Published : 26 Oct 2020 04:53 PM
Last Updated : 26 Oct 2020 04:53 PM

திருவோணம், அவிட்டம், சதயம் ; வார நட்சத்திரப் பலன்கள்; அக்டோபர் 26 முதல் நவம்பர் 1ம் தேதி வரை

- ‘சொல்வாக்கு ஜோதிடர்’ ஜெயம் சரவணன்

திருவோணம் -

எடுத்துக் கொள்ளும் முயற்சிகளில் முழுமையான வெற்றியைக் காண்பீர்கள்.

உங்கள் முயற்சிகளுக்கு குடும்பத்தினர் ஆதரவு கிடைக்கும். கணவன் மனைவி அந்நியோன்யம் அதிகமாகும். ஆரோக்கிய பாதிப்புகள் விலகும். மனதில் ஏற்பட்ட அச்ச உணர்வு விலகும். மனச் சோர்வு நீங்கும்.

உறவினர்களால் தேவையான உதவிகள் கிடைக்கும். அலுவலகத்தில் உங்களுக்கான மதிப்பு மரியாதை உயரும். கூடுதல் பொறுப்புகள் கிடைக்கும் வாய்ப்பு உள்ளது. தொழில் தொடர்பான முயற்சிகளில் முன்னேற்றம் ஏற்படும்.

புதிய நிறுவனங்களோடு தொழில் ஒப்பந்தங்கள் ஏற்படும். வியாபார வளர்ச்சி அமோகமாக இருக்கும். தேங்கி நின்ற பொருட்கள் விறுவிறுப்பாக விற்றுத் தீரும். திரவம் தொடர்பான வியாபாரம் மற்றும் எண்ணெய் வியாபாரம் செய்து வருபவர்களுக்கு நிறைவான லாபம் கிடைக்கும்.

கலைஞர்களுக்கு நல்ல வாய்ப்புகள் கிடைக்கும். பெண்களுக்கு குடும்ப ஒற்றுமை மேலோங்கும். இதுவரை வேலை இல்லாமல் இருந்தவர்களுக்கு நல்ல வேலை கிடைக்கும். திருமண முயற்சிகள் சாதகமாக இருக்கும். மாணவர்களுக்கு கல்வியில் நல்ல முன்னேற்றம் உண்டு.

இந்த வாரம் -

திங்கள்-
எதிர்பார்த்த உதவிகள் கிடைக்கும். வங்கி தொடர்பான பிரச்சினைகள் முடிவுக்கு வரும். ஒரு சிலர் ஏற்கெனவே இருக்கும் வங்கிக் கடனில் கூடுதலாக கடன் பெறவும் வாய்ப்பு உண்டு. வியாபார வளர்ச்சி சீராக இருக்கும். வரவேண்டிய பாக்கிகள் வசூலாகும். திடீர் பயணம் ஏற்பட்டு ஆதாயம் கிடைக்கும்.

செவ்வாய்-
கோபத்தைக் கட்டுப்படுத்த வேண்டும். உணர்ச்சிவசப்பட்டு எந்த முடிவுகளையும் எடுக்க வேண்டாம். வியாபார இடங்களில் வாடிக்கையாளர்களிடம் கவனமாகப் பேச வேண்டும். அலுவலகத்தில் சக ஊழியர்களுடன் தேவையில்லாத வாக்குவாதங்கள் செய்ய வேண்டாம். குடும்பத்தினரின் கருத்துக்கு மதிப்பளிக்க வேண்டும்.

புதன்-
நேற்றைய பிரச்சினைகள் அனைத்தும் இன்று முடிவுக்கு வரும். எதிர்பார்த்த உதவிகள் தேடி வரும். குடும்பத்தில் அமைதி நிலவும். அலுவலகத்தில் சக ஊழியர்களுடன் இணைந்து மிகப்பெரிய பணியை செய்து முடிக்கும் வாய்ப்பு உள்ளது. தொழில் வியாபாரத்தில் சீரான வளர்ச்சியும் லாபமும் கிடைக்கும்.

வியாழன்-
வேலை விஷயமாக பயணம் மேற்கொள்ள வேண்டியது வரும். உத்தியோகத்தில் இடமாற்றம் ஏற்படும் வாய்ப்பு உள்ளது. வியாபார விஷயங்கள் சுமுகமாக நடைபெறும். தொழில் தொடர்பாக எதிர்பார்த்த முதலீடுகள் கிடைக்கும். புதிய தொழில் ஒப்பந்தங்கள் ஏற்படும் வாய்ப்பு உள்ளது.

