Published : 20 Sep 2020 21:33 pm

Updated : 20 Sep 2020 21:33 pm

 

Published : 20 Sep 2020 09:33 PM
Last Updated : 20 Sep 2020 09:33 PM

திருவோணம், அவிட்டம், சதயம் ; வார நட்சத்திர பலன்கள் - (செப்டம்பர் 21 முதல் 27ம் தேதி வரை) 

vaara-natchatira-palangal

- ‘சொல்வாக்கு ஜோதிடர்’ ஜெயம் சரவணன்

திருவோணம் -

அதிக நன்மைகள் ஏற்படும் வாரம்.

ஆரோக்கியத்தில் இருந்த பிரச்சினைகள் குறையும். எடுத்துக்கொண்ட முயற்சிகள் முன்னேற்றம் உண்டாகும். குடும்பத்தில் அமைதி நிலவும். புதிய முயற்சிகளில் ஈடுபடலாம். வெற்றிக்கான வாரம் இது.

சகோதர வழியில் இருந்த பிரச்சினைகள் முடிவுக்கு வரும். வீடு மாற்றம் அல்லது இருக்கின்ற வீட்டை மேலும் விரிவுபடுத்துவது போன்றவை நடக்கும். அலுவலக பணியில் இயல்பான நிலையே இருக்கும். ஒரு சிலருக்கு இடமாற்றம் தொடர்பான தகவல் உறுதியாகி இடமாற்றம் ஏற்படும்.

தொழிலில் நல்ல முன்னேற்றம் ஏற்படும். பணப்பற்றாக்குறை நீங்கும். வியாபாரிகள் தங்கள் வியாபாரத்தில் நல்ல வளர்ச்சி, முன்னேற்றம் காண்பார்கள். இதுவரை வராமலிருந்த பாக்கிகள் அனைத்தும் வசூலாகும்.

நண்பர்களும் உறவினர்களும் உங்களுக்கு உதவி செய்ய முன்வருவார்கள். பெண்களின் ஆரோக்கியத்தில் முன்னேற்றம் ஏற்படும். குடும்பத்தினருடன் ஏற்பட்ட மனக்கசப்புகள் நீங்கும்.

கணவன் மனைவி ஒற்றுமை பலப்படும். மாணவர்கள் கல்வியில் அபாரமான முன்னேற்றம் ஏற்படும். கலைஞர்களுக்கு சிறப்பான வாய்ப்புகளும் ஒப்பந்தங்களும் ஏற்படும்.

இந்த வாரம் -

திங்கள் -
எடுத்த காரியங்களை முழுமையான வெற்றியோடு செய்து முடிப்பீர்கள். எதிர்பார்த்த நல்ல தகவல் கிடைக்கும். வியாபாரம் தொடர்பான விஷயங்கள் சாதகமாக இருக்கும். வரவேண்டிய பாக்கிகள் வசூலாகும். தொழில் தொடர்பாக தேவையான உதவிகள் கிடைக்கப் பெறுவீர்கள்.
.

செவ்வாய் -
எதிர்பார்த்துக் கொண்டிருந்த நல்ல தகவல் இன்று வந்து சேரும். நீண்டநாளாக ஒத்தி வைக்கப்பட்டிருந்த தொழில் முயற்சிகள் மீண்டும் செயலுக்கு வரும். வியாபார விஷயங்கள் சாதகமாக இருக்கும். எதிர்பார்த்த பணம் கிடைக்கும். அலுவலகத்தில் உங்கள் வேலைகளை சிறப்பாக செய்து முடித்து நல்ல பெயர் எடுப்பீர்கள். தொழில் தொடர்பாக எதிர்பார்த்த உதவிகள் கிடைக்கும்.

புதன் -
நன்மைகள் அதிகமாக நடைபெறும் நாள். எதிர்பார்த்த அத்தனை உதவிகளும் கிடைக்கும். பணத்தேவைகள் பூர்த்தியாகும். வியாபாரத்தில் வளர்ச்சி உண்டாகும். எடுத்துக்கொண்ட வேலைகள் அனைத்தையும் எளிதாக செய்து முடிப்பீர்கள். சுபகாரிய பேச்சுவார்த்தைகளில் முன்னேற்றம் ஏற்படும். புத்திரபாக்கியம் பற்றிய நல்ல செய்தி இன்று கிடைக்கும்.

வியாழன்-
எந்த ஒரு விஷயத்திலும் அவசரப்படாமல் பொறுமை காப்பது நல்லது. பேச்சுவார்த்தை இருந்தால் தள்ளி வையுங்கள். பயணங்கள் எதுவும் மேற்கொள்ள வேண்டாம். புதிய ஒப்பந்தங்களில் கையெழுத்திடுவதைத் தவிர்த்து விடுங்கள். கோபத்தைக் கட்டுப்படுத்த வேண்டும். குடும்பத்தினரிடம் அனுசரித்துச் செல்லவேண்டும்.

