இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: கடந்த இரண்டு நாட்களாக இருந்த அலைச்சல், டென்ஷன், கோபம் யாவும் நீங்கும். குடும்பத்தில் மகிழ்ச்சி தங்கும். இழுபறியாக இருந்த வேலைகள் உடனுக்குடன் முடியும்.

ரிஷபம்: ஞாபக மறதியால் பிரச்சினைகள் வந்து நீங்கும். குடும்பத்தினரிடம் கோபத்தை காட்டாதீர்கள். விமர்சனங்களை கண்டு அஞ்சாதீர்கள். பணப் பற்றாக்குறை நீடிக்கும்.

மிதுனம்: சில வேலைகளை நீங்களே முன்னின்று முடிப்பது நல்லது. பிள்ளைகளால் அலைச்சல் அதிகரிக்கும். யாருக்காகவும் ஜாமீன், உத்தரவாதக் கையெழுத்திட வேண்டாம்.

கடகம்: குடும்பத்தினருடன் மனம்விட்டு பேசுவீர்கள். நம்பிக்கைக்கு உரியவர்களை ஆலோசித்து சில முக்கிய முடிவுகள் எடுப்பீர்கள். அதிகாரப் பதவியில் இருப்பவர் உதவுவார்.

சிம்மம்: எதிர்பார்ப்புகள் நிறைவேறும். பிள்ளைகளை புதிய பாதையில் வழி நடத்துவீர்கள். சிலர் உங்கள் உதவியை நாடுவார்கள். புண்ணிய தலங்கள் சென்று வருவீர்கள்.

கன்னி: கணவன் - மனைவிக்குள் இருந்த மனப்போர் நீங்கும். புதியவர்கள் நண்பர்களாவார்கள். மனைவிவழி உறவினர்கள் தக்க சமயத்தில் கைகொடுத்து உதவுவார்கள்.

துலாம்: செலவுகளைக் குறைக்க முடியாமல் திணறுவீர்கள். குடும்பத்தில் உள்ளவர்களின் உணர்வுகளைப் புரிந்து கொள்ளுங்கள். உங்கள் மீது சிலர் வீண் பழி சுமத்துவார்கள்.

விருச்சிகம்: தன் பலம் பலவீனத்தை உணர்ந்து செயல்படுவீர்கள். சகோதரர்களால் நன்மை உண்டு. கல்யாணப் பேச்சு வார்த்தை வெற்றியடையும். பணவரவு திருப்தி தரும்.

தனுசு: குடும்பத்தினர் உங்கள் ஆலோசனையை ஏற்றுக் கொள்வார்கள். வெளிவட்டாரத்தில் செல்வாக்கு கூடும். அரசால் அனுகூலம் உண்டு. வழக்கில் வெற்றி பெறுவீர்கள்.

மகரம்: குடும்பத்தின் அடிப்படை வசதிகளை மேம்படுத்துவீர்கள். உறவினர்களில் உண்மையானவர்களை கண்டறிவீர்கள். செலவுகளை குறைத்து சேமிக்கத் தொடங்குவீர்கள்.

கும்பம்: எதிர்ப்புகளையும் தாண்டி முன்னேறுவீர்கள். தாயாருடன் கருத்து மோதல்கள் வரக்கூடும். கலைப் பொருட்கள் வாங்குவீர்கள். வெளியூரில் இருந்து எதிர்பார்த்த செய்தி வரும்.

மீனம்: துணிச்சலாக சில முக்கிய முடிவுகள் எடுப்பீர்கள். உடன்பிறந்தவர்கள் உங்கள் நலனில் அதிக அக்கறை காட்டுவார்கள். பிரபலங்களின் அறிமுகம் கிடைக்கும்.