வெள்ளி-
குடும்ப நலன் சார்ந்து சில முக்கிய முடிவுகள் எடுப்பீர்கள். எதிர்காலத் தேவைகளுக்காக சேமிக்கும் எண்ணம் தோன்றும். பெண்களுக்கு எதிர்பார்த்த உதவிகள் கிடைக்கும். வேலை இல்லாத பெண்களுக்கு வேலை கிடைப்பதற்கான வாய்ப்பு உள்ளது. உறவினர்களிடம் ஏற்பட்டிருந்த மனக்கசப்புகள் மாறும்.

சனி-
பணவரவு இருமடங்காக இருக்கும். எதிர்பார்த்த உதவிகள் அனைத்தும் கிடைக்கும். வியாபார விஷயங்கள் லாபகரமாக இருக்கும். குடும்பத்தினர் தேவைகள் அனைத்தையும் பூர்த்தி செய்து தருவீர்கள். குடும்பத்தினருக்குத் தேவையானவற்றை வாங்கித் தருவீர்கள். அத்தியாவசிய செலவுகள் மட்டுமே ஏற்படும். அநாவசியச் செலவுகள் ஏற்பட வாய்ப்பில்லை.

ஞாயிறு-
எதிர்பாராத செலவுகள் ஏற்படும். வாகனப் பழுது, வீட்டு பராமரிப்புச் செலவுகள் என செலவுகள் அதிகமாக இருக்கும். நண்பர்கள் கடன் கேட்டு வருவார்கள். தேவையில்லாத வாக்குவாதங்கள், மன வருத்தங்கள் ஏற்ப்படும் வாய்ப்பு உள்ளது. அமைதியாக இருப்பதும், குடும்பத்தினரோடு நேரத்தை செலவிடுவதும் நல்லது.

வணங்க வேண்டிய தெய்வம்-
ஸ்ரீ வாராஹி அன்னையை வணங்குங்கள். ஸ்ரீ வாராஹி மூல மந்திரத்தை உச்சரித்து வணங்குங்கள். நன்மைகள் பெருகும்.
********************

அவிட்டம் -

முயற்சிகளால் வெற்றி காணும் வாரம்.

தேவையான உதவிகள் அனைத்தும் கிடைக்கும். குடும்பத்தினரின் தேவைகளை உடனுக்குடன் செய்து கொடுப்பீர்கள். சொத்து தொடர்பான பிரச்சினைகளில் விட்டுக் கொடுத்துச் செல்வது நல்லது.

மனைவிவழி உறவினர்களால் உதவிகளும் நன்மைகளும் கிடைக்கும். இதுவரை நல்ல வேலை இல்லாமல் இருப்பவர்களுக்கு வேலை கிடைக்கும். வேறு நிறுவனங்களுக்கு மாறும் முயற்சி சாதகமாக இருக்கும். அதற்கான முயற்சிகளில் இந்த வாரம் ஈடுபட்டால் முன்னேற்றமான தகவல் கிடைக்கும்.

புதிதாக தொழில் தொடங்க ஆர்வம் உள்ளவர்களுக்கு தேவையான ஆலோசனைகள் கிடைக்கும். சொந்தத் தொழில் செய்து கொண்டிருப்பவர்களுக்கு தொழிலில் லாபம் இருக்கும். புதிய தொழில் வாய்ப்புகள் கிடைக்கும் வாய்ப்பு உள்ளது.

வியாபார வளர்ச்சி அமோகமாக இருக்கும். எதிர்பாராத புதிய வியாபார வாய்ப்புகள் கிடைக்கும். பெண்களுக்கு நீண்ட நாளாக இருந்து வந்த உடல் உபாதைகள் நீங்கும். மருத்துவச் செலவுகள் வெகுவாகக் குறையும்.

புத்திரபாக்கியம் இல்லாதவர்களுக்கு புத்திரபாக்கியம் உண்டாகும். மாணவர்களுக்கு கல்வியில் ஆர்வம் அதிகமாகும். கலைஞர்களுக்கு நல்ல வாய்ப்புகள் நண்பர்கள் மூலமாக கிடைக்கும்.

இந்த வாரம் -

திங்கள்-
எதிர்காலம் கருதி எடுக்கும் முடிவுகள் அனைத்தும் உங்களுக்கு சாதகமாகவே இருக்கும். புதிய தொழில் வாய்ப்புகள் வியாபார வாய்ப்புகள் கிடைக்கும். புதிய நண்பர்கள் அறிமுகமாவார்கள். எதிர்பாலினத்தவரால் ஆதாயம் கிடைக்கும்.

செவ்வாய்-
வியாபாரப் பேச்சுவார்த்தைகள் சாதகமாக இருக்கும். சொத்துகள் வாங்குவது விற்பது போன்ற விஷயங்கள் முன்னேற்றம் தருவதாக இருக்கும். தொழிலில் இருந்த ஒரு சில தடைகளும் நீங்கும். வங்கிக் கடன் கிடைக்கும் வாய்ப்பு உள்ளது. தொழில் முதலீடுகளுக்கு நண்பர்கள் உதவி செய்வார்கள்.

