொழிலுக்குத் தேவையான உதவிகள் கிடைக்கும்.

ஞாயிறு -
தாமதமாகிக் கொண்டிருந்த வேலைகள் அனைத்தும் செய்து முடிப்பீர்கள். வியாபார ஒப்பந்தங்கள் நிறைவேறும். எதிர்பார்த்த பணவரவு கிடைக்கும். பயணங்களால் ஆதாயம் உண்டாகும். கமிஷன் தொழில் செய்து கொண்டிருப்பவர்களுக்கு வருமானம் எதிர்பார்த்தபடி கிடைக்கும்.

வணங்க வேண்டிய தெய்வம் -
ஆதித்ய ஹ்ருதயம் கேளுங்கள், சூரிய வழிபாடு செய்வது நன்மைகளை அதிகப்படுத்தித் தரும். முயற்சிகளில் வெற்றி கிடைக்கும்.
*******************

சுவாதி -

சிறப்பான பலன்கள் நடைபெறும் வாரம்.

குடும்பத்தில் அமைதி நிலவும். குடும்பத்தினர் ஒத்துழைப்பு கிடைக்கும். மனைவி வழி உறவுகள் உதவி செய்வார்கள். சொத்துப் பிரச்சினைகள் சுமுகமாகும்.
பாகப்பிரிவினைகள் ஒழுங்காகும். அலுவலகத்தில் சக ஊழியர்களின் ஒத்துழைப்பு கிடைக்கும். பணி நிமித்தமாக வெளியூர்ப் பயணம் மேற்கொள்ள வேண்டியது வரும். இன்னும் ஒரு சிலருக்கு பணி இடமாற்றம் ஏற்படும் வாய்ப்பு உள்ளது.

தொழிலில் புதிய ஒப்பந்தங்கள் கிடைக்கப் பெறுவீர்கள், முதலீடுகள் கிடைக்கப்பெறுவீர்கள். புதிய தொழில் வாய்ப்புகளும் உண்டாகும். வியாபாரிகளுக்கு எதிர்பார்த்த லாபம் கிடைக்கும். புதிய வியாபாரக் கிளைகள் ஆரம்பிப்பீர்கள்.

வியாபாரத்தை விரிவுபடுத்துவதற்கான உதவிகள் கிடைக்கும். பெண்கள் தாங்கள் எடுத்துக்கொண்ட முயற்சிகள் அனைத்திலும் வெற்றி காண்பார்கள்.
திருமண முயற்சிகள் கைகூடும். தந்தை வழி சொத்துகள் கிடைக்கும் வாய்ப்பு உண்டு. கலைஞர்களுக்கு நல்ல வாய்ப்புகள் கிடைக்கும்.

மாணவர்கள் கல்வியில் நல்ல முன்னேற்றம் காண்பார்கள்.

இந்த வாரம் -
திங்கள் -
தேவையான உதவிகள் கிடைக்கும். புதிய தொழில் அல்லது வியாபார வாய்ப்புகள் தேடி வரும் வருமானம் தரக்கூடிய வியாபார ஒப்பந்தம் கிடைக்கும். உத்தியோகம் தொடர்பான பயணம் மேற்கொள்ள வேண்டியது வரும்.

செவ்வாய்-
வேண்டிய உதவிகள் அனைத்தும் கிடைக்கும். தொழில் ஒப்பந்தங்கள் ஏற்படும். வியாபாரத்தில் நல்ல வளர்ச்சி உண்டாகும். திருமண முயற்சிகளில் முன்னேற்றம் ஏற்படும்.

புதன் -
அலுவலகத்தில் பணிச்சுமை கூடும். சக ஊழியர்களின் பணியைச் செய்ய வேண்டிய நிர்ப்பந்தம் உண்டாகும். வியாபாரம் தொடர்பான விஷயங்களில் இழுபறியான நிலை நீடிக்கும். வங்கிக் கடன் தொடர்பான விஷயங்கள் சற்று தள்ளிப் போகும். குடும்பச் செலவுகள் அதிகமாக இருக்கும்.

வியாழன் -
எதிர்பார்த்த உதவிகள் அனைத்தும் கிடைக்கும். வியாபார வளர்ச்சி சீராக இருக்கும். தொழில் தொடர்பான ஒப்பந்தங்கள் ஏற்படும் வாய்ப்பு உள்ளது. குடும்பத்தின் தேவைகள் பூர்த்தியாகும்.

வெள்ளி-
அத்தியாவசியப் பயணங்கள் தவிர மற்ற பயணங்களைத் தவிர்த்து விடுங்கள். கோபத்தை குறைத்துக் கொள்ள வேண்டும். உணர்ச்சிவசப்பட்டு எந்த முடிவுகளையும் எடுக்கக் கூடாது.வீண் செலவுகள், விரயங்கள் ஏற்படும்.

சனி -
உத்தியோகத்தில் எதிர்பார்த்த சலுகைகள் கிடைக்கும். கடன் தொடர்பான பிரச்சினைகள் பேசித் தீர்க்கப்படும். அலுவல் ரீதியாக மேற்கொள்ளும் பயணங்கள் திருப்திகரமாக இருக்கும். நண்பர்களிடம் கொடுத்திருந்த கடன் திரும்பக் கிடைக்கும்.

ஞாயிறு-
நீண்ட நாளாக எதிர்பார்த்துக் கொண்டிருந்த உதவிகள் கிடைக்கும். தாய்வழி உறவினர்களால் நன்மைகள் ஏற்படும். திருமணம் தொடர்பான முயற்சிகள் இன்று சுமுகமான முடிவுக்கு வரும். வியாபாரத்தில் லாபம் பெருகும். கலைஞர்களுக்கு பேச்சுவார்த்தைகள் முடிவடைந்து ஒப்பந்தங்கள் ஏற்படும் வாய்ப்பு உள்ளது.

வணங்க வேண்டிய தெய்வம் -
ஸ்ரீ நரசிம்மர் வழிபாடு செய்யுங்கள். நரசிம்மருக்கு பானகம் நிவேதனம் செய்து அர்ச்சனை செய்வது மேலும் நல்ல பலன்களை தரும்.
***************