வெள்ளி -
பணத்தேவைகள் உடனுக்குடன் பூர்த்தியாகும். தொழில் தொடர்பான ஒப்பந்தங்கள் ஏற்படும். சுபகாரிய பேச்சுவார்த்தைகள் மனநிறைவைத் தரும். அசையாச் சொத்துகள் தொடர்பான பிரச்சினைகளைப் பேசித் தீர்ப்பீர்கள். வங்கிக் கடன் கிடைப்பதற்கான சூழ்நிலை இருக்கிறது, அதிலும் குறிப்பாக வீட்டுக் கடன் கிடைக்கும் வாய்ப்பு பிரகாசமாக உள்ளது.

சனி-
குடும்பத்தின் தேவைகளை பூர்த்தி செய்து தருவீர்கள். அத்தியாவசியமானப் பொருட்களை வாங்குவீர்கள். பராமரிப்புச் செலவுகள் அதிகமாக ஏற்படும். தொழில் மற்றும் வியாபாரத்தில் இயல்பான நிலை தொடரும். இருந்தாலும் அதிக கவனமும் எச்சரிக்கை உணர்வும் தேவை.

ஞாயிறு -
எதிர்பார்த்த அனைத்து உதவிகளும் கிடைக்கும். பணம் பல வழிகளிலும் வரும். வியாபாரம் வளர்ச்சி அடையும். வியாபார ஒப்பந்தங்கள் நிறைவேறும். தொழில் தொடர்பான ஒப்பந்தங்கள் கிடைக்கும். நண்பர்களால் தேவையான உதவிகள் கிடைக்கப் பெறுவீர்கள்.

வணங்க வேண்டிய தெய்வம்-
ஸ்ரீ வாராஹி அம்மனை வணங்கி வாருங்கள். நன்மைகள் அதிகமாகும். தேவைகள் பூர்த்தியாகும்.
*******************

அவிட்டம் -

நினைத்த காரியத்தை நினைத்தபடியே செய்து முடிக்கக் கூடிய வாரம்.

மன சஞ்சலங்கள் அகலும். பணத்தேவைகள் உடனுக்குடன் பூர்த்தியாகும். எதிர்ப்புகள் குறையும். ஆரோக்கியத்தில் சிறுசிறு அச்சுறுத்தல் வந்துபோகும். சிறிய அளவிலான மருத்துவச் செலவுகள் ஏற்படும்.

தந்தைவழி உறவுகளிடம் இணக்கமாகச் செல்லுங்கள். அவர்களிடம் தேவையில்லாத பிரச்சினைகளைச் செய்ய வேண்டாம். கடன் தொடர்பான பிரச்சினைகள் தீர்வதற்கு வாய்ப்பு உள்ளது. கடன் கொடுத்து இருந்தாலும் இப்போது திரும்பக் கிடைக்கும். கடன் வாங்கியிருந்தாலும் கடனை அடைக்கக் கூடிய வாய்ப்புகளும் கிடைக்கும்.
உத்தியோகத்தில் இயல்பான நிலையே தொடரும்.தொழில் தொடர்பான அனைத்து உதவிகளும் கிடைக்கும். தொழிலில் நல்ல முன்னேற்றம் ஏற்படும். வியாபார வளர்ச்சி சீராக இருக்கும். எதிர்பார்த்த லாபம் கிடைக்கும்.

பெண்களின் தேவைகள் அனைத்தும் பூர்த்தியாகும். குடும்பத்தினர் ஒத்துழைப்பு சிறப்பாக இருக்கும். இல்லத்தில் மகிழ்ச்சி தரும் சுப விசேஷங்கள் முடிவாகும்.
திருமணமாகாத பெண்களுக்கு திருமணம் உறுதியாகும். மாணவர்களுக்கு கல்வியில் நல்ல முன்னேற்றம் ஏற்படும்.

இந்த வாரம் -

திங்கள் -
தொழிலில் நல்ல லாபம் உண்டாகும். வியாபாரம் வளர்ச்சி அடையும். தாயாரின் உடல் நலத்தில் முன்னேற்றம் ஏற்படும். தொழில் தொடர்பான புதிய ஒப்பந்தம் ஒன்று ஏற்படும். திருமணம் உள்ளிட்ட சுப காரிய பேச்சுவார்த்தைகள் முடிவுக்கு வரும்.

செவ்வாய் -
அலைச்சல்கள் அதிகரிக்கும். தேவையற்ற செலவுகள் ஏற்படும். அலுவலகத்தில் சக ஊழியரின் வேலையைச் செய்ய வேண்டியது வரும்.நீண்ட நாள் நண்பர் ஒருவரால் ஆதாயம் உண்டாகும்.