புதன்-
எந்த விஷயத்திலும் அவசர முடிவுகள் எடுக்க வேண்டாம். நிதானமாக சிந்தித்துச் செயல்படுங்கள். பணச்செலவு அதிகமாக ஏற்படும். வீண் விரயங்கள் ஏற்படும் வாய்ப்பும் உள்ளது. ஆரோக்கியத்தில் சிறிய அளவிலான பாதிப்புகள் ஏற்படும்.

வியாழன்-
கடந்த சில தினங்களாக இருந்த குழப்பங்கள் அனைத்தும் தீரும். பணவரவு எதிர்பார்த்தபடியே இருக்கும். வியாபார வளர்ச்சி சீராக இருக்கும். சகோதர வகையில் இருந்த வருத்தங்கள் தீர்வதற்கான வழி வகைகள் கிடைக்கும். தொழிலுக்குத் தேவையான உதவிகள் கிடைக்கும்.

வெள்ளி-
நீண்ட நாளாக சந்திக்க விரும்பிய நபரை இன்று சந்திப்பீர்கள். எதிர்பார்த்த உதவிகள் கிடைக்கும். பணவரவு தாராளமாக இருக்கும். வெளிநாடு செல்லும் முயற்சிகள் வெற்றியாகும். உத்தியோகத்தில் எதிர்பார்த்த இடமாற்றம் கிடைக்கும் வாய்ப்பு உள்ளது. வெளிநாடு தொடர்பு உடைய தொழில் செய்பவர்களுக்கு புதிய ஒப்பந்தங்கள் கிடைக்கும். வெளிநாடுகளில் இருந்து வரவேண்டிய பணம் வந்துசேரும்.

சனி-
வியாபார விஷயமாக பயணங்கள் ஏற்படும். பயணத்தால் ஆதாயம் கிடைக்கும். குடும்பத்தினர் தேவைகளை பூர்த்தி செய்து தருவீர்கள். அலுவலகத்தில் கொடுக்கப்பட்ட பணியை இன்று நிறைவு செய்து நல்ல பெயர் வாங்குவீர்கள். வீடு மாறும் எண்ணம் ஏற்படும்.

ஞாயிறு-
பணவரவு தாராளமாக இருக்கும். எடுத்துக் கொண்ட முயற்சிகள் அனைத்தும் வெற்றி தரும். சுபகாரிய பேச்சுவார்த்தையில் முன்னேற்றம் ஏற்படும். ஏற்றுமதி இறக்குமதி தொழிலில் இருப்பவர்களுக்கு புதிய ஒப்பந்தங்கள் கிடைக்கும் வாய்ப்பு உள்ளது. பெண்களுக்கு குடும்ப உறவுகளால் ஆதாயம் கிடைக்கும்.

வணங்க வேண்டிய தெய்வம்-
ஸ்ரீ விஷ்ணு துர்கை அம்மனை வணங்குங்கள். அம்மனுக்கு நெய் தீபம் ஏற்றி வணங்குங்கள். எதிர்ப்புகள் அகலும். தேவைகள் நிறைவேறும். நினைத்தது நடக்கும்.
****************

சதயம் -

நன்மைகள் ஏற்படும் வாரம். சாதுர்யமாகச் செயல்பட்டு காரியங்களைச் சாதித்துக் கொள்வீர்கள்.

ஒரு சில மன சஞ்சலம் ஏற்படும். மன தைரியத்தோடு எதிர்கொண்டால் எந்தப் பிரச்சினையும் உங்களை பாதிக்காது. திருமணம் ஆகாதவர்களுக்குத் திருமணம் நிச்சயமாகும்.

புத்திர பாக்கியம் தாமதமாகிக் கொண்டிருந்தவர்களுக்கு இந்த வாரம் புத்திர பாக்கியம் தொடர்பான தகவல் மகிழ்ச்சி தருவதாக இருக்கும்..அலுவலகத்தில் பணிச்சுமை அதிகமாக இருக்கும். சக ஊழியர்கள் தேவையான அளவுக்கு உதவுவார்கள்.

தொழில் தொடர்பாக மேற்கொள்ளும் பயணங்களால் நன்மைகள் நடக்கும். முக்கியமான நபர்களை சந்தித்து தொழில் தொடர்பான உதவிகள் கிடைக்கப் பெறுவீர்கள். புதிய தொழில் ஒப்பந்தங்கள் நண்பர்கள் மூலமாக கிடைக்கும்.

