Published : 22 Dec 2020 06:27 AM
Last Updated : 22 Dec 2020 06:27 AM

இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: குடும்பத்தில் சுபச் செலவுகள் ஏற்படும். விருந்தினர் வருகையால் வீடு களைகட்டும். ஆனால் பேச்சில் நிதானம் தேவை. அடுத்தவர் விவகாரங்களில் தலையிட வேண்டாம்.

ரிஷபம்: நவீன ஆடை, ஆபரணங்கள் வாங்குவீர்கள். உறவினர்கள், நண்பர்கள் உங்களின் பெருந்தன்மையை புரிந்து கொள்வார்கள். கணவன் - மனைவி இடையே அன்யோன்யம் ஏற்படும்.

மிதுனம்: மனக்குழப்பம் நீங்கி தெளிவான முடிவுகள் எடுப்பீர்கள். குடும்பத்தில் குதூகலமான சூழல் காணப்படும். பிள்ளைகளின் நட்பு வட்டம் விரியும். வாகனம் செலவு வைக்கும்.

கடகம்: வெளிவட்டாரத்தில் செல்வாக்கு கூடும். மகனுக்கு இருந்துவந்த கூடாபழக்க வழக்கங்கள் விலகும். சகோதரி உங்கள் வேலைகளை பகிர்ந்து கொள்வார். பணவரவு உண்டு.

சிம்மம்: விமர்சனங்களும், தாழ்வுமனப்பான்மையும் வந்து போகும். பணம், நகையை கவனமாக கையாளுங்கள். எதிலும் நிதானமாக செயல்படுங்கள். தாயாரின் ஆதரவு கிடைக்கும்.

கன்னி: மனோபலம் அதிகரிக்கும். நண்பர்கள் தக்க சமயத்தில் உதவுவார்கள். வீடு, வாகனத்தை சீர் செய்வீர்கள். அடகு வைத்திருந்த நகையை மீட்பதற்கு வழி பிறக்கும்.

துலாம்: பழைய இடத்தை விற்று புது வீடு வாங்குவீர்கள். வழக்கில் வெற்றி பெறுவீர்கள். மூத்த சகோதரர் வகையில் உதவிகள் கிடைக்கும். ஆன்மிக பயணம் செல்வீர்கள்.

விருச்சிகம்: வீட்டை புதுப்பிக்க திட்டமிடுவீர்கள். சிலர் வீடு மாறுவீர்கள். தூரத்து உறவினர்கள் தேடி வருவார்கள். தாய்மாமன் வகையில் எதிர்பார்த்த உதவிகள் கிடைக்கும்.

தனுசு: பிள்ளைகளை கேட்டதை வாங்கித் தருவீர்கள். பூர்வீக சொத்தை மாற்றுவீர்கள். தாயாரின் ஆரோக்கியத்தில் அக்கறை செலுத்துங்கள். வெளியூரில் இருந்து எதிர்பார்த்த செய்தி வரும்.

மகரம்: வீடு கட்ட அரசு அனுமதி கிட்டும். உறவினர்கள், நண்பர்கள் உங்களைப் புரிந்து கொண்டு வலிய வந்து உதவுவார்கள். தாயாரின் உடல் நலம் சீராகும். கலைப்பொருட்கள் சேரும்.

கும்பம்: புதிதாக சொத்து வாங்க திட்டமிடுவீர்கள். பணப்புழக்கம் அதிகரிக்கும்-. குடும்பத்தில் குழப்பம் நீங்கி ஒற்றுமை பிறக்கும். சாமர்த்தியமாகப் பேசி காரியம் சாதிப்பீர்கள்.

மீனம்: யாரையும் பகைத்துக் கொள்ளாதீர்கள். வீண் சந்தேகம், தாழ்வுமனப்பான்மை வந்து நீங்கும். யாருக்காகவும் சாட்சி கையெழுத்திடவோ, உத்தரவாதம் தரவோ வேண்டாம்.

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

FOLLOW US

Sign up to receive our newsletter in your inbox every day!

WRITE A COMMENT
 
x