புதன் -
நெருக்கடி தந்த கடன் பிரச்சினை ஒன்று முடிவுக்கு வரும். பணவரவு தாராளமாக இருக்கும். எதிர்பார்த்த வியாபார ஒப்பந்தங்கள் நிறைவேறும். சுபகாரிய பேச்சுவார்த்தைகள் முடிவுக்கு வரும். தொழில் தொடர்பாக தேவையான உதவிகள் கிடைக்கப் பெறுவீர்கள்.

வியாழன்-
இயல்பான குணத்திற்கு மாறான நாளாக இருக்கும். மந்த நிலை தொடரும். பணிகளில் ஈடுபாடு இருக்காது. தொழில் மற்றும் வியாபாரத்தில் கவனமாக இருங்கள். காசோலைகளைக் கையாளும்போது கவனத்தோடு இருக்க வேண்டும்.

வெள்ளி -
தொலைபேசி வழித் தகவல் மனதிற்கு உற்சாகத்தைத் தரும்.தொழில் தொடர்பாக புதிய ஒப்பந்தங்கள் ஏற்படும். வியாபாரப் பேச்சுவார்த்தைகள் சாதகமாக இருக்கும். நண்பர்களால் உதவிகள் கிடைக்கப் பெறுவீர்கள். அவர்களால் ஆதாயமும் கிடைக்கும். எதிர்பார்த்த பணவரவு கிடைக்கும்.

சனி-
அதிக நன்மைகள் நடைபெறும். பண வரவு தாராளமாக இருக்கும். வியாபாரத்தில் வளர்ச்சி உண்டாகும். குழந்தைகளின் கற்றல் திறமையை வளர்க்கும் விதமாக வீட்டிலேயே ஒரு சில வசதிகளைச் செய்து தருவீர்கள்.

ஞாயிறு -
சுபகாரிய பேச்சுவார்த்தைகள் சுமுகமாக முடிவடையும். நண்பர்களாலும் உறவினர்களாலும் ஆதாயம் ஏற்படும். பணவரவு எதிர்பார்த்தபடியே இருக்கும்.

வணங்க வேண்டிய தெய்வம் -
துர்கை வழிபாடு நன்மைகளைத் தரும். ஸ்ரீதுர்கை கவசம் பாராயணம் செய்வது மனதில் நம்பிக்கை பிறக்க வைக்கும்.
********************

சதயம் -

எதிர்பார்த்த அனைத்து நன்மைகளும் நடைபெறக்கூடிய வாரம்.

தேவையான உதவிகள் உடனுக்குடன் கிடைக்கும். வருமானம் திருப்திகரமாக இருக்கும். எதிர்பார்த்த பணவரவு எதிர்பார்த்தபடி கிடைக்கும். ஆரோக்கியத்தில் இருந்த பிரச்சினைகள் முழுமையாக விலகும்.

தாயாரின் உடல்நலத்தில் நல்ல முன்னேற்றம் ஏற்படும். தந்தையின் ஆலோசனையும் அவரின் வழிகாட்டுதலும் பக்கபலமாக இருக்கும். தாய்வழி உறவுகளுடன் ஏற்பட்ட மனக்கசப்புகள் நீங்கும்.

சொத்துகள் தொடர்பான பிரச்சினைகளை சுமுகமாகப் பேசி முடிப்பீர்கள். கிடைக்கின்ற தகவல்கள் அனைத்தும் முன்னேற்றமான தகவல்களாகவே கிடைக்கும். இதுவரை நல்ல வேலை இல்லாமல் இருந்தவர்களுக்கு இப்பொழுது நல்ல வேலைவாய்ப்பு கிடைக்கும்.

திருமணமான தம்பதிக்கு புத்திர பாக்கியம் உருவாகும். அலுவலகத்தில் இருந்த நெருக்கடிகள் முடிவுக்கு வரும். தொழில் தொடர்பான அனைத்து உதவிகளும் கிடைக்கும். புதிய ஒப்பந்தங்கள் கிடைக்கப் பெறுவீர்கள்.

தொழில் வளர்ச்சிக்காக எதிர்பார்த்த வங்கிக் கடனுதவி கிடைக்கும். வியாபார வளர்ச்சி சிறப்பாக இருக்கும். வியாபாரத்திற்குத் தேவையான முதலீடுகள் கிடைக்கும்.
பெண்களின் ஆரோக்கியத்தில் நல்ல முன்னேற்றம் ஏற்படும். குடும்பத்தில் ஏற்பட்டிருந்த மனக்கசப்புகள் நீங்கும். குழந்தைகளின் கல்வி தொடர்பான வளர்ச்சியில் நல்ல முன்னேற்றம் ஏற்படும்.