வியாபாரத்தில் சீரான வளர்ச்சியும் லாபமும் கிடைக்கும். அரசு வழி உதவிகளும் கிடைக்கும் வாய்ப்பு உள்ளது. பெண்கள் குடும்பத்தினருடன் மகிழ்ச்சியாக இருப்பார்கள். தேவைகள் அனைத்தும் பூர்த்தியாகும்.
மாணவர்கள் கல்வியில் அதிக அக்கறையும் கூடுதல் கவனமும் செலுத்தவேண்டும். கலைஞர்களுக்கு நல்ல ஒப்பந்தங்கள், புதிய வாய்ப்புகள் கிடைக்கும்.

இந்த வாரம் -

திங்கள்-
வியாபாரம் தொடர்பான விஷயங்கள் சாதகமாக இருக்கும். சொத்துகள் வாங்குவது விற்பது போன்றவை முன்னேற்றம் தரக்கூடியதாக இருக்கும். பழைய வங்கிக் கடனை அடைத்து புதிய கடன் வாங்கும் வாய்ப்பு உள்ளது. தொழில் தொடர்பாக அனைத்து உதவிகளும் கிடைக்கும். தடைபட்டிருந்த பிரச்சினைகள் அனைத்தும் விலகும்.

செவ்வாய்-
அலுவலகத்தில் அடுத்தவர்கள் வேலையைக் கூடுதலாகச் செய்ய வேண்டியது வரும். தொழில் தொடர்பாக அலைச்சல்கள் ஏற்படும். வியாபார விஷயங்களில் இழுபறியாக இருக்கும். எதிர்பார்த்த பணவரவு தாமதமாகும். குடும்பச் செலவுகள் எதிர்பாராத வகையில் ஏற்படும். குடும்பத்தினரிடம் அன்பு காட்டுங்கள். கோபத்தை கட்டுப்படுத்துங்கள்.

புதன்-
புதிய சிந்தனைகள் மனதில் தோன்றும். தொழில் தொடர்பாக புதிய யுக்திகளைக் கையாளத் திட்டம் தீட்டுவீர்கள். வியாபாரத்தை விரிவுபடுத்த முயற்சி செய்வீர்கள். தேவையான பண உதவி மற்றும் அரசு தொடர்பான சலுகைகள் கிடைக்கும். சிறிய அளவிலான வியாபாரம் செய்து கொண்டிருப்பவர்களுக்கு எதிர்பாராத லாபம் கிடைக்கும்.

வியாழன்-
எந்த விஷயத்திலும் பொறுமையாக இருப்பது நல்லது. அவசர முடிவுகள் எடுக்க வேண்டாம். புதிய ஒப்பந்தங்கள் எதிலும் கையெழுத்திட வேண்டாம். வியாபார விஷயங்களில் கவனமாக இருக்கவேண்டும். வாடிக்கையாளர்களிடம் பொறுமையைக் கையாள வேண்டும். கையாளும் பொருட்களில் கவனமாக இருக்க வேண்டும். கைப் பொருட்களை பத்திரமாக வைத்துக்கொள்ள வேண்டும்.

வெள்ளி-
எதிர்பார்த்த உதவிகள் கிடைக்கும். தாமதமாகிக் கொண்டிருந்த பணவரவு இன்று கைக்கு வந்து சேரும். அலுவலகத்தில் இருந்த பிரச்சினைகள் குறையும். தொழில் தொடர்பாக தள்ளிப்போன சந்திப்பு இன்று நடப்பதற்கான வாய்ப்பு உள்ளது. தொல்லை தந்த கடன் பிரச்சினை ஒன்று முடிவுக்கு வரும்.

சனி-
நீண்ட நாளாகவே எதிர்பார்த்துக் கொண்டிருந்த ஒப்பந்தம் இன்று நிறைவேறும். வெளிநாட்டிலிருந்து நல்ல தகவல் கிடைக்கும். நண்பர்களால் ஆதாயம் கிடைக்கப் பெறுவீர்கள். கலைஞர்களுக்கு ஒப்பந்தங்கள் ஏற்படுவதற்கான சூழ்நிலை உருவாகும். பூர்வீகச் சொத்து சம்பந்தமான பிரச்சினைகள் முடிவுக்கு வரும்.

ஞாயிறு-
குடும்பத்தினருடன் மகிழ்ச்சியாக இந்த நாளைக் கழிப்பீர்கள். குழந்தைகளின் மகிழ்ச்சிக்காக வெளியே அழைத்துச் செல்வீர்கள். வியாபார விஷயங்கள் சாதகமாக இருக்கும். எதிர்பார்த்த பண உதவி கிடைக்கும்.

வணங்க வேண்டிய தெய்வம்-
ஸ்ரீ முருகப் பெருமானுக்கு அர்ச்சனை செய்யுங்கள். பிரச்சினைகள் தீரும். எதிர்ப்புகள் அகலும். மனதில் நம்பிக்கை பிறக்கும்.
*********************

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.


FOLLOW US

தவறவிடாதீர்!

Sign up to receive our newsletter in your inbox every day!

WRITE A COMMENT
 
x