Published : 28 Sep 2020 06:58 AM
Last Updated : 28 Sep 2020 06:58 AM

இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: மனக்குழப்பங்கள் விலகும். வெளியூரிலிருந்து உறவினர்கள், நண்பர்களின் வருகையால் வீடு கலகலப்பாகும். நவீன மின்சாதனங்கள் வாங்குவீர்கள். கலைப்பொருட்கள் சேரும்.

ரிஷபம்: வெளிவட்டாரத்தில் மதிப்பு உயரும். பணப்பற்றாக்குறையை சாமர்த்தியமாக சமாளித்து விடுவீர்கள். மனதுக்குப் பிடித்தவர்களை சந்தித்து மகிழ்வீர்கள். தாயின் உடல்நிலை சீராகும்.

மிதுனம்: எதிலும் அவசரப்பட வேண்டாம். சிலரின் விமர்சனங்களுக்கும், கேலி பேச்சுக்கும் ஆளாவீர்கள். பிற்பகல் முதல் கணவன் - மனைவிக்குள் அன்யோன்யம் பிறக்கும்.

கடகம்: உற்சாகமான பேச்சால் அனைவரையும் கவருவீர்கள். வீடு, வாகனத்தை சீர் செய்வீர்கள். அடுத்தவர் கூறும் விஷயங்களின் உண்மைத் தன்மையை அறிந்து செயல்படுங்கள்..

சிம்மம்: சுறுசுறுப்புடன் காணப்படுவீர்கள். சிந்தனைத்திறன் அதிகரிக்கும். குடும்பத்தில் கலகலப்பான சூழல் ஏற்படும். பிள்ளைகளின் உடல்நலம் சீராக இருக்கும். திடீர் பயணம் ஏற்படும்.

கன்னி: எதிரிகள் அடங்குவார்கள். கணவன் - மனைவி இடையே இருந்துவந்த கருத்துவேறுபாடுகள் நீங்கும். நண்பர்களின் திடீர் வருகையால் வீட்டில் மகிழ்ச்சி தங்கும்.

துலாம்: தன்னம்பிக்கையுடன் செயல்பட்டு காரியங்களை சாதித்துக் காட்டுவீர்கள். குடும்பத்தினருடன் இருந்துவந்த கசப்புணர்வு நீங்கும். பணவரவு திருப்திகரமாக இருக்கும்..

விருச்சிகம்: மகளின் கல்யாண பேச்சுவார்த்தைகள் நம்பிக்கை தரும். மூத்த சகோதரர் தக்க சமயத்தில் உதவுவார். புண்ணிய தலங்கள் செல்ல திட்டமிடுவீர்கள். வாகனம் செலவு வைக்கும்.

தனுசு: சத்தமே இல்லாமல் சில வேலைகளை முடிப்பீர்கள். குடும்பத்தில் உள்ளவர்களிடம் மனம்விட்டுப் பேசுவீர்கள். வெளியூர் பயணங்களால் ஆதாயம் உண்டு.

மகரம்: மன உளைச்சல் வந்து போகும். சில விஷயங்களுக்கு அனுபவ அறிவை பயன்படுத்துவது நல்லது. பிற்பகல் முதல் கணவன் - மனைவிக்குள் இருந்த பிணக்குகள் நீங்கும்.

கும்பம்: சில வேலைகளை உங்கள் பார்வையிலேயே முடிப்பது நல்லது. குடும்பத்தில் வீண் சலசலப்புகள் வந்து நீங்கும். யாரையும் மனம் நோகும்படி எடுத்தெறிந்து பேசாதீர்கள்.

மீனம்: செயலில் வேகத்தைக் காட்டுவீர்கள். குடும்பத்தில் மகிழ்ச்சி தங்கும். நீண்ட நாட்களுக்குப் பிறகு பிள்ளைகளுடன் நேரத்தை செலவிடுவீர்கள். பங்கு வர்த்தகம் லாபம் தரும்.

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

FOLLOW US

Sign up to receive our newsletter in your inbox every day!

WRITE A COMMENT
 
x