கலைஞர்களுக்கு எதிர்பாராத புதிய வாய்ப்புகள் கிடைக்கும்.

இந்த வாரம் -

திங்கள்-
வியாபார பேச்சுவார்த்தைகள் சுமுகமாக இருக்கும். சொத்துகள் விற்பனை சம்பந்தமான விஷயங்கள் சாதகமாக இருக்கும். வணிகத்தில் வளர்ச்சி ஏற்படும். எதிர்பார்த்த பணம் கிடைக்கும். அலுவலகத்தில் எதிர்பார்த்த சலுகைகள் கிடைக்கும்.

செவ்வாய்-
பயணங்கள் ஏற்படும். அலைச்சல் அதிகரிக்கும். உடலில் அசதி சோர்வு ஏற்படும். தேவையற்ற செலவுகள் ஏற்படும். அமைதியாக இருப்பது நல்லது.

புதன் -
எதிர்பார்த்த அனைத்து உதவிகளும் கிடைக்கும். பணத்தேவைகள் உடனுக்குடன் பூர்த்தியாகும். வியாபார பேச்சுவார்த்தைகள் ஒப்பந்தங்களாக மாறும். தொழில் தொடர்பான முக்கிய சந்திப்புகள் ஏற்படும். புதிய தொழில் ஒப்பந்தங்கள் ஏற்படும் கூட்டுத்தொழில் செய்து கொண்டிருப்பவர்களுக்கு ஆதாயம் பெருகும்.

வியாழன் -
வங்கியில் எதிர்பார்த்த கடன் உதவி கிடைக்கும். நெருக்கடி தந்து கொண்டிருந்த முக்கியமான பிரச்சினை ஒன்று முடிவுக்கு வரும். பெண்களுக்கு தந்தைவழி உறவுகளால் ஆதாயம் கிடைக்கும். வியாபாரிகள் வியாபாரத்தில் லாபம் அதிகம் கிடைக்க பெறுவார்கள். சுபகாரிய பேச்சு வார்த்தைகள் முடிவுக்கு வரும். புத்திர பாக்கியம் இல்லாத தம்பதிகளுக்கு இன்று நல்ல தகவல் கிடைக்கும்.

வெள்ளி-
எதிர்பார்த்த உதவிகள் மட்டுமல்லாமல் எதிர்பாராத உதவிகளும் கிடைக்கும். பணவரவு தாராளமாக இருக்கும். வியாபார பேச்சுவார்த்தைகள் முன்னேற்றம் ஏற்படும்.புதிய ஒப்பந்தங்கள் கிடைக்கப் பெறுவீர்கள். பெண்களுக்கு திருமணம் உள்ளிட்ட சுப காரிய பேச்சுவார்த்தை முடிவுக்கு வரும்.

சனி-
தேவையில்லாத விஷயங்களில் தலையிட வேண்டாம். அடுத்தவர் விஷயங்களில் கருத்துக்கள் சொல்லாமல் இருப்பது நல்லது. செலவுகளைக் கட்டுப்படுத்த முடியாமல் திணறுவீர்கள். ஒப்பந்தங்களில் கையெழுத்திடுவதற்கு முன் நன்றாகப் படித்து பார்க்க வேண்டும்.

ஞாயிறு -
இதுவரை வராமலிருந்த பாக்கிகள் வசூலாகும். எதிர்பார்த்த பணவரவு எதிர்பார்த்தபடி கிடைக்கும். சகோதரர்கள் சொத்துப் பிரச்சினையில் உங்களுக்கு இணக்கமாக இருப்பார்கள். திருமணம் உள்ளிட்ட சுப காரிய பேச்சுவார்த்தைகள் முடிவுக்கு வரும்.புதிய வியாபார ஒப்பந்தங்கள் ஏற்படும்.

வணங்க வேண்டிய தெய்வம் -
மகா விஷ்ணு வழிபாடு செய்யுங்கள். விஷ்ணு சஹஸ்ரநாமம் கேளுங்கள். நன்மைகள் அதிகரிக்கும் தேவைகள் பூர்த்தியாகும்.
****************

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.



தவறவிடாதீர்!

திருவோணம்அவிட்டம்சதயம் ; வார நட்சத்திர பலன்கள் - (செப்டம்பர் 21 முதல் 27ம் தேதி வரை)சதயம்வார நட்சத்திர பலன்கள்சொல்வாக்கு ஜோதிடர் ஜெயம் சரவணன்Vaara natchatira palangalSathayamThiruvonamAvittam

Sign up to receive our newsletter in your inbox every day!

You May Like

More From This Category

More From this Author