இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: பழைய இனிய சம்பவங்களை அடிக்கடி நினைவுகூர்ந்து மகிழ்வீர்கள். கவுரவப் பதவிகள் தேடி வரும். நண்பர்கள், உறவினர்களின் வருகையால் வீடு களைகட்டும்.

ரிஷபம்: மனோபலம் கூடும். தைரியமாக சில முடிவுகள் எடுப்பீர்கள். சுபநிகழ்ச்சிகளில் கவுரவிக்கப்படுவீர்கள். விலை உயர்ந்த ஆடை, ஆபரணங்கள் வாங்குவீர்கள்.

மிதுனம்: உங்களுடைய செயல்களில் புத்திசாலித்தனம் வெளிப்படும். குடும்பத்தினரை அனுசரித்துச் செல்வீர்கள். விலகியிருந்த நண்பர், உறவினர் தேடி வந்து பேசுவார்கள்.

கடகம்: தெளிவான முடிவு எடுக்க முடியாமல் குழம்புவீர்கள். நண்பர்களுடன் பகை வரக்கூடும். இளைய சகோதரர் வகையில் இடையூறுகள் இருக்கும். மாலை முதல் மகிழ்ச்சி ஏற்படும்.

சிம்மம்: அநாவசிய செலவுகளை தவிர்ப்பது நல்லது. சிலர் உங்களிடம் உதவி கேட்டால் அவர்கள் உண்மையாகவே சிரமப்படுகிறார்களா என விசாரித்து உதவுவது நல்லது.

கன்னி: வெளியூரில் இருந்து மகிழ்ச்சிகரமான செய்திகள் வரும். மூத்த சகோதரர் வகையில் உதவிகள் கிடைக்கும். எங்கு சென்றாலும் மதிப்பு, மரியாதை கூடும். பணவரவு திருப்தி தரும்.

துலாம்: உறவினர், நண்பர்கள் வீட்டு விசேஷங்களில் முதல் மரியாதை கிடைக்கும். விசேஷங்களை முன்னின்று நடத்துவீர்கள். அக்கம்பக்கத்தினர் ஆதரவாக இருப்பார்கள்.

விருச்சிகம்: எதிலும் வெற்றி கிடைக்கும். எதிர்பாராத பணவரவு உண்டு. வீண் குழப்பங்களிலிருந்து விடுபடுவீர்கள். கணவன் - மனைவிக்குள் அன்யோன்யம் அதிகரிக்கும்.

தனுசு: முன்கோபத்தால் உணர்ச்சிவசப்படுவதை தவிர்ப்பது நல்லது. எந்த வேலையும் பலமுறை அலைந்த பிறகே முடியும். மாலை முதல் சாதகமான நிலை ஏற்படும்.

மகரம்: உங்களின் அனுபவ அறிவை வெளிப்படுத்த நல்ல சந்தர்ப்பங்கள் அமையும். வீட்டை ரசனைக்கேற்ப விரிவுபடுத்தி கட்ட திட்டமிடுவீர்கள். ஆன்மிக பயணம் ஏற்படக் கூடும்.

கும்பம்: புது தெம்பு பிறக்கும். ஓரளவு பணவரவு உண்டு. அரசு விஷயங்கள் உடனே முடியும். வீடு, மனை வாங்குவது, விற்பது சுலபமாக முடிவடையும். கலைப்பொருட்கள் சேரும்.

மீனம்: உங்களின் நிர்வாகத் திறன், ஆளுமைத் திறன் பளிச்சிடும். முக்கிய பதவிக்கு ஒருமனதாக தேர்ந்தெடுக்கப்படுவீர்கள். நீண்ட நாட்களாக எதிர்பார்த்த தொகை கைக்கு வரும்.