இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: தடைபட்டிருந்த காரியங்கள் மீண்டும் வேகமெடுக்கும். பழைய பிரச்சினைகளுக்கு மாறுபட்ட அணுகுமுறையால் தீர்வு காண்பீர்கள். பணவரவு திருப்தி தரும்.

ரிஷபம்: வேலைச்சுமை அதிகமாகும். தவிர்க்க முடியாத பயணங்கள் ஏற்படும். வீண் விவாதங்களில் ஈடுபட வேண்டாம். சற்று அயர்ச்சியுடன் காணப்படுவீர்கள்.

மிதுனம்: செலவினங்கள் கூடும். நீண்டநாட்களாக செல்ல நினைத்திருந்த புண்ணிய தலங்களுக்குச் சென்று வருவீர்கள். மூத்த சகோதரருடன் நிலவிய மனஸ்தாபம் நீங்கும்.

கடகம்: வேலைக்காக எதிர்பார்த்து இருந்தவர்களுக்கு நல்ல தகவல் வரும். வீட்டை ரசனைக்கேற்ப அழகுபடுத்துவீர்கள். கணவன் - மனைவி இடையே அன்யோன்யம் உண்டாகும்.

சிம்மம்: இழுபறியாக இருந்துவந்த வேலைகள் முடியும். தந்தையாரின் உடல் நிலை சீராகும். அரசு சம்பந்தப்பட்ட காரியங்கள் சாதகமாகும். வெளிவட்டாரத்தில் செல்வாக்குக் கூடும்.

கன்னி: எதையும் சமாளிக்கும் மன தைரியம் பிறக்கும். பணப்பிரச்சினையை சமாளிக்க வழி கிடைக்கும். சொந்தபந்தங்களிடையே இருந்துவந்த சலசலப்புகள் நீங்கும்.

துலாம்: செலவுகள் கட்டுக்கடங்காமல் போகும். அதற்கேற்ப வருமானத்தை பெருக்க வேண்டுமென்று யோசிப்பீர்கள். தங்க ஆபரணங்களை கவனமாகக் கையாளுங்கள்.

விருச்சிகம்: எதிர்மறை எண்ணங்கள் நீங்கும். குடும்பத்தில் மகிழ்ச்சிகரமான சூழல் நிலவும். கல்யாணப் பேச்சுவார்த்தைகள் நல்ல விதத்தில் முடிவடையும்.

தனுசு: பிள்ளைகளால் மகிழ்ச்சி உண்டு. அவர்களை நல்ல கல்வி நிறுவனத்தில், விரும்பிய பாடப்பிரிவில் சேர்ப்பீர்கள். நீண்ட நாட்களாக எதிர்பார்த்த பணம் கைக்கு வரும்.

மகரம்: பிரச்சினைகளை சமாளிக்கும் சக்தி கிடைக்கும். ஓரளவு பணவரவு உண்டு. தாயாரின் ஆதரவு கிடைக்கும். மனைவிவழி உறவினர்களால் சில காரியங்கள் நிறைவேறும்.

கும்பம்: வீட்டை விரிவுபடுத்தி கட்ட திட்டமிடுவீர்கள். எதிர்பாராத பயணம் ஏற்படலாம். பிரச்சினைகளை எதிர்கொள்ளும் சாமர்த்தியம் பிறக்கும். கலைப்பொருட்கள் சேரும்.

மீனம்: தொட்டதெல்லாம் துலங்கும். தடைகள் நீங்கும். இழுபறியாக இருந்த வேலைகள் முடிவடையும். கணவன் - மனைவி இடையே நிலவிய பனிப்போர் முடிவுக்கு வரும்.