இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: திருமணம் கைகூடி வரும். விரும்பிய பொருட்களை வாங்கி மகிழ்வீர்கள். ஓரளவு பணவரவு உண்டு. பூர்வீக சொத்தை சீரமைக்கும் பணியில் ஈடுபடுவீர்கள்.

ரிஷபம்: அடிப்படை வசதிகள் பெருகும். வழக்கு விவகாரங்கள் முடிவுக்கு வரும். உறவினர் வீட்டு விசேஷங்களில் முதல் மரியாதை கிடைக்கும். திடீர் பயணம் ஏற்படலாம்.

மிதுனம்: விலகியிருந்த உறவினர், நண்பர்கள் தேடி வந்து பேசுவார்கள். விருந்தினர் வருகை அதிகரிப்பால் வீடு கலகலப்பாகும். வெளிவட்டாரத்தில் புது அனுபவம் உண்டாகும்.

கடகம்: தொட்ட காரியங்கள் துலங்கும். அனுபவப்பூர்வமாகப் பேசுவீர்கள். அரசால் ஆதாயம் உண்டு. கடனைப் பைசல் செய்ய புது வழி பிறக்கும். ஆன்மிகத்தில் நாட்டம் அதிகரிக்கும்.

சிம்மம்: குடும்பத்தில் இழந்த செல்வாக்கை மீண்டும் பெறுவீர்கள். நீண்டநாட்களாக எதிர்பார்த்த தொகை கைக்கு வரும். பெரிய மனிதர்களின் நட்பு கிடைக்கும். கலைப்பொருட்கள் சேரும்.

கன்னி: நெருங்கியவர்கள் சிலரால் தர்மசங்கடமான சூழ்நிலையை சமாளிக்க வேண்டி வரும். யோகா, தியானத்தில் மனதை செலுத்துங்கள். எதிர்மறையான எண்ணங்கள் மேலோங்கும்.

துலாம்: முன்பின் அறியாதவர்களிடம் குடும்ப அந்தரங்க விஷயங்களை பகிர்ந்து கொள்ள வேண்டாம். மற்றவர்களின் நயமான வார்த்தைகளைக் கேட்டு ஏமாந்து விடாதீர்கள்.

விருச்சிகம்: உங்களின் புகழ், கவுரவம் உயரும். தடைபட்ட வேலைகளை விரைந்து முடிப்பீர்கள். அரசியல் கட்சி பிரமுகருடன் நட்பு கிடைக்கும். அடுத்தடுத்து சுபநிகழ்ச்சிகளுக்கு ஏற்பாடாகும்.

தனுசு: கடந்தகால இனிமையான அனுபவங்களை நினைத்து அவ்வப்போது மகிழ்வீர்கள். வீண் விவாதங்களை தவிர்ப்பீர்கள். எதிலும் உங்கள் கை ஓங்கும். பணவரவு திருப்தி தரும்.

மகரம்: ஆடம்பரச் செலவுகளை குறைத்து வருங்காலத்துக்காக சேமிக்கத் தொடங்குவீர்கள். உறவினர், நண்பர்கள் மத்தியில் மதிப்பு உயரும். ஆன்மிகப் பயணம் செல்வீர்கள்.

கும்பம்: வரவுக்கு மிஞ்சிய செலவுகள் இருந்தாலும் சமாளித்து விடுவீர்கள். சொந்த ஊரில் எதிர்ப்புகள் ஏற்படக் கூடும். முக்கிய விஷயங்களை நீங்களே நேரில் சென்று முடியுங்கள்.

மீனம்: கணவன் - மனைவிக்குள் இருந்த ஈகோ பிரச்சினை, வீண் சந்தேகம் விலகும். புது பொறுப்புகளும், பதவிகளும் தேடி வரும். உங்களின் இலக்கை நோக்கி முன்னேறுவீர்